Mataos 11:11 - Kálar Nzyɛ̌m : Ejwán é Sáá

¹¹ Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, ɨ́ páʼ bʉ̂r bɨ́bɛ̂h mû sí byɛ̂l ɨ́ sí yɨ̂ʼ bá, ngwár mʉr dí entaǎ Yʉánɛs nyá ntʉ́ʼ. Damá jóʼo nó, ɨ́ Mpóʼo mé Dâ Nzyɛ̌m, mʉr dí agbáŋɔɔ ɨ́ nkɔb nyá, nyě e kûm, laa nyê. Mě lɛ́ɛ́ bɨ́n lɨ́ otyeetye ó, ɨ́ sá yɨ́yɛ̂h yé á byɛ̂l ɨ́ mo mʉ́má yɨ́, abe e mʉr ngwár dí ɨ́ bwaʼ le buo kûm mpʉ mé Yʉánɛs Ndubʉr. Tó kœb ó, mʉr dí ɨ́ buú twâʼwo ɨ́ Mpóʼo mé Dâ nyá, nye ɨ́ buú bwaʼ, laa nyê.

Kálara Zyɛ̌m Edwán é mpʉ̌n

¹¹ Yesʉs ze to dolo lé elɛɛ e be ó: «Me elɛɛ bɨn cyecye ó nɛɛ: é sa yiyɛh yé a nya sʉ ɨ, abe e mʉr ngwar ndɨ é bwaʼ le buo kum mpʉ mo Yʉanes Ndubʉr. To kœb ó, mʉr ndɨ é twaʼbe é jwɨ̀ʼa mo Da ɛ, nye é bul bwaʼ, laa nye.

Mataos 11:11 ပူးပေါင်းရင်းမြစ်များ

Lʉkas 7:28

Yésʉs, nye e bé ó: «Me lɨ́ elɛ́ɛ bɨ́n ó, ɨ́ páʼ bʉ̂r bɨ́bɛ̂h o mû sí byɛ̂l ɨ́ sí yɨ̂ʼ bá, yé abe e mʉr dí entaǎ Yʉánɛs. Damá jóʼo nó, mʉr dí agbáŋɔɔ ɨ́ nkɔb ɨ́ Mpóʼo mé Nzyɛ̌m nyá, nyě e kûm, laa nyê.»

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Yʉanes 1:15

Yʉánɛs á si boʼlo dumo e né. Nye á túno ó: “Mʉr mé á lɨ̂lɛɛ bɨ̌n ó nyâ. Nye ó waá dí enze mé píhe nyá. Nye lɨ́ elaa mê, ebě, me dína apǎ byɛ̂l, nye á boo be ó tɨ̂.”

Mataos 5:19

Mʉ̂r ógbah étié, le elɛ̂ʼle bʉ̂r ó, bé sâʼ nó wá, nye óbe ó mpʉ mʉ̂r dí aláŋɔɔ ɨ́ nkɔb sɔ́má bʉ̂r o Mpóʼo mé Dâ Nzyɛ̌m, damá jóʼo ó, etié laá, lé á be ɨ́ buú twâʼwo. Tó kœb ó, mʉr nyɨnyɛ̂h óbaʼle métié maá, le elɛ̂ʼle bʉ́ʉ́ bʉ̂r esâ nó nyá, ódi mʉ̂r nɨ́nɨ́ɨ́ ɨ́ Mpóʼo mé Dâ.

Mataos 3:11

Mɛ̌m du bɨ́n ó e medíbé, lɨ́ elɛ̂ʼle ó, bɨ̌n bɨ́ túmo míkoo e misyóm mín, le edwira míléme. Sâ gwár, mʉr dí ebɔma mé píe koo nyá, nyě e jwɨ́ɨ, laa mê. Mɛm, mé abě tyé mʉ̂r dí ó, me pɛ́ʼɛɛ nye osípah ɨ́ mekʉ̌ nyá. Nyɨɛ, nye ódu bɨ́n ó e Sísǐm mé Nzyɛ̌m le siʼe.

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

1 Pyɛr 1:10

Ogwíha o mílɔ̌b mé Nzyɛ̌m, bé á si boo gwîh, lɛ́ɔɔ ó, Nzyɛ̌m ósâ bɨ́n mpam ɨ́ buo buo. Bé á be yɨ́ɛ ó, agʉ́a ménzɨ̌ Nzyɛ̌m á be ó, nye ótíʼ mɨ́ná gá e tɨ̂ʼ má.

Ebrœ̂ 11:40

Mpʉ nyé á cwɨ́a e mɨná gá, laa bé yɨ́, nó nyé á lɛ́ɛ ó, nye ójaá komlo bícwiʼ byɔ́ɔ́ ɨ́ mipáʼ mímyɛ̂h ó, njɨ ɨ́ jɔʼ nyé ókomlo byaá gá bíná le onɔ́ɔ́ bíbyɛ̂h yɨ́.

1 Korɛnt 15:9

Ɨ́ sɔ́má bʉ̂r o mílʉ́mlʉ́ tʉ́ŋlʉ̌, mɛm ó dí mʉr epíhe. Lɨ́ otyeetye, mé ajala le ejébɔɔ «mʉ̂r milʉ́mlʉ́,» ebě, me á si tíble Mbɛ̌r-Nzyɛ̌m.

1 Korɛnt 6:4

Bɨ́n óbe e milɔ̌b mí twǐʼ sí yɨ̂ʼ nó, bɨ̌n bé óbɛ̌m pɛ̂h ótîʼ o mílɔ̌b bé ótíʼe bɨ́n myǎ bá, ɨ́ sɔ́má bʉ̂r o dí abuú gbáŋɔɔ ɨ́ nkɔb ɨ́ Mbɛ̌r-Nzyɛ̌m bá.

Yʉanes 10:41

Bʉr ɨ́ buo buo nzě dû nko nyé á tô yɨ́. Bé ó: «Yʉánɛs á be ó, asâ damá jóʼo ésimá egwár. Sâ gwár, sá yɨ́yɛ̂h nyé á lɨlɛ́ɛ, dumo e mʉr nyâʼ yɨ́, yé kʉ́ be ó tyeetye.»

Yʉanes 3:30

Kûm nyé ó dí ejala le ebwǎʼ bwaʼáa; nyaá nyǎm twâʼwǒ twáʼwáa.»

Yʉanes 5:35

Yʉánɛs á be ó mpʉ̌ twimá éláma dí ekʉn nzɨ́ lɨ́; bɨ̌n nzě kpɛl ó, bɨ̌n sóhaa tâŋ mâ jɔʼ ɨ́ njʉl éláma waá.

Yʉanes 1:27

Nye ó waá dí enze mé píhe nyá. Mé abě tyé mʉ̂r dí ó, me tíyɨɨ mikǒl mí ósípah myé nyá.»

Yʉanes 7:39

(Yésʉs á lwib ó, ɨ́ lɔ̌b Sísǐm mé Nzyɛ̌m bʉ̂r o ngá dyɛ̂ʼwo e né bá, bé óbi wɨ́. Abe e mʉr á pa bi Sísǐm mé Nzyɛ̌m, ebě, Yésʉs á bé apǎ dweŋɔɔ kûm.)

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

2 Timotɛ 1:10

Mpam nyaá á ka nyɨ̂n ɨ́ kpɛŋlɛm ó, lɨ́ epyál mé Yésʉs-Krîst, Tiʼbʉr gá wɨ́ná. Nyɨ́ teʼle nkûl eswie. Nye á lɛ̂ʼle mɨná ɨ́ nzɨ̌ Mbɨambɨa Lɔ́ɔ ntémé ó, mɨná bi gá twiʼ mpâ, yaá dí njʉ̌m dǐ e njʉ̌m dǐ yɨ́ ó, ɨ́ Krîst.

Lʉkas 1:15

Ebě, nye óbe ó ánɨ̂nɨ̂n mʉr ɨ́ míh mé Dâ Nzyɛ̌m. Nye ákóʼó de ményoʼ me dí epura má. Nye óbe ó lwɨ́ŋlá e Sísǐm mé Nzyɛ̌m, nye dína ɨ́ mo nyɔ́ŋ.

Mataos 3:1

Ɨ́ melû maá, Yʉánɛs Ndubʉr nzě pyâl le elɛ́ɛ̌ lɔ́ɔ́ mé Nzyɛ̌m ɨ́ lʉá dí ɨ́ sí Yʉ́da wɨ́.

Mataos 11:10

Ebě, yé ó waá bé á cɛma ɨ́ lɔ̌b wé nyá. Yê cɛmá ɨ́ Mekaná mé Nzyɛ̌m ó: Bɛɛngɛ́ɛ! Mɛm, me múo nzě lómo mʉ̂r milʉ́mlʉ́ wǎm nzɨ́ nyǒ dóló ó, nye tôʼ le esyɛŋle gó nzɨ̌ lɨ́ esôʼ lô. »

Mataos 11:12

Táare ɨ́ jɔ̌ʼ Yʉánɛs Ndubʉr á nyɛl edu bʉ̂r yɨ́, nzě kumo ɨ́ báánâ: Mpóʼo mé Dâ, nye lɨ́ esuŋɔɔ e nkul. Bʉr o cére, bé sáá ó, bé dɛ́nɨɨ nye e nkul.