Mataos 10:7 - Kálar Nzyɛ̌m : Ejwán é Sáá

⁷ Nzɨ́ e nzɨ̌, lɛ́yɨ́ɨ́ gá ó: “Dâ mû ó kúno etyêl Mpóʼo nyé ɨ́ sɔ́má yɨ́n!”

Kálara Zyɛ̌m Edwán é mpʉ̌n

⁷ Zi e zi, dɨʼe tuno ga ó: “Jɔʼ Zyɛm ócyel jwɨ̀ʼa ye cyecye e, yé mu ó kunokuno le epyal ɔɔ!”

Mataos 10:7 ပူးပေါင်းရင်းမြစ်များ

Mɨlʉmlʉ 28:31

Nye ntémé á be lɨ́ etúnǒ lɔ́ɔ Mpóʼo mé Nzyɛ̌m, le elɛ̂ʼlě sá dí edumo e Tî Yésʉs-Krîst yɨ́, ɨ́ hwɨ́m, abáawǒ sɔ̂ʼ, abe e mʉr kámlé nyê.

Mataos 3:2

Nye á lɨlɛ́ɛ ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má gá yɨ́ná.

Lʉkas 9:60

Nó nyé á lɛ́ɛ e né ó: «Bírɨ́ɨ́ ódwe, bé dɨ́lɨɨ mimúú myɔ́ɔ́. Gua, tóʼ, tó túnǒ Mbɨambɨa Lɔ́ɔ Mpóʼo mé Nzyɛ̌m.»

Mataos 4:17

Táare ɨ́ jɔʼ yaá, Yésʉs nzě nyɛl étúno ó: «Túmáá gá mikoo e mebébe mɨ́n. Bɨ̌n a dwírá míléme, ebě, Dâ mû ó kúno etyêl Mpóʼo nyé ɨ́ sɔ́má yɨ́n.»

Lʉkas 16:16

«Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Lʉkas 9:2

Nye ntɔ̂ʼ lómo bé ó, bé tôʼ le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl.

Markus 6:12

Nó ó ómpʉ́n bé, bé á nze tô, tô le etúno, le elɛ́ɛ bʉ̂r ó, bé túmaa mikoo e mebébe mɔ́ɔ́ le edwira míléme.

Mɨlʉmlʉ 10:25

Lě Pétrus á nî mbɛ̌r, le ntɔ̂ʼ Corneille á to bɔma e né, nzě bɨʼ mébóó sí, buú jɔr nyʉ̂l e né.

Mɨlʉmlʉ 4:2

Bé á be ó, bé mû miléme ɨ́ díʼa díʼa, ebě, Pétrus, bé e Yʉánɛs, bé á be lɨ́ elɛ̂ʼle bʉ̂r le etúno ó, Nzyɛ̌m ópɛh ódwe ó, ɨ́ nzɨ̌ mé Yésʉs.

Yʉanes 3:2

Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Lʉkas 9:6

Nó ómpʉ́n, bé á nze ja nzɨ́, tóŋɔɔ mékwár e mekwár mɛ̂h, tô le elɛ́ɔɔ bʉ̂r Mbɨambɨa Lɔ́ɔ, le etiʼɔɔ mímbêl ɨ́ bigúmó bíbyɛ̂h.

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mataos 21:43

«Sá tɨ̂ʼ ó mé dí elɛ́ɛ bɨ́n ó, Nzyɛ̌m múo nzě dwih Mpóʼo nyé kwá nyɨ́n yɨ́. Nyé okǎ tyêl Mpóʼo nyaá kwá bʉr o ngá séa nyé syɛ́ɛ́ bá.

Mataos 21:31

Ɨ́ bwán óbá baá, waá wáa á sâ gwɨ́má mé sɔ́ŋ nyá?» Bê nzě yala e né ó: «Waá esôʼ.» Yésʉs nzě kǎ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, onwɨa ó mɔnɨ́ tœ́a le bisadága bi bʉ́bá, bé ó ngá nyɛɛ́ pyâl e bɨ̌n ɨ́ Mpóʼo mé Nzyɛ̌m.

Mataos 11:1

Nó ó, píhe Yésʉs á dwe ompʉ́n bé kám le obá metié, nye nzě duhǒ gúmo yaá, tô le elɛ̂ʼle le elɛ́ɛ mílɔ̌b mé Nzyɛ̌m ɨ́ binkana bí sí yaá.

Mataos 10:8

Tiʼɨɨ gá mimbêl. Pɛhɛɛ gá odwe. Tiʼɨɨ gá ntémé minzɨ̂nzǎm. Soʼ gá meleme. Bɨ̌n bɨ́ bi, abwâm. Dwéʼ gá ntémé, abɛ́ma.