Mataos 11:30 - Kálar Nzyɛ̌m : Ejwán é Sáá

³⁰ Ebě, jwɨ́ɨ́ yâm, yé anyan. Mbeʼ wâm, wé adile.»

Kálara Zyɛ̌m Edwán é mpʉ̌n

³⁰ ebe, jwɨ̀ʼa yam, yé anyan. Mbeʼ wam, wé adile.»

Mataos 11:30 ပူးပေါင်းရင်းမြစ်များ

1 Yʉanes 5:3

Mpʉ mʉ̂r jálá le elɛ̂ʼlě Nzyɛ̌m kpɛ̌l yɨ́ ó yɨ̂: ebaʼle métié mé. Metié mé, mé abuú dile yɨ́ɛ lɨ́ ebaʼle,

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

Galásia 5:1

Krîst á pɛʼ mɨná gá ɨ́ dǐ ótúʼǎ ó, mɨná díʼee gá onzyɛh o bʉ̂r. Nó ó, gbáʼ gá nkul lɨ́ ebaʼlě dǐ yɨ́n yaá. Mʉ̌r sá akam ó, nye bâʼlaa di ɨ́ dǐ ótúʼǎ.

Galásia 5:18

Sísǐm mé Nzyɛ̌m, wé ótɨ́e bɨ́n nzɨ̌ nó, lɛ́ɛ́, bɨ̌n bé ákǎ be ɨ́ mpila métié tʉ́ŋlʉ̌.

Mɨlʉmlʉ 15:10

Á nó, bɨ̌n kǎ bóblǒ Nzyɛ̌m báánâʼ ɨ́ yé ɛ́? Bɨ̌n bé lɨ́ edǐ gbâ ómpʉ́n baá mbeʼ ɨ́ dile dile ɨ́ koo, abe ó bimpám gá bíná, nkʉ̂ mɨná gá bʉr o tɨ̂ʼ bɨ́ɛ, bé á si koʼo wé lɨ́ enkɛ́ɛ.

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Mɨlʉmlʉ 15:28

Bɨ̌h bé á si gwɨ̂hla, ntɔ̂ʼ bee ó, Sísǐm mé Nzyɛ̌m, nyɨ́ bee émbɨa lɨ́ ebîr ó, bɨ̌n sá akɛlɔɔ̌ mbeʼ swîh, njɨ bisyɛ́ɛla bi dí ɨ́ buǒ nyɔm bí. Bɨ̌h ntémé bee ó nó. Bisyɛ́ɛla byaá ó bî.

Mataos 12:1

Ɨ́ tíl mélû yaá, Yésʉs bé le ompʉ́n bé, bé á be lɨ́ ecɨcɨɨ ɨ́ bipemé méde ɨ́ mimóhó mí sábat. Ádwií ɨ́ gúú móhó nɛ́ɛ: nza nzě mɛ̂r ómpʉ́n bé, bê nzě gɔ́na le enʉnʉa méde ɨ́ bipemé byaá, nzě deŋɔɔ.