Mataos 11:20 - Kálar Nzyɛ̌m : Ejwán é Sáá

²⁰ Nó ó Yésʉs á dwe binkana, súm nyé á bu sâ mesimá yɨ́, mebě, ebě, bé á bé atúmo míkoo myɔ́ɔ́ e mebébe mɔ́ɔ́, nkʉ̂ dwira míléme. Nye ó:

Kálara Zyɛ̌m Edwán é mpʉ̌n

²⁰ No ó Yesʉs a tɛɛ bʉr o b'a bee-bee mosima me, bé yɛɛ l'agwɨma mobebe mɔɔ, nkʉ dwir mɨleme e. Nye ó:

Mataos 11:20 ပူးပေါင်းရင်းမြစ်များ

Mɨngwiha 2:21

Me á si dwe nye jɔʼ ó, nye túmaa koo le bimolá nyé dí esɨ̂sa bí. Nó ó, nyé akpɛl édwirǎ léme.

Mɨngwiha 16:11

Damá jóʼo nó, bé á bé atúmo míkoo e bisyɛ́ɛla bí ébébe byɔ́ɔ́, nkʉ̂ pʉgʉ́ bá dwira míléme. Bé á si tô dóló le elwɨ́ɔɔ̌ Nzyɛ̌m, dí ɨ́ jʉ́o kʉ́ nyá. Bé á sâ nó ó, ɨ́ lɔ̌b mékpaa ndu e mepɨ́ɨ́ mɔ́ɔ́.

Mɨngwiha 16:9

Jɔʼ bʉ̂r, bé á díʼe nó yɨ́, bé á si tô dóló le epyaŋɔɔ̌ Nzyɛ̌m, nyɨɛ mʉr á dwe bé bintɨ́ʼá byaá nyá. Bé á bé akam étúmo míkoo e mebébe mɔ́ɔ́, nkʉ̂ dwira míléme, le edwe nyé kûm.

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

Mɨlʉmlʉ 17:20

Ebě, go lɨ́ esâ ó, bɨ̌h jóʼaa bisâ bi dí bɨ̌h medwán bí. Nó bɨ̌h bɨ́ tíʼe ɨ́ milémé míh ó, bɨ̌h bé ógʉ́ǎ sá bísâ byaá dí epʉgʉ́ lɛ́ɛ yɨ́.»

Markus 16:14

[Píe tɨ̂, ɨ́ mesíé, Yésʉs ntɔ̂ʼ lɛ̂ʼle ómpʉ́n kám e ngwár nyʉ̂l nyé, ɨ́ jɔʼ bé á be lɨ́ ede yɨ́. Nye á si dwe bé mebě, ebě, bé á bé abûʼla nyê. Ebě, ntémé, bé á be ó e miléme ɨ́ lele lele. Bé á bé abûʼla bʉ̂r o b'á to lɛ́ɛ bé ó, bé á si bee Yésʉs, nye lɨ́ ekubla bá.

Markus 9:19

Yésʉs ntɔ̂ʼ lɛ́ɛ e bé ó: «Myǎ bʉ̂r o dí abûʼla wɨ̂! Me ókǎ báʼǎ di ɨ́ sɔ́má yɨ́n, tó pyâl ɨ́ yáǎ jɔʼ? Me ódûhwo bɨ́n, tó swîʼ yáǎ sûm ɛ̌? Ntáʼ gá e mwân nɨ̌ kâ, nko mé dí yɨ́!»

Mataos 12:41

Ɨ́ dʉ́ó lé étíʼ é mílɔ̌b, bʉrʉ̂m ó Ninevâ, bé ógbɔlwa, nwâhle bʉ̂r ó myǎ bʉ̂r wɨ̂, ebě, bé á si túmo mikoo le edwira míléme lɨ́ ejóʼǒ lɔ́ɔ́ Yʉ́nas á lɛ́ɛ bé wɨ́. Nó, paá bee gâ: sá láá Yʉ́nas yɨ́, yé ó wâ!

2 Korɛnt 12:21

Sá dí esâ ó, me kpɛ́yɨɨ ebáʼǎ nze gʉ̂ʼ kwá nyɨ́n yɨ́, yé ó, ebě, Nzyɛ̌m wǎm ámû jaá gbâ mé sôn ɨ́ nyʉ̂l ɨ́ míh mɨ́n. Me ámû jaá sɔ́ma ɨ́ lɔ̌b buobuo bʉr o b'á sâ syóm mélú mé épíhe bá. Mé óbee ó, bé apǎ dwira míléme nó, me ámû jɨ, ebě, bé agwâʼ ésâ bísyɛ́ɛla bi dí edulo mpîr ɨ́ nyʉ̂l bí. Bɨ́ɛ ntémé njɨ lɨ́ etô dóló le elœʼ ményʉ̂l ɨ́ nzɨ̌ bijoó, le esâ bímolá nzam le ekomo, jwɨʼ gwár e gwár e mpʉ bé á boo sɨsâ yɨ́.