Mataos 13:23 - Kálar Nzyɛ̌m : Ejwán é Sáá

²³ Nyʉ́ʉ́ mʉ̂r ntémé nwɨɨla ó e mpeʼ yé á kur ɨ́ mpǎŋ sí métyɛʼ yɨ́. Nyɨ́haá, nyɨ́ jóʼǒ Mbɨambɨa Lɔ́ɔ, le egwá nʉa wê. Sá tɨ̂ʼ ó wé á gúmo mpumó ɨ́ twiʼ yé yɨ́. Lɨ̂ʼ étín, lé á si gúmo mpumó nter. Lʉ́ʉ́, mpumó mekám mésaman. Lʉ́ʉ́ ntémé, mekám mélɛ̂l.»

Kálara Zyɛ̌m Edwán é mpʉ̌n

²³ Nuu mʉr nteme, nye enwɨɨla ó e mpœʼ yé a kur é mpaŋ si mocyɛʼ ɛ. Nyiha, nyi joʼo lɔɔ Zyɛm ndwe le egʉa joʼo we. Ebe no ó wé a gumo mpumo é tiʼ ye e. Lɨʼ etin, lé a si gumo mpumo nter; lʉʉ, mpumo mowʉm tobo; lʉʉ nteme, mowʉm molɛl.»

Mataos 13:23 ပူးပေါင်းရင်းမြစ်များ

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

Mataos 12:33

«Bɨ́n sí lɛ́ɛ ó, lɨ́, yé ɨ́ mbɨa nó, lɛ́yɨ́ɨ́ gá ntémé ó, mpumó nyé, nye ɨ́ mbɨa. Bɨ́n sí lɛ́ɛ ó: “Bǒl lɨ́ ó yɨ̂ʼ” nó, kamaa gá ntémé ó, mpumó nyé, nye ó bibol e bibol. Bé gʉ́gʉ́á nyɔ̌m lɨ́ ó, sí pǎ bee mpúmó nyé.

Mataos 13:8

Damá jóʼo nó, gúú pâʼ mémpeʼ wɨ́ɛ, wé á si kur ɨ́ sí métyɛʼ. Mempeʼ maá nzě gúmo mpúmó. Lɨ́ʼ étín gúmo mpúmó nter. Lʉ́ʉ́ étín, mpumó mekám mésaman. Lʉ́ʉ́ ntémé, mpumó mekám mélɛ̂l.»

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Mataos 3:8

Gúmáá gá mimpaŋ mi mpúmó mi dí ejala e miléme mû sí dwira mí.

Lʉkas 13:9

Yʉ́ʉ́ jɔʼ, yé e nkul egúmo mpúmó ɨ́ mbú dí enze wɨ́. Yé óbe, agúmo nó, mé ocwɛl gó yǎ.”»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Ebrœ̂ 8:10

Ebě, Dâ Nzyɛ̌m lɛ́ɛ́ ó: «Píe melû maá, saá mé ngá tyêl páʼ nyɨ́h e kúl bʉ̂r o b'Ɨ́zraɛ̂l nyɨ́, nye óbe ó, mbi wɨ̂: Me ólíʼe métié mâm ɨ́ lʉ́ wɔ́ɔ́. Me ócɛma bé mǎ ɨ́ miléme. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

Ebrœ̂ 4:2

Mɨná bé á be gá ó, sí jóʼǒ Mbɨambɨa Lɔ́ɔ jwɨʼ gwár e gwár e bimpám gá bíná. Sâ gwár, wé á bé abe byé e nyɔm, ebě, byé á bé abûʼla ɨ́ jɔʼ byé á jóʼo wé yɨ́.

2 Tesalonika 2:10

Nye ógbah métié mé Nzyɛ̌m, le esâ bísyɛ́ɛla bi dí édímle bʉ̂r ɨ́ nzɨ̌ mikóo bí. Bisyɛ́ɛla byaá, byé ódímle baá ngá dîm ɨ́ nkɔb bʉr bá. Bé ódîm, ebě, bé á si bene otyeetye. Yé bé bé á be ɨ́ kpɛl wé nó, lɛ́ɛ́, wé á si gwa tíʼ bê.

1 Tesalonika 4:1

Bɨ́ɔɔ́ bâm! Okɛ́l bâm! Bɨ̌h bé á si tɨ́e bɨ̌n mpʉ bɨ́n jálá le etíʼě mbǐ twǐʼ Nzyɛ̌m dí ekpɛl wɨ́ yɨ́. Bɨ̌n ntémé mû ó lɨ́ etíʼe nó. Damá jóʼo nó, bɨ̌h bé lɨ́ edî bɨ́n, le etɨ́e bɨ́n ɨ́ díé mé Tî Yésʉs ó, bɨ̌n tôʼ le esâ njɨ nó, ɨ́ buo buo!

