Mataos 13:44 - Kálar Nzyɛ̌m : Ejwán é Sáá

⁴⁴ «Mpóʼo mé Dâ Nzyɛ̌m nwɨɨla ó e sá dí ɨ́ buo ódimé, yaá nyʉ́ʉ́ mʉ̂r á sol ɨ́ pemé yɨ́. Nó nyʉ́ʉ́ mʉ̂r swîh á to pû, ntɔ̂ʼ kúlwa lɨ́ esǒ lé laá, nye ntɔ̂ʼ báʼǎ búblo yé tɨ̂. Nye nzě buú soho, ntɔ̂ʼ tó bɛ́ma mébi mé mɨ́mɛ̂h, búla, nzě bwâm pemé yaá e mɔnɨ́ yé.»

Kálara Zyɛ̌m Edwán é mpʉ̌n

⁴⁴ «Jwɨ̀ʼa mo Da, yé enwɨɨla ó e sa ndɨ é buo dime e, yaa yé a be fola é peme e. No ó nuu mʉr a to pu tɨ, ntɔʼ gbɛm efo laa, nye ntɔʼ bâʼle buuro le tɨ. Nye ze bul soho, ntɔʼ to bɛma mobi me mɨmɛh, bula kwar, ze bwam peme yaa e mɔn ye.»

Mataos 13:44 ပူးပေါင်းရင်းမြစ်များ

Kolosi 2:3

Ocwóó le ngwɨ́á wɨ́wɛ̂h, bɨ̌n bé ɨ́ jala le esáa byé ó ɨ́ Krîst tʉ́ŋlʉ̌. Byé ó Nzyɛ̌m á sol ɨ́ nye bí.

Lʉkas 14:33

Jwɨʼ gwár yaá, ɨ́ sɔ́má yɨ́n bɨ̌n óbɛ̂h, kâr mʉ̂r dí e nkul edi mpʉ́n wǎm, nyé bé abene bísá bíbyɛ̂h nó.»

Mataos 6:21

Ebě, gúmó ókúm le ogbaa gô dí yɨ́, gúmo yaá ntémé ó lémé gô, wé óbe yɨ́.

Mataos 19:29

Yé abe e mʉr dí elíʼě mbɛ̌r wé, bɨ́ɔɔ́ bé, okɛ́l bé, sɔ́ŋ wé, nyɔ̌ŋ wé, bwán bé, nkʉ̂ bipemé byé ebe nyé dí edû mé, dí abáʼǎ bi byé nzɔʼ nter, nʉa ntémé twǐʼ njʉ̌m dǐ, jala e nkɔb líʼe nyé.

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!

Mataos 19:27

Pétrus nzě nʉǎ lwǐb. Nye e né ó: «Paá bee: bɨ̌h bɨ́ líʼe bísá bíh bíbyɛ̂h, njɨ lɨ́ edû gô. Á bɨ̌h bɨɛ, bé óbi yé ɛ́?»

Mataos 19:21

Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Mataos 13:24

Yésʉs ntɔ̂ʼ báʼǎ lɛ́ɛ bé kɨkɛna swîh. Nye ó: «Mpóʼo mé Dâ Nzyɛ̌m nwɨɨla ó e mʉr á be mbɨambɨa mpeʼ ɨ́ pemé yé nyá.

Ebrœ̂ 10:34

Bɨ̌n e mimbʉʼ bé á si sia e mitúú mímpwár. Jɔʼ bʉ̂r bé á dɛn mebi mɨ́n yɨ́, bɨ̌n bé á si bîr byé e bisʉhʉʉ, ebě, bɨ̌n bé á be ɨ́ kʉ́ gʉ́a ó, bɨ̌n bé óbánǎ bi bídimé bísâ. Bisâ byaá, byé ɨ́ buú mbɨa, laa byaá bé á nyɛɛ dɛn bí. Byé ntémé, byé ó bisá bi dí edi bí.

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Mataos 13:46

Jɔʼ nyé á to bee pérel ngwár á be ɨ́ buú buo ódimé nyá yɨ́, nye ntɔ̂ʼ tó bɛ́ma mébi mé mɨ́mɛ̂h, ntɔ̂ʼ búla, nzě bwâm mbɨambɨa pérel waá.»

Mataos 13:47

«Mpóʼo mé Dâ Nzyɛ̌m báʼǎ nwɨɨla ó, le ontám bé dí eguho ɨ́ mâŋ lɨ́ esú lé émɛ̂r mímbi mí ósû mímyɛ̂h wɨ́.