Mataos 10:5 - Kálar Nzyɛ̌m : Ejwán é Sáá

⁵ Bʉr kám le obá ónɨ̌ ó Yésʉs á lómo, nyé osí pǎ dwe bé metwɨ́ɨ́ mâ. Nye ó: «Atô gá kwá bʉr o dí abe óYúden bá. Anî gá ɨ́ nkana bʉ̂r ó Samarî.

Kálara Zyɛ̌m Edwán é mpʉ̌n

⁵ Esama le ompʉn ewʉm e l'oba onɨ ó Yesʉs a lomo, nye osi lɛɛ be ó: «Laa ó, bɨn toʼ boo bʉr o ndɨ abe oYʉden ɨ, nkʉ é bɨnkana bɨ bʉr o Samari,

Mataos 10:5 ပူးပေါင်းရင်းမြစ်များ

Yʉanes 4:9

Mpʉ mʉ́má waá á jóʼo nye lɨ́ egwâm nyé medíbé yɨ́, nye e né ó: «Nyá? Gua Yúden, go lɨ́ egwâm mé medíbé ɨ́ yé ɛ́? Mɛm silě Samarî!» (Ebě, oYúden, bé abe e ndwáala e bʉr ó Samarî.)

1 Tesalonika 2:16

Mpʉ bɨ́h dí ekpɛl étô le elɛ́ɛ bíkúl bíswîh mpʉ̌ Nzyɛ̌m dí e nkul etíʼ bé yɨ́, oYúden bɨ́ɛ, bé lɨ́ ebene, ndu e l'ekamle bɨ́h lɨ́ esâ nó. Ɨ́ syɛ́ɛla yaá, bé mû ó sí lóŋlo bísyɛ́ɛla bí ébébe