Mataos 13:11 - Kálar Nzyɛ̌m : Ejwán é Sáá

¹¹ Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

Kálara Zyɛ̌m Edwán é mpʉ̌n

¹¹ Nye ntɔʼ bɨha e be ó: «Bɨn ó Da a gwih lwib odim lé etiibe e jwɨ̀ʼa ye e, ó bɨn gʉŋa ye é kpɛhla. No ó bɛɛ, bé a baagwihɔ ye.

Mataos 13:11 ပူးပေါင်းရင်းမြစ်များ

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Mataos 19:11

Yésʉs nzě lɛ́ɛ e bé ó: «Ntʉ bʉ̂r bɨ́bɛ̂h dí e nkul enʉǎ lɔ́ɔ́ wɨ̂. Bʉr, bé á pa dweŋɔɔ nkul nyaá bá, bé omér ó dí e nkul enʉa wê.

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

1 Yʉanes 2:27

Ɨ́ wɨ́n pâʼ, bɨ̌n bé á si bi Sísǐm, waá Nzyɛ̌m á lœm bɨ̌n wǎ wɨ́. Bɨ̌n e Sísǐm mé Nzyɛ̌m waá ó mû. Sɨ́ǎ yaá ó bɨ́n dí, abe lɨ́ ekǎ jɨ lɛ̂ʼla yɨ́. Nzyɛ̌m á ntɨh bɨ̌n Sísǐm wé ó, nye díʼee lɛ̂ʼla wɨ́n ɨ́ milɔ̌b mímyɛ̂h. Sísǐm mé Nzyɛ̌m, nye ntémé, nye ó sísǐm mé Nzyɛ̌m mpâ. Nyě lɛ́ɛ́ ó, otyeetye; nyé alɛ́ɛ bíbɛr. Mpʉ nyé dí elɛ̂ʼle bɨ́n yɨ́, diʼee gá ɨ́ mpúhlá e nye.

1 Yʉanes 2:20

Ɨ́ wɨ́n pâʼ, Mʉr mé Nzyɛ̌m dí tí nyá á si lœm bɨ̌n, lɨ́ entɨh bɨ́n Sísǐm mé Nzyɛ̌m. Bɨ̌n bɨ́bɛ̂h, bɨ̌n bé lɨ́ egʉ́a ótyeetye.

Mataos 16:17

Yésʉs ntɔ̂ʼ lɛ́ɛ e né ó: «Go ó e metyɛʼ me mpóm, Simon Bar-Yónas. Ntʉ nyʉ̂l bipúno le metiê gwíh gó sâ yaá. Yê bé ó Sɔ́ŋ wǎm dí ɨ́ jʉ́o kʉ́ nyá. Nye ô lɛ́ʼlé gó yǎ.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Éfɛsɔs 5:32

Wâm mbeá, mɛm Pɔ̂l ó wɨ̂: mɛ̌m bee ó, lwǐb ódîm nɨ̌ lɛ́ʼlé mɨ́ná gá ó, mveʼlě sá nɨ́nɨ́ɨ́ yɨ̂: lɔ̌b ébâ, wé mveʼle ó, Krîst, bé e Mbɛ̌r-Nzyɛ̌m.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Lʉkas 8:10

Yésʉs ntɔ̂ʼ yala ó: «Bɨ̌n ó Nzyɛ̌m á gwîh bisâ bi dí misolá ɨ́ Mpóʼo nyé bí, ó bɨ̌n gʉ́ŋaa byé ɨ́ pébébé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó, mekǎn me ngwíha milɔ̌b mé Nzyɛ̌m, mé díraa. Nye á cɛma ó: “Bé lɨ́ edwɛ̂ʼ e mîh mimběʼ, abee. Bé lɨ́ ejôʼlo e megwǎl, ajóʼo, agʉ́a ntémé.”

1 Korɛnt 15:51

Me múo nzě pâʼla bɨ́n lwǐb ódîm: ntʉ bʉ̂r bɨ́bɛ̂h ngá dwe! Sâ gwár, mɨná gá óbɛ̂h, bé ódwira gá menyʉ̂l.

1 Korɛnt 2:7

Bɨ̌h lɛ́ʼlé ó, ocwóó mé Nzyɛ̌m dí solá wɨ́. Wé ó sá Nzyɛ̌m á sol bʉr yɨ́. Nye dína apǎ kuho kʉ́ e sí, nye á boo tíʼe ɨ́ lémé wé ó, nyě dwé mɨ́ná gá ó ocwóó waá, ti e kûm tɨ̂.

Yʉanes 6:65

Nye ntɔ̂ʼ báʼǎ lɛ́ɛ e bé ó: «Sá tɨ̂ʼ ó mê lɛ́ɛ́ e bɨ̌n ó, mʉr, nyé abe e nkul enze kwá nyǎm, nye l'apǎ nyɛɛ́ bi nkûl nyaá kwá mé Sɔ́ŋ wǎm yɨ́.»

1 Timotɛ 3:9

Bé gwâ baʼle ótyeetye ó búʼó gá yɨ́ná, e mipahlá míléme mi dí ɨ́ pyɛɛɛ mí.

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

Markus 4:11

Yésʉs ntɔ̂ʼ lɛ́ɛ ó: «Bɨ̌n ó Nzyɛ̌m á gwîh bisá mésǒ bí Mpóʼo nyé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó,

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Éfɛsɔs 6:19

Jɨʼlaa gá ntémé e Nzyɛ̌m ɨ́ lɔ̌b wâm, ó nye dwêʼ me mekǎn mé lwíbɨɨ ɨ́ hwɨ́m, abáawǒ sɔ̂ʼ má. Me pâʼlaa lwǐb ódîm dí edumo e Mbɨambɨa Lɔ́ɔ yɨ́, bʉr gʉ́ŋaa yê.

1 Korɛnt 4:7

Nzé nyɨɛ á bɨ̂r gua kʉ́, laa bʉ̂r bɨ́bɛ̂h ɛ̌? Yé gó dí e yé, gó á be abǐ biʼée yɨ́? Yé bé sá yɨ́yɛ̂h gó dí e yé yɨ́, go á bi yé ó, biʼée nó, gǒ nkʉ́ná mpʉ̌ sá lɛ́ɛ́, yé abě ndwéá ɨ́ yé?

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

Mɨlʉmlʉ 16:14

Ɨ́ tɨ̂ʼ ɨ́ sɔ́má bʉ́bá yaá, yé á be ó e mʉmá á be e díe ó, Lidía, waá á duhǒ Teatîr nyá. Nye á bɨbɛ́ma ó, mikán mí kaá e kaá. Nye á bɨbe ó, lɨ́ egúmlǒ Nzyɛ̌m. Nye nzě jóʼo bɨ́h, Dâ Nzyɛ̌m nzě tyɛ̂b nyé ɨ́ léme ó, nye gwâ jôʼlǒ sá Pɔ̂l á lwilwib yɨ́.

Mataos 13:10

Nó ómpʉ́n mé Yésʉs, bé á nze sîhlě súm nyé á be yɨ́, bê nzě díŋɔɔ e né ó: «Gǒ lwǐb e bé ɨ́ nzɨ̌ bikɨkɛna ɨ́ yé ɛ́?»

Mataos 20:23

Yésʉs, nye e bé ó: «Yé ó nó: mɨná bé ókʉ́ nkɛ́ɛ gá mitúú jwɨʼ gwár. Sâ gwár, ɨ́ páʼ édi ɨ́ mbó éjʉ́m wâm, nkʉ̂ ɨ́ mbó émyɛ̌l wâm, ntʉ mɛ̂m tíʼé wɨ́haá lɔ̌b. Bidiá byaá, byé bónó ó, baá Sɔ́ŋ wǎm á boo komlo byé lɨ́ esú lɔ́ɔ́ bá.»

Markus 10:40

Sâ gwár, ɨ́ páʼ édi ɨ́ mbó éjʉ́m wâm, nkʉ̂ ɨ́ mbó émyɛ̌l wâm, ntʉ mɛ̂m tíʼé wɨ́nɨ̌ lɔ̌b. Bidiá byaá, byé bónó ó baá Nzyɛ̌m á boo komlo byé lɨ́ esú lɔ́ɔ́ bá.»

Rôm 11:25

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa lwǐb ódîm yɨ̂ʼ ɨ́ pébébé. Bɨ̌n ámû jwɨʼ ó, bɨ̌n bé ó ocwóó. Lwǐb ódîm yaá, yé ó: bʉ́ʉ́ bʉ̂r ɨ́ kúl bʉ̂r o b'Ɨ́zraɛ̂l, bé e miléme mi dí ɨ́ buú lele lɨ́ ejóʼo mi. Milémé myɔ́ɔ́, myé óbe ɨ́ lele lɨ́ ejóʼo ó, tó kumo ɨ́ jɔʼ tólɔ́ɔ obûʼla o dí abe óYúden bá, ókumǒ bím Nzyɛ̌m á boo tíʼe ɨ́ lémé wé ó, nyě dwé ó bé twǐʼ njʉ̌m dǐ yɨ́.