Mataos 13:25 - Kálar Nzyɛ̌m : Ejwán é Sáá

²⁵ Ɨ́ gúú pum, bʉr bɨ́bɛ̂h ɨ́ bijô ɨ́ súgúgú, nyʉ́ʉ́ ntɨ̂m e mbɨn wé nzě pyâl ɨ́ pemé yaá, nzě be bíbébebébe bíká gúmó mímbɨambɨa mémpeʼ mé á beŋɔɔ yɨ́, ntɔ̂ʼ laa.

Kálara Zyɛ̌m Edwán é mpʉ̌n

²⁵ Yé a ze be ó, é guu pum, bʉr bɨbɛh bɨdwo e bɨdwo. Nuu mʉr dɔm we ze pyal é peme yaa é nyololo, ze bè mpœʼ bɨka ndɨ abe e mpi ɨ, gumo mɨmpaŋ mompœʼ mé a bèŋɔ ɛ, bè é bè bè, ntɔʼ laa, to.

Mataos 13:25 ပူးပေါင်းရင်းမြစ်များ

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

2 Pyɛr 2:1

Bibɨ́bla bí ógwíha o mílɔ̌b, byé á si pyâl ɨ́ mimbú mí píhe kwá bʉr o mé Nzyɛ̌m. Jwɨʼ gwár e gwár yaá ó, bíbɨ́bla bí ólɛ̂ʼla ngá báʼǎ nî ɨ́ sɔ́má yɨ́n yɨ́. Milɛ́ʼlá bé ódwe mí, myé ódulo mpɔ́ʼá menkɔ̌m ɨ́ bɨ̌n, le edímle bʉ́ʉ́ bʉ̂r. Byé óbánǎ kɛ́la Tyɛ̂b esôʼ gá wɨ́ná á táa mebyaʼ mɔ́ɔ́ nyá. Byé ódulo ébébe ɨ́ menyʉ́l mɔ́ɔ́. Lé ópyâl bé ó, metwɨrâ, ntɔ̂ʼ dímle byê.

Mataos 13:39

Ntɨ̂m e mbɨn wé á nze be bébebébe ká nyá, nye ó sɔ́ŋ meleme. Swɨɨ ékpɛm, wé lɛ́ʼlé ó, esúʼlá é sí yɨ̂. Okpɛma, bé ó beéngeles mé Nzyɛ̌m.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

Mataos 25:5

Nó mpʉ mbêm mʉmá á bea, alɨ̌ búla nko nye á to nʉa mʉma yɨ́, bíbyɛ̂h nzě ntie mîh, ntɔ̂ʼ jáŋɔɔ bíjô.

Galásia 2:4

Sâ gwár, bʉ́ʉ́ bʉ̂r, bé á si gwa tíne nye nó, ebě, bʉ́ʉ́ ókrǐsten o bíbɛr, bé á be ó ɨ́ sɔ́má yɨ́h yaá. Bʉr baá, bé á swama ɨ́ sɔ́má yaá ó, mesǒ, lɨ́ edǐ gʉ́a, nkʉ̂ bɨ̌h, bʉr o dí ɨ́ mpúhlá e Yésʉs-Krîst bá, bê tyeetye ó onzyɛh o bʉ̂r. Gwɨ́má yɔ́ɔ́, yé á be ó, bé báʼa liŋ bɨ́h bitúʼǎ.

Mɨngwiha 2:20

Yé e sâ gwár mé dí ebene e bɨ̌n yɨ́. Yé ó: Yezábɛl, waá bɨ́n á bana dûhwo ó, nye díʼee ɨ́ sɔ́má yɨ́n nyá. Sá tɨ̂ʼ ó mé dí ebene bɨ́n yɨ́. Mʉmá nɨ̌ dímlé bɨ́n ó, ɨ́ jɔʼ nyé dí elɛ́ɛ ó, nye ó ngwíha milɔ̌b yɨ́. Nye lɨ́ edwe ósyɛ̂l o mésâ bâm milɛ́ʼlá míkóo, ó bé sâʼ bimolá. Nyě títíné bé ntémé ó, bé dêʼ tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá.

Mɨngwiha 13:14

Ebě, nye á si dweŋɔɔ nkul esâ mésimá nó ɨ́ míh mé tír esôʼ waá. Nye á si bana dímle bʉr ó sí yɨ̂ʼ bɨ́bɛ̂h, lɨ́ elɛ́ɛ e bé ó, bé kpáʼaa mveʼle ngá nwɨɨla e tír esôʼ, waá á pa kparɔɔ e pasoŋ, adwe nyá.

Mataos 13:24

Yésʉs ntɔ̂ʼ báʼǎ lɛ́ɛ bé kɨkɛna swîh. Nye ó: «Mpóʼo mé Dâ Nzyɛ̌m nwɨɨla ó e mʉr á be mbɨambɨa mpeʼ ɨ́ pemé yé nyá.

Mataos 13:26

Jɔ̌ʼ mbɨambɨa mpeʼ, yé á pâh, gúmo mpúmó yɨ́, bibébebébe bíká nzě pâh ntémé.

Mataos 13:27

Nó ó ósyɛ̂l o mésâ ó mʉ̂r pemé, bé á nze to dî e né ó: “Dâ, go á bé así bě mbɨambɨa mpeʼ ɨ́ pemé yô? Á bébebébe ká yɨ́ɛ, yê ka duho wó?”

Mataos 13:29

Nye ó: “Heʼé, yé e nkul epyâl ó, bɨ́n sí tɨ̂ bébebébe ká nó, yé e nkul etɨ̂l le mpeʼ mpâ.

Mataos 13:30

Bírɨ́ɨ́ gâ, byé gwɨ́aa sɔ́má, tó pyâl ɨ́ jɔ̌ʼ swɨɨ ékpɛm, jɔʼ bé ngá kpɛm méde yɨ́. Jɔʼ yaá ó mé ólɛ́ɛ ókpɛma ó, lɨ́ esôʼ, bé táaraa emɛɛ bébebébe ká yaá, kâʼ yé mimbom, díʼɔɔ yê. Píe tɨ̂, bé okpɛm méde mempâ, kaale mé ɨ́ nkuna nyǎm.”»