Filipi 4:17

Mé apʉgʉ́ buú gwɨ̂m ndwéá wɨ́n, wé mʉr tɨ̂. Mě jaá gwɨ̂m ó, njɨ bɨ̌n díraa nyɔm, ɨ́ melû me dí enze má, ɨ́ lɔ̌b sá bɨ́n ngá dwe mé yɨ́.

2 Korɛnt 9:10

Nzyɛ̌m ó dí edwe bʉ̂r mempeʼ me dí ebeŋɔɔ má. Nye ntémé ó dí ekab bʉ̂r mede bé ódɨde má. Nye ódwe bɨ́n mempeʼ ɨ́ mpyaʼá, sâ ntémé ó, mé búaa. Nye ósâ ó, bʉr ɨ́ buo buo, bé díraa nyɔm e bisyɛ́ɛ́ bɨ́n dí eséa lɨ́ otîtyěl bí.

Mɨlʉmlʉ 17:11

Bʉr ó Bére bé á kœb gʉ̂ʼ bá, bé á be ó, ɨ́ mbɨa míléme, laa óYúden bé á bě Tesaloníka bá, ebě, bé á si nʉa lɛ́ʼlá dí edumo e Nzyɛ̌m wɨ́ e mpǎŋ gwɨ́má. Dʉ́ó lɨ́lɛ̂h, bé á be ó lɨ́ etimle Mékaná mé Nzyɛ̌m, lɨ́ edǐ bee nkʉ̂ sá Pɔ̂l á lɨlɛ́ɛ bé yɨ́, yé á kʉ be ó tyeetye.

Mɨlʉmlʉ 16:14

Ɨ́ tɨ̂ʼ ɨ́ sɔ́má bʉ́bá yaá, yé á be ó e mʉmá á be e díe ó, Lidía, waá á duhǒ Teatîr nyá. Nye á bɨbɛ́ma ó, mikán mí kaá e kaá. Nye á bɨbe ó, lɨ́ egúmlǒ Nzyɛ̌m. Nye nzě jóʼo bɨ́h, Dâ Nzyɛ̌m nzě tyɛ̂b nyé ɨ́ léme ó, nye gwâ jôʼlǒ sá Pɔ̂l á lwilwib yɨ́.

Yʉanes 8:47

Mʉr dí mʉr mé Nzyɛ̌m nyá, jóʼó ó, mekǎn mé Nzyɛ̌m. Sâ gwár, bɨ̌n bé abe bʉ̂r o mé Nzyɛ̌m. Nó yaá ó bɨ́n dí ajóʼo mé yɨ́.»

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Markus 10:15

Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí anî ɨ́ Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Markus 4:20

Bʉ́ʉ́ ntémé, bé nwɨɨla ó e mpeʼ yé á kur ɨ́ mpǎŋ sí métyɛʼ yɨ́. Bɨ́ jóʼǒ Mbɨambɨa Lɔ́ɔ, nʉa wé mbɨ̂mbɨá. Sá tɨ̂ʼ ó bé dí egúmo mpúmó ɨ́ bicwiʼ byɔ́ɔ́ yɨ́. Mâʼ métín gúmo mpúmó mekám mélɛ̂l. Mʉ́ʉ́, mpumó mekám mésaman. Mʉ́ʉ́ ntémé, mpumó nter.»

Mataos 3:10

Num nzwɨ́ɨ, wé mû ó ɨ́ cǎr lɨ́ etíʼe míkaalé bílɨ́ nko ménzuʼ. Nye ócwɛ̌l lɨ́ yɨ́yɛ̂h dí agúmo mímpǎŋ mi mpúmó yɨ́, guho yé lɨ́ ebéʼé é siʼe.

Ebrœ̂ 6:7

Gʉ́ŋáá gá ó, pemé ómpíé dí enwɨ́ɨ tɨ̂ʼ jɔʼ yɨ́yɛ̂h, dí egúmo mpúmó lɨ́ esú é mépwaʼ mé óbel o tɨ̂ʼ yɨ́, yé óswɨɨ métyɛʼ me mpóm mé Nzyɛ̌m.

Lʉkas 8:8

Damá jóʼo nó, gúú pâʼ mémpeʼ wɨ́ɛ, wé á si kur ɨ́ sí métyɛʼ. Mempeʼ maá nzě gwɨ́e le ekoʼo. Bumó gwár gúmo mpúmó nter.» Jɔ̌ʼ Yésʉs á sil elɛ́ɛ bé nó yɨ́, nye e bé ó: «Mʉr dí e megwǎl mé éjóʼo nyá, nye jóʼaa náǎ.»