Mataos 12:41 - Kálar Nzyɛ̌m : Ejwán é Sáá

⁴¹ Ɨ́ dʉ́ó lé étíʼ é mílɔ̌b, bʉrʉ̂m ó Ninevâ, bé ógbɔlwa, nwâhle bʉ̂r ó myǎ bʉ̂r wɨ̂, ebě, bé á si túmo mikoo le edwira míléme lɨ́ ejóʼǒ lɔ́ɔ́ Yʉ́nas á lɛ́ɛ bé wɨ́. Nó, paá bee gâ: sá láá Yʉ́nas yɨ́, yé ó wâ!

Kálara Zyɛ̌m Edwán é mpʉ̌n

⁴¹ É dobo le etiʼ e mɨlɔb, bʉrʉm o nkana Niniv, bé ómʉa, nwahle bʉr o mya wi, ebe, bé a be ó si gwɨma mobebe mɔɔ le edwir mɨleme lé ejoʼo mpaŋla Yonas a cen be e. No ó, paʼ bee ga: cyela mɨtuno lé elaa Yonas ɨ, nye ó bana kʉ be wâ!

Mataos 12:41 ပူးပေါင်းရင်းမြစ်များ

Mataos 12:42

Ɨ́ dʉ́ó lé étíʼ é mílɔ̌b, njwɨ́ɨ mʉmá á duhǒ díbé tie nyá, ótyɛ̂b, nwâhle bʉ̂r ó myǎ wɨ̂, ebě, nye á si duho médumo me ntwíʼ, lɨ́ enzě jóʼo métwɨ́ɨ́ mé ócwóó mé Salomɔ̂ŋ. Paá bee gâ: sá láá Salomɔ̂ŋ yɨ́, yé ó wâ!»

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

Rôm 2:27

Mʉr bikûl dí abě tíʼá mpʉ́n ɨ́ nkǒ páʼ nyʉ̂l nyá, nyé báʼlé yɨ́ɛ metié nó, nye ódwe gó mebě, gua Yúden. Go á si ntɨhɔɔ mekaná métié. Go ntémé tíʼɔɔ mpʉ́n. Píe tɨ̂, go nzě gbah métié maá.

Yʉanes 3:31

«Mʉr dúhó kʉ́ nyá ó láá bʉ̂r bɨ́bɛ̂h. Mʉr dí mʉr sí yɨ̂ʼ nyá, nyě gúmó ó e sí yɨ̂. Nyě jaá lwilwib ntémé ó, njɨ milɔ̌b mi kâ. Mʉr dí eduho ɨ́ jʉ́o kʉ́ nyá ó láá mʉ̂r nyɨnyɛ̂h.

Mataos 12:6

Nó mě lɛ́ɛ́ bɨ́n ó nɛ́ɛ: súm mɨ́ná dí gá yɨ̂, sɔ̂ʼ, yé ó wâ, dí ɨ́ buú bwaʼ, laǎ mpáh Nzyɛ̌m bɨ́n dí esêʼlě nɨ̌!

Yʉanes 4:12

Mpám yɨ́ná Yákɔb ó b'á líʼe bɨ̌h bɨɛ edɛɛ́ lɨ̂. Nye mʉr tɨ̂ʼ á be ó si de médíbé tɨ̂. Bwán bé le otír bé, sí de. Nó ó, gǒ bûʼlá ó, go ó láá Yákɔb ɨ́?»

Lʉkas 11:32

Ɨ́ dʉ́ó lé étíʼ é mílɔ̌b, bʉrʉ̂m ó Ninevâ, bé ógbɔlwa, nwâhle bʉ̂r ó myǎ wɨ̂, ebě, bé á be ó sí túmo míkoo le edwira míléme lɨ́ ejóʼo mpáŋla mé Yʉ́nas. Nó, paá bee gâ: sá láá Yʉ́nas yɨ́, yé ó wâ.»

Mataos 23:36

Mě lɛ́ɛ́ bɨ́n lɨ́ otyeetye ó, sâ yaá yɨ́yɛ̂h, yé óswɨɨ ó, ɨ́ milʉ́ mí bʉ̂r ó myǎ wɨ̂!

Mataos 17:17

Yésʉs ntɔ̂ʼ lɛ́ɛ e bé ó: «Bɨ̌n myǎ bʉ̂r o dí abûʼla wɨ́! Bɨ̌n bé ó njɨ e mesónó. Me káa báʼǎ di ɨ́ sɔ́má yɨ́n, tó pyâl ɨ́ yáǎ jɔʼ ɛ̌? Me ódûhwo bɨ́n, tó swîʼ yáǎ sûm ɛ̌? Ntáʼ gá me e mwân nɨ̌ wâ.»

Mataos 16:4

Bibɨ́bla bi bʉ̂r le odûl bé ónzyɛ̌m oswîh ó dí edǐ bee mésimá. Yé ákóʼó kǎ be le esimá eswîh, alaa ó laá lé á syɛ́ɛ ɨ́ twiʼ mé Yʉ́nas lɨ́.» Jɔ̌ʼ Yésʉs á sil elwib nó yɨ́, bé le ompʉ́n bé ntɔ̂ʼ kalwo ɨ́ byɛ̂l, tóŋɔɔ.

Mataos 12:45

Nó wé ntɔ̂ʼ báʼǎ nkɛ́ɛ, tó nʉa myúú mímbɨ́a mísísǐm nzaangbá myé á be ɨ́ buú buo cére, laa wé mí. Mímyɛ̂h ntɔ̂ʼ nzeŋɔɔ, nzě komlɔɔ ódiá wɔ́ɔ́ ɨ́ mʉr waá tʉ́ŋlʉ̌. Nó ó twiʼ mʉ̂r waá á suʼla bu bébe, laǎ jɔʼ ésôʼ yɨ́. Mbi ngwár e ngwár waá ntémé ó ngá be lɨ́ esú é bíbɨ́bla bi bʉ̂r ó myǎ wɨ̂ʼ wɨ́.»

Mataos 12:39

Nye nzě yala e bé ó: «Á bébe bʉ̂r ó myǎ bʉ̂r wɨ̂ʼ ɛ̌! Odûl bé ónzyɛ̌m oswîh! Bé lɨ́ edǐ beě dweʼle dí elɛ̂ʼlě mbi mʉ̂r mé dí wɨ́, duho ɨ́ lʉ́ʉ́ ésimá. Bé ákóʼó bee ésimá egwár, alaa ó laá lé á syɛ́ɛ ɨ́ twiʼ mé Yʉ́nas lɨ́.