Mataos 13:30 - Kálar Nzyɛ̌m : Ejwán é Sáá

³⁰ Bírɨ́ɨ́ gâ, byé gwɨ́aa sɔ́má, tó pyâl ɨ́ jɔ̌ʼ swɨɨ ékpɛm, jɔʼ bé ngá kpɛm méde yɨ́. Jɔʼ yaá ó mé ólɛ́ɛ ókpɛma ó, lɨ́ esôʼ, bé táaraa emɛɛ bébebébe ká yaá, kâʼ yé mimbom, díʼɔɔ yê. Píe tɨ̂, bé okpɛm méde mempâ, kaale mé ɨ́ nkuna nyǎm.”»

Kálara Zyɛ̌m Edwán é mpʉ̌n

³⁰ Birɨ ga bɨka ndɨ abe e mpi ɨ, byé gwɨa, byé e mompœʼ mam, to pyal é mya me ólomo bʉr ó, bé ntaʼ é mɨngol ɨ. É mya mɨngol ó me ólɛɛ e bʉr baa ó, bé taara tɨ bɨka ndɨ abe e mpi ɨ, kaʼ bye mɨmbom, diʼɔ bye. Pie tɨ, bé òpɛʼ mpaŋ mode, kaale me é l'enkuna lam.”»

Mataos 13:30 ပူးပေါင်းရင်းမြစ်များ

Mataos 3:12

Nyě e pyɛba ɨ́ mebô. Nyɨ́ gwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nye ódîʼ mpʉ́n ɨ́ siʼe dí adímedime yɨ́.»

1 Timotɛ 5:24

Misyóm mí bʉ́ʉ́ bʉ̂r, sɨ́sá ó nyɨnyɨ̂n ɨ́ ponó, bʉr baá dína apǎ dweŋɔɔ mébě. Bʉ́ʉ́ bʉ̂r bɨ́ɛ, misyóm myɔ́ɔ́, myé lɨ́ ekǎ nyɨ́n ɨ́ kpɛŋlɛm ó, njɨ epíhe.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Yʉanes 15:6

Mʉr dí apûhla e me nyá, ómyahɔɔ̌ kʉ̌l mpʉ̌ lɔ́ɔ́ raisin dí emyahɔɔ yɨ́. Wé lɨ́ eswâh. Bé ntɔ̂ʼ syɛŋ mílɔ́ɔ myaá, guhɔɔ myé lɨ́ ebéʼé é siʼe. Myé ntɔ̂ʼ síe lɨ́ edíʼe.

Mataos 25:32

Nó ó, bikúl bíbyɛ̂h, byé óswâl ɨ́ míh mé. Nye óbɛ̂ʼ bʉ̂r ɨ́ mpʉ pála bitab dí egbâ mbɔ́ʼ páʼ binteme le ontamakǎ yɨ́.

Lʉkas 3:17

Nyě e pyɛba ɨ́ mebô. Nye ógwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nyé onʉa mpʉ́n, sʉ ɨ́ siʼe dí adímedime yɨ́.»

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mataos 13:25

Ɨ́ gúú pum, bʉr bɨ́bɛ̂h ɨ́ bijô ɨ́ súgúgú, nyʉ́ʉ́ ntɨ̂m e mbɨn wé nzě pyâl ɨ́ pemé yaá, nzě be bíbébebébe bíká gúmó mímbɨambɨa mémpeʼ mé á beŋɔɔ yɨ́, ntɔ̂ʼ laa.

Mataos 13:29

Nye ó: “Heʼé, yé e nkul epyâl ó, bɨ́n sí tɨ̂ bébebébe ká nó, yé e nkul etɨ̂l le mpeʼ mpâ.