Mataos 11:7 - Kálar Nzyɛ̌m : Ejwán é Sáá

⁷ Jɔʼ ómpʉ́n mé Yʉánɛs, bé á be, bé mû sí tô yɨ́, Yésʉs nzě táare élɛ́ɛ éntumo e bʉ̂r laá dumo e Yʉánɛs ó: «Yé bɨ́n á to bee ɨ́ lʉá yɨ́? Nzê ká dí epɨ̂ʼla ɨ́ pubó yɨ́ ɛ́?

Kálara Zyɛ̌m Edwán é mpʉ̌n

⁷ Jɔʼ ompʉn mo Yʉanes, bé a be, bé mu si bula ɛ, Yesʉs ze taare lé elɛɛ ntuntuma bʉr yaa, tiibe e Yʉanes ó: «Yé bɨn bé a to bee é feha si ɨ? Zê ka lé epɨʼba é pubo e?

Mataos 11:7 ပူးပေါင်းရင်းမြစ်များ

Jacques 1:6

Sâ gwár, nye ɨ́ jala le ejɨʼla e Nzyɛ̌m ó, lɨ́ ekʉ́ dyɛ̂ʼwo e né. Nyě sá ó, alíʼa lɨ́ ejaʼ ócwóó waá, ebě, mʉr dí elíʼa lɨ́ ejaʼ míndwéá mé Nzyɛ̌m nyá, nyě nwɨɨlá ó, le obóʼó ó mâŋ pubó dí etíne, tyěn gúmó yɨ́yɛ̂h wɨ́.

Yʉanes 5:35

Yʉánɛs á be ó mpʉ̌ twimá éláma dí ekʉn nzɨ́ lɨ́; bɨ̌n nzě kpɛl ó, bɨ̌n sóhaa tâŋ mâ jɔʼ ɨ́ njʉl éláma waá.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Lʉkas 8:18

«Gwá jôʼlo gá mekǎn mâm: mʉr dí e bisâ nyá, óbáʼǎ dweŋɔɔ byúú. Tó kœb ó, waá dí tʉ̂toʼó nyá, ópɛʼɔɔ mâ bím nyé dí e né nyá.»

Mataos 21:25

Nzé á lómo Yʉánɛs lɨ́ edu bʉ̂r? Nzê Nzyɛ̌m ó b'á lómo nye ɛ̌? Nzê bʉr ɛ̌?» Bê nzě timle tíá nyaá páʼ nyɔ́ɔ́. Bé ó: «Mɨ́ná bé óyala gá ó: “Nzyɛ̌m ó b'á lómo nye” nó, nye óbáʼǎ dî e mɨná gá ó: “Á bɨ̌n bɨɛ bé á bé abûʼla nyé ɨ́ yé ɛ́?”

Mataos 3:5

Nó ó bʉ̂r ó Yerʉ́zalɛm, le baá ó sí Yʉ́da ti e baá ó sí díbé Yɔrdên, bɨ́bɛ̂h, bé á nzě gúmó nyé á be yɨ́,

Yʉanes 1:38

Yésʉs nzě dwira. Nyé ká dwɛ̂ʼ nɛ́ɛ: bee bé lɨ́ edû nyê. Nye nzě dî e bé ó: «Bɨ̌n sáá yé ɛ́?» Bé e né ó: «Gúmó gó dí edi yɨ́, Rabbi!» (Díe laá, lé páʼlɔ́ɔ́ ó, “lɛ̂ʼla”.)

Mataos 11:8

Á nó? Bɨ̌n bé á to bee yé? Nzê mʉr mbɔ́rá e bidimé míkán mí ójɔɔ́ ɛ̌? Bʉr o dí ebwâr bídimé míkán mí ójɔɔ́ bá, bé di ó ɨ́ mimbɛ̌r mí ójwɨ́ɨ.

Mataos 12:20

Nye ákóʼó búʼǒ sʉŋ mû sí gwarwo yɨ́. Nye ádímě njʉl mû lɨ́ esáa édíme wɨ́. Nye ósɨsâ nó ó, tó pyâl ɨ́ jɔʼ nyé ngá sâ ó, otîtyěl, wé ntáŋaa sá yɨ́yɛ̂h ɨ́ nkul yɨ́.