Mataos 13:47 - Kálar Nzyɛ̌m : Ejwán é Sáá

⁴⁷ «Mpóʼo mé Dâ Nzyɛ̌m báʼǎ nwɨɨla ó, le ontám bé dí eguho ɨ́ mâŋ lɨ́ esú lé émɛ̂r mímbi mí ósû mímyɛ̂h wɨ́.

Kálara Zyɛ̌m Edwán é mpʉ̌n

⁴⁷ «Jwɨ̀ʼa mo Da, yé ebâʼle nwɨɨla ó e kʉa bé a la é modibe maŋ ɨ. Bé a be ó lé egwɨm mɛr ofu bé ókwɨa tɨʼ ɨ, mɨmbi mimyɛh.

Mataos 13:47 ပူးပေါင်းရင်းမြစ်များ

Yʉanes 15:6

Mʉr dí apûhla e me nyá, ómyahɔɔ̌ kʉ̌l mpʉ̌ lɔ́ɔ́ raisin dí emyahɔɔ yɨ́. Wé lɨ́ eswâh. Bé ntɔ̂ʼ syɛŋ mílɔ́ɔ myaá, guhɔɔ myé lɨ́ ebéʼé é siʼe. Myé ntɔ̂ʼ síe lɨ́ edíʼe.

Mɨngwiha 3:1

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Sárdɛs wɨ́ nyá. Lɛ́yɨ́ɨ́ nyé ó: Waá dí emɛ̂r mísísǐm mé Nzyɛ̌m nzaangbá ndu e l'ocwícwén nzaangbá nyá, nyě lɛ́ɛ́ ó: me lɨ́ egʉ́ǎ sá yɨ́yɛ̂h gó dí esâ yɨ́. Bʉr bɨ́ɛ bee ó, go ó kublakúbla. Nkúná gua, go ó mpʉ̌ múu.

Markus 1:17

Yésʉs ntɔ̂ʼ lɛ́ɛ e bé ó: «Dúʼóó gá me. Me ókǎ sâ ó, bɨ̌n díʼee odul o bʉ̂r.»

Galásia 2:4

Sâ gwár, bʉ́ʉ́ bʉ̂r, bé á si gwa tíne nye nó, ebě, bʉ́ʉ́ ókrǐsten o bíbɛr, bé á be ó ɨ́ sɔ́má yɨ́h yaá. Bʉr baá, bé á swama ɨ́ sɔ́má yaá ó, mesǒ, lɨ́ edǐ gʉ́a, nkʉ̂ bɨ̌h, bʉr o dí ɨ́ mpúhlá e Yésʉs-Krîst bá, bê tyeetye ó onzyɛh o bʉ̂r. Gwɨ́má yɔ́ɔ́, yé á be ó, bé báʼa liŋ bɨ́h bitúʼǎ.

2 Korɛnt 11:26

Mɨ́ jaʼra e bityen nzɔʼ nzɔʼ. Me á duho ó sí, lɨ́ entaa méntíbé ménɨ́nɨ́ɨ́. Me á si pam le eswie ɨ́ mebó bínzilngǎn, le maá mé kúl yâm, le maá bíkúl bíswîh. Me á si gwa jʉ́ŋɔɔ ɨ́ binkana, le ɨ́ bilʉ̌n. Me á si jɨ́bla, gwá dwe ɨ́ mâŋ. Me á si pam le eswie ɨ́ mebó mé ókrǐsten o bíbɛr.

Mɨlʉmlʉ 20:30

Damá jóʼo ɨ́ sɔ́má yɨ́n tʉ́ŋlʉ̌, bʉ́ʉ́ bʉ̂r, bé ómɔa, nzě lɛ́ɛ míkóo, le edulo ómpʉ́n ó, bé dúʼoo bê.

Lʉkas 5:10

Jacques, bé e Yʉánɛs, bwán mé Zebedê, bé ntémé á be lɨ́ ejóʼo ékɛ̂n laá. Bé e Pétrus ó b'á syɛŋa mebô lɨ́ ebwâm byɛ̂l waá. Yésʉs nzě lɛ́ɛ e Simon ó: «Sá akpɛ́ɛ. Táare ɨ́ báánâ, go óbe ó ndul bʉr.»

Mataos 4:19

Nye ntɔ̂ʼ lɛ́ɛ e bé ó: «Dúʼóó gá me; me ósâ ó, bɨ̌n díʼee odul o bʉ̂r.»

1 Korɛnt 11:19

Ebě, mpɔ́ʼá menkɔ̌m, nye ɨ́ jala le enyɨ̂nyɨn páʼ nyɨ́n ó, bé gwâ dweʼe baá o dí tyeetye e búʼó bá.

Yʉanes 15:2

Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Mataos 13:44

«Mpóʼo mé Dâ Nzyɛ̌m nwɨɨla ó e sá dí ɨ́ buo ódimé, yaá nyʉ́ʉ́ mʉ̂r á sol ɨ́ pemé yɨ́. Nó nyʉ́ʉ́ mʉ̂r swîh á to pû, ntɔ̂ʼ kúlwa lɨ́ esǒ lé laá, nye ntɔ̂ʼ báʼǎ búblo yé tɨ̂. Nye nzě buú soho, ntɔ̂ʼ tó bɛ́ma mébi mé mɨ́mɛ̂h, búla, nzě bwâm pemé yaá e mɔnɨ́ yé.»

Mataos 13:46

Jɔʼ nyé á to bee pérel ngwár á be ɨ́ buú buo ódimé nyá yɨ́, nye ntɔ̂ʼ tó bɛ́ma mébi mé mɨ́mɛ̂h, ntɔ̂ʼ búla, nzě bwâm mbɨambɨa pérel waá.»

Mataos 13:48

Jɔʼ wé á be, wé mû sí lóno yɨ́, ojʉ̂l bé ósû ntɔ̂ʼ dulo wé tín, diŋɔɔ sí, pɛ́hɔɔ ósû, kaalɔɔ mímpǎŋ mí ósû ɨ́ mekwám, myahɔɔ baá o dí abe e nyɔm bá.