Mataos 12:10 - Kálar Nzyɛ̌m : Ejwán é Sáá

¹⁰ Tɨ̂ʼ ó nyé á bee nyʉ́ʉ́ mʉ̂r á be e mbô ɨ́ swâm swâm nyá. Nó bʉr o b'á be tɨ̂ʼ bá, bé á be ó lɨ́ esáǎ sá épur nyé e tɨ̂, bé nkʉ̂ dwe nyé mebě. Sâ yaá ó bé á dî e né ó: «Nzê metié gá mɨ́ná, mé kam ó, mʉr óbɛ̌m sáŋɔɔ dʉ̂m ɨ́ móhó sábat ɛ̌?»

Kálara Zyɛ̌m Edwán é mpʉ̌n

¹⁰ Tɨʼ yé a be ó e nuu mʉr a be e mbo é fwam-fwam ɨ. No ó, bʉr o b'a be tɨʼ ɨ, bé ntɔʼ dî e nye ó: «Zê yé ó kɔmlʉ ó, mʉr joma bʉr mokpaa é moho saba ɛ?» Bé a dî nye tia waa ó, lé elamɔ nye é mbi syɛɛla nye ósa ɛ.

Mataos 12:10 ပူးပေါင်းရင်းမြစ်များ

Lʉkas 13:14

Njwɨ́ɨ mpáh minjɨʼla ntɔ̂ʼ jóʼo ébébe é léme, duho ɨ́ syɛ́ɛla mé Yésʉs, ebě, nye á si tiʼ mʉr ɨ́ móhó sábat. Njwɨ́ɨ mpáh minjɨʼla waá ntɔ̂ʼ lɛ́ɛ le entumo e bʉ̂r ó: «Ɨ́ sóno nyɨnyɛ̂h, yé e móhó ngwár dí móhó sábat wɨ́. Mimóhó mísaman, myê mɨná gá e nyɔm ó, lɨ́ esú ó, mɨná séaa gâ bisyɛ́ɛ́. Ntaá nzě joma gá ɨ́ mimóhó myaá, abe yɨ́ɛ móhó sábat.»

Yʉanes 9:16

Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Yʉanes 8:6

[(Bé á dî nye tíá nyaá ó, lɨ́ elámɔɔ nyê, ó bé nkʉ̂ búʼo nyé lɔ̌b.)] [Yésʉs nzě gwárwo sí, nzě táare écɛma e diné ɨ́ bibwǎh.

Yʉanes 5:10

oYúden ntɔ̂ʼ lɛ́ɛ e mʉr á tiʼɔɔ nyá ó: «Mûh, yé ó móhó sábat. Nó ó metié gá mɨ́ná, mé akam ó, go nkɛ́yɨɨ kala yô.»

Lʉkas 11:54

Bé á sâ nó ó, lɨ́ elámɔɔ nyé bilâm ɨ́ nzɨ̌, lɨ́ esâ ó, nye lɛ́yɨɨ lʉ́ʉ́ ékǎn bé ngá pur nyé e tɨ̂ʼ lɨ́.

Mataos 12:2

Jɔʼ óFarizyɛ̂n, bé á bee syɛ́ɛla yaá yɨ́, bê nzě lɛ́ɛ e Yésʉs ó: «Paá beě mpʉ ómpʉ́n bô dí esâ sá dí ajala le esyɛ́ɛ ɨ́ móhó sábat yɨ́!»

Yʉanes 5:3

Ɨ́ mempáh maá ó mímbêl ɨ́ buo buo, myé á jɨjâ yɨ́, táare e bʉr o b'á bíle bá, le baántím, le bʉr o dí etɨ́a bá, le bʉr o b'á be e bitíl bí nyʉ̂l ɨ́ swâm swâm bá.

Lʉkas 23:2

Bê nzě táare épurɔɔ nyê. Bé ó: «Bɨ̌h bé á si bee mʉr nyâʼ lɨ́ endámǎ kúl bʉ̂r yɨ́h lɨ́ elɛ̂ʼle yé ó, yé ajala le ejánǎ Kɛ́ɛza tœ́a. Nye á si kʉ lɛ́ɛ ntémé ó, nye ó dí Njwɨ́ɨbʉr, waá Nzyɛ̌m á lœm múló mé jwɨ́ɨ wɨ́.»

Lʉkas 23:14

Nye ó: «Bɨ̂n nzé mé e mʉr nyâʼ ó, nye lɨ́ ebêhle mínzɨnzɨ mi bʉ̂r ó, myé gbɔ́baa e njwɨ́ɨ. Paá bee gâ: mɨ́ pahle nyé ɨ́ míh mɨ́n, kœb ó, nyé abe e sá ébébe ɨ́ bisá bíbyɛ̂h bɨ́n dí epur nyé e tɨ̂ʼ bí.

Lʉkas 20:22

Nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌?»

Mataos 19:3

Nó bʉ́ʉ́ óFarizyɛ̂n, bé á nzě súm nyé á be yɨ́, lɨ́ enzě bóblɔɔ nyê. Bé ntɔ̂ʼ dî e né ó: «Nzê metié gá mɨ́ná, mé kam ó, mʉr bírɨɨ mʉmá wé ɨ́ mbi ébébe wɨ́wɛ̂h nyé sá nyé wɨ́ ɛ́?»

Markus 3:2

Nó bʉr o b'á be tɨ̂ʼ bá, bé á be ó lɨ́ etirwǒ Yésʉs, lɨ́ edwɛ̂ʼ nkʉ̂ nye ótiʼ mʉ̂r waá ɨ́ móhó sábat, bé nkʉ̂ pur nyé ɨ́ lɔ̌b syɛ́ɛla yaá.

Yʉanes 7:23

Bɨ̌n pǎ nyɛɛ́ tíʼe mʉ̂r mpʉ́n ɨ́ móhó sábat, agbah étié mé Moyɨ̂z, á dwɛʼra e mɛm, mʉr á tiʼ mʉr ntinɨ̂ ɨ́ móhó waá nyá! Nzê mɛm ó b'á gbah lé ɛ̌? Bɨ̌n kpaa ébúʼ e me ɨ́ yé?