Mataos 11:6 - Kálar Nzyɛ̌m : Ejwán é Sáá

⁶ Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»

Kálara Zyɛ̌m Edwán é mpʉ̌n

⁶ Mocyɛʼ mo mpom, mé ó e mʉr bɨsyɛɛla byam byé óbe, akol ebɔʼ lé ódumo nye e!»

Mataos 11:6 ပူးပေါင်းရင်းမြစ်များ

1 Korɛnt 2:14

Mʉr dí tʉ̂toʼó, abe e Sísǐm mé Nzyɛ̌m nyá, nyé abe e nkul ebi ótyeetye dí eduho e Sísǐm waá wɨ́. Wê nye ó ogʉ̌. Nyé abe e nkul egʉ́a wê, ebě, mʉ̌r jaá gʉ́a wé ó, njɨ ɨ́ lɔ̌b nkûl Sísǐm mé Nzyɛ̌m dí e nye nyɨ́.

Mataos 26:31

Yésʉs nzě lɛ́ɛ e bé ó: «Me óbe ɨ́ pum wɨ̂ʼ mûh ó, ebɔ̌ʼ lé óbɨma bɨ́n bɨ́bɛ̂h ɨ́ miléme lɨ́, ebě, yê cɛmá ó: Me ójʉ̂ pála binteme; ekul e bínteme laá, lé omyamǎ dwǐʼ e dwǐʼ.

Yʉanes 6:66

Táare ɨ́ jɔʼ yaá ó bʉ́ʉ́ ómpʉ́n bé, bé á nze gɔ́na le ebúla ɨ́ twíaaa e metyɛʼ me nyʉ̂l, akǎ dúŋɔɔ nyé yɨ́.

Mataos 24:10

Nó ó bʉ̂r ɨ́ buo buo, bé óbɨm ébɔ̌ʼ, sâ ébébe yɨ́. Bʉr, bé óbɛ́ma bʉ̂r ó sɔ́má yɔ́ɔ́ e bʉr oswîh. Bé ónwimla páʼ nyɔ́ɔ́.

1 Pyɛr 2:8

Mekaná mé Nzyɛ̌m, mé lɨ́ elɛ́ɛ, dumo e Krîst ó: «Ekóʼ lé écwehle bʉ̂r, lé ó ebɔ̌ʼ ngá bɨma bʉ̂r ó, bé twêʼ ɨ́ nkɨ́ŋlɨ́m lɨ́.» Bé jaá twitwe ó, njɨ nko bé dí abûʼlǎ lɔ́ɔ́ mé Nzyɛ̌m yɨ́. Nkɔ̌b Nzyɛ̌m á boo dwe bé nyɨ́ ó tɨ̂ʼ nyɨ́.

Mataos 18:7

Nkoó, nyé e bʉr ó sí yɨ̂ʼ dí egbâ mébɔ̌ʼ mé óbɨma bʉ́ʉ́ bʉ̂r ɨ́ miléme ó, bé sâʼ misyóm má bá! Yê tyeetye ó, mebɔ̌ʼ me dí ebɨma bʉ̂r ɨ́ miléme má, mé abe e nkul edi, abe. Sâ gwár, nkoó nye ó e mbi mʉ̂r dí egbâ bʉ́ʉ́ bʉ̂r mǎ wɨ́!

Galásia 5:11

Bɨ́ɔɔ́ bâm! Okɛ́l bâm! Yé bé me lɨ́ etô le etíne bʉ̂r dóló ó, bé tíʼɔɔ mpʉ́n nó, lɛ́ɛ́, bé abe lɨ́ ekǎ tíble mê. Waá dí etíne bʉ̂r ó, bé tíʼɔɔ mpʉ́n nyá, nyě sáá ó, nye dwíhɨɨ ebɔ̌ʼ Nzyɛ̌m á gbâ ɨ́ nzɨ̌ lɨ́. Ebɔ̌ʼ laá, lé ó mbi éswiě Krîst á dwe ɨ́ kolôs kʉ́ lɨ́.

Lʉkas 2:34

Píe tɨ̂, Siméon nzě syɛɛ bé metyéelé, lɨ́ elɛ́ɛ e Maria, nyɔ̌ŋ mé Yésʉs ó: «Mwán nyâ, nye ó waá Nzyɛ̌m á ntɨh ó, nye twêhlaa baá o dí ebeně Nzyɛ̌m bá, le egbɛl bʉ́ʉ́ sí, baá o dí ekpɛl nyé bá. Nye óbe ó le jwɨ̌ʼ, lɨ́ elɛ̂ʼle nkûl mé Nzyɛ̌m. Bʉ́ʉ́ bʉ̂r bɨ́ɛ, bé ósóŋlo nyê.

Mataos 5:29

Nó yé bé ó, díh lé éjʉ́m lô, lé ó dí esâ ó, go sâʼ syóm nó, pɛʼɛɛ lê; go e myáh lé ká ká lɨ́ ejaa, ebě, yé mbɨa ɨ́ páʼ gô ó, go dímlaa yʉ́ʉ́ tíl nyʉ̂l yô gwár, laa ó, nyʉ̂l nyǒ nyɨnyɛ̂h, nye gúhɔɔ lɨ́ Gehên, bɨ́ siʼe dí adímedime yɨ́.

Mataos 13:21

Sâ gwár, lɔ́ɔ waá, wé anî nyé ɨ́ léme tʉ́ŋlʉ̌. Nyě jaá baʼle wé ó njɨ ɨ́ mâ péh jɔʼ. Jɔ̌ʼ túú le tíblá mû sí pyâl ɨ́ lɔ̌b lɔ́ɔ waá yɨ́, nyé obɨm ébɔ̌ʼ ɨ́ léme, ntɔ̂ʼ gwâʼ.

Markus 6:3

Ntʉ nyé dí wâʼ kábína nyá ɛ́? Ntʉ mwân mé Maria nyâʼ ɛ̌? Mɨ́ɔɔ́ mé Jacques, Yóse, Yʉ̂d ndu e Simon ɛ̌? Ntʉ ókɛ́l bé dí wâʼ ɨ́ sɔ́má gá yɨ́ná yɨ̂ʼ bâʼ ɛ̌?» Syɛ́ɛla yaá nzě bɨm bé ebɔ̌ʼ ɨ́ miléme, ntɔ̂ʼ benɔɔ nyê.

Lʉkas 7:23

Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»

Yʉanes 16:1

«Mě lɛ́ɛ́ bɨ́n mekǎn mbi wɨ̂ʼ ó, bɨ̌n sá abɨm ébɔ̌ʼ ɨ́ miléme, nkʉ̂ sâ syóm.