Mataos 11:23 - Kálar Nzyɛ̌m : Ejwán é Sáá

²³ Á gua, Kapernáʉm, nzê go óbɨ́nɔɔ, tó pyâl ɨ́ jʉ́o kʉ́ ɛ́? Tʉ̂toʼó! Go ósulɔɔ sí, tó pyâl ɨ́ bɨ́ siʼe. Yé bé mesimá mé á syɛ́ɛ kwá nyɨ́n má, mé á syɛ́ɛ ó, Sodôm nó, mpa nkana yaá, yé dína ó tɨ̂, kumo mûh.

Kálara Zyɛ̌m Edwán é mpʉ̌n

²³ A gwɔɔ, Kapernaʉm, zê go óbɨnɔ, to pyal pyala é jobo kʉ ɛ? Tɨtoʼo! Go ófilɔ si, to pyal kwar odwè! Nkʉ mosima mé a syɛɛlɨ bɨn ye e, mé a be ó be, syɛɛlɨ ɨ Sodɔm nɛʼɛ, mpa nkana yaa, yé dina ó tɨ, ze pyal é muh é dobo lɨ.

Mataos 11:23 ပူးပေါင်းရင်းမြစ်များ

Mataos 4:13

Nó nyé á duhǒ Nazarɛ̂t, ntɔ̂ʼ tó dǐ Kapernáʉm ɨ́ nkpâh mâŋ. Yé ó ɨ́ sí Zabulôn, bé e Nɛftalî.

Mɨngwiha 11:8

Nó ó, mimúú myɔ́ɔ́, myé ódyéʼɔɔ ó, témé ebɛhɛɛ ɨ́ kpɛŋlɛm ɨ́ nkana ɨ́ bwaʼ bwaʼ yaá. Ɨ́ nkana yaá ó Tî wɔ́ɔ́ á jʉ́ŋɔɔ ɨ́ jɔʼ bé á bomlo nye e binzâŋ, le ebɨ̂n nyé ɨ́ kolôs kʉ́ yɨ́. Díé é nkana yaá, bé jébé lé ɨ́ lwǐb ódîm ó: «Sodôm», nkʉ̂ «Egɨ̂ptɛn.»

Yʉ̂d 1:7

Símsáá gá ntémé bʉr ó Sodôm, e Gómɔr ti e bʉr o b'á di ɨ́ bwá bínkana byé á be ɨ́ mepʉ́la mɔ́ɔ́ bá. Bʉr baá, bé á si bɛ́ma bé bʉr o tɨ̂ʼ lɨ́ esâ bímolá. Bé á si syɛŋa bijoó e mbi mʉ̂r bé dí abe lɨ́ ekœb ɨ́ joó wɨ́. Nó ó, bé á si ka bi bintɨ́ʼá ɨ́ siʼe dí edúǒ kɔ́m ti e kɔ́m yɨ́. Nzyɛ̌m á sâ bé syɛ́ɛla yaá ó, lɨ́ elɛ̂ʼle bʉ̂r bɨ́bɛ̂h mveʼle.

Mɨlʉmlʉ 2:27

Ebě, go ákóʼó bîr sísǐm wâm ó, wé líʼɨɨ kwár odwe. Nó ntémé, go ákam ó, Mʉr gǒ dí ti nyá bôʼ ɨ́ soo.

Lʉkas 14:11

Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»

Mataos 16:18

Mě lɛ́ɛ́ gó ó, díé lô, lé ó: “ekóʼ: Pétrus”. Nó lɨ́ ekóʼ énɨ̌ kʉ́ ó mé ngá bonǒ Mbɛ̌r-Nzyɛ̌m wâm yɨ́. Wé lwímlá le Sátan lɨ́ ebɨ̌m e dɔ̂m lé nɛ́ɛ: bisá bí dɔ̂m byé, byé ántaa wé ɨ́ nkul.

Mataos 8:5

Jɔ̌ʼ Yésʉs á be lɨ́ enî Kapernáʉm yɨ́, nyʉ́ʉ́ kapitɛ̂n bisója bí Rôm nzě sîhlě bǎʼ e né. Nye ntɔ̂ʼ jɨʼla e né ó:

Lʉkas 16:23

Nó nye dína témé bintɨ́ʼá ɨ́ bɨ́ siʼe, nye ntɔ̂ʼ dwɛ̂ʼ kʉ́. Nyé ká bee nɛ́ɛ: Abraham ká ká lɨ́ ejaa; Lazare nyɨɛ, ɨ́ mbó éjʉ́m wé.

Lʉkas 4:23

Nó nyé á nze lɛ́ɛ e bé ó: «Bɨ̌n dǐ lɛ́ɛ mé yé? Abe e mesónó, bɨ̌n bé ólɛ́ɛ̌ náǎ mûh ó, me sâʼ bɨ̌n sá kɨkɛna dí elɛ́ɛ yɨ́, ó: “Dɔ́bra, paá nyɛɛ́ jomo gó mʉr tɨ̂.” Ntémé, bɨ̌n bé ólɛ́ɛ e me ó: “Sáʼ bɨ́h wâʼ ɨ́ sí gó á byɛ̂l yɨ́ mbi mésimá bɨ́h jʉ́jóʼó ó, gó á sâ ɨ́ Kapernáʉm má.”»

Mataos 17:24

Jɔ̌ʼ Yésʉs, bé le ompʉ́n bé, bé á pyâl ɨ́ Kapernáʉm yɨ́, bʉr o b'á nʉnʉa bimɔnɨ́ bítœ́a lɨ́ esú é mpáh Nzyɛ̌m bá, bé á si nze nkǒ Pétrus á be yɨ́. Bé e né ó: «Nzê lɛ̂ʼla wɨ́n nyɨɛ, nye ájɨ́jáná tœ́a ɛ̌?»

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Lʉkas 10:15

Á gua, Kapernáʉm, nzê go óbɨ́nɔɔ, tó pyâl ɨ́ jʉ́o kʉ́ ɛ̌? Tʉ̂toʼó! Go ósulɔɔ sí, tó pyâl ɨ́ bɨ́ siʼe.»

Mɨlʉmlʉ 2:31

David á si boo bee sá yé á be ó, yé ópyâl yɨ́. Nó nyé á nze lɛ́ɛ lɔ̌b épah e sóo mé Mʉ̂r Nzyɛ̌m á lœm múló mé jwɨ́ɨ nyá yɨ́. Yé á be ó, jɔʼ nyé á cɛma ó: “Nye á bé alíʼɔɔ kwár odwe. Nó ntémé ó nyé á be abo” yɨ́.

Mɨngwiha 1:18

Me ó waá dí kublakúbla nyá. Me á si dwe. Paá bee gâ: me mû ó, ɨ́ twǐʼ njʉ̌m dǐ! Me ó dí le osab o dí edib kwár odwe bá.

Mɨngwiha 6:8

Mé ká bee nɛ́ɛ: beě kablá nyʉ̂l biká. Mʉr á be tɨ̂ʼ kʉ́ nyá, á be e díe ó, «Eswie.» Bʉr o bé á be kwár odwe bá, bê nzě dudû nyé ɨ́ koo píhe. Ɨ́ bʉr ó sí bɨ́bɛ̂h, bé á si dwe bé nkul ejʉ̂ bʉ̂r ɨ́ buo buo, jala e nkɔb mpwár ɨ́ menkɔb menâ. Nye ójʉ̂ bé ó, le opasoŋ, ndu e nza, ndu e binumo mékpaa. Otír ó méntwǐʼ ntémé, bé ójʉ̂ bʉ́ʉ́ bʉ̂r.

Mɨngwiha 20:13

Mâŋ, mé á si bwóolo bím bʉ̂r o mé á jʉ̂ bá. Bʉr o b'á nyɛɛ be kwár odwe bá, pyálɔɔ tɨ̂ʼ ɨ́ mpululu. Mʉr nyɨnyɛ̂h ɨ́ sɔ́má bʉ̂r baá á pahlɔɔ ó, dû mpʉ bísyɛ́ɛla byé nyé á sɨ̂sa bí, byé á be yɨ́.