Mataos 11:4 - Kálar Nzyɛ̌m : Ejwán é Sáá

⁴ Yésʉs nzě yala e bé ó: «Tó lɛ́ɛ gá Yʉánɛs sá bɨ́n dí ejóʼo le ebee yɨ́:

Kálara Zyɛ̌m Edwán é mpʉ̌n

⁴ Yesʉs ze bɨha e be ó: «Bula to lɛɛ ga Yʉanes sa bɨn lé ejoʼo le ebee e:

Mataos 11:4 ပူးပေါင်းရင်းမြစ်များ

Mataos 11:3

«Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?»

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Yʉanes 5:36

Sâ gwár, mɛm, mě e mboʼlá, laá mboʼlá mé Yʉánɛs, ebě, bisyɛ́ɛlǎ Nzyɛ̌m Sɔ́ŋ á dwe me ó, me sâʼ bí, byé ó mé dí esâ. Byé boʼlo ó, Nzyɛ̌m Sɔ́ŋ ó b'á ntɨh me.

Mataos 8:3

Yésʉs ntɔ̂ʼ syɛ̂m mbô, nzě kúna e né. Nye e né ó: «Mɨ́ kam. Nyʉ̂l díʼee go ɨ́ deŋé!» Tyé e tyé yaá, nzǎm síe nyé ɨ́ nyʉ̂l!

Mataos 15:30

Mentumo me bʉ̂r ɨ́ buo buo, mé ntɔ̂ʼ nzě súm nyé á be yɨ́ le mimbêl ɨ́ buo buo: baá bé á tɨtɨ́a bá, baántím, baá bé á be e bidyɛ̂m, baányâ-emúmó, le myúú mímbêl ɨ́ buo buo. Bʉr, bé á nze le mimbêl myaá bá, bé á susul myé ó, sí mekʉ̌ mé, nye nzě tiʼ myê.

Mataos 21:14

Baántím le bʉr o b'á tɨtɨ́a bá, bê nzě sîhlě súm nyé á be ɨ́ mpáh Nzyɛ̌m yɨ́, nye ntɔ̂ʼ tiʼ bê.

Yʉanes 14:11

Búʼláá gá me ɨ́ jɔʼ mé dí elɛ́ɛ ó, “Me ó ɨ́ mpúhlá e Sɔ́ŋ wǎm, Sɔ́ŋ wǎm ɨ́ mpúhlá e me” yɨ́. Yé bé bɨ̌n bé abûʼlǎ lɔ́ɔ waá nó, bûʼláá gá ɨ́ lɔ̌b bísyɛ́ɛla byâm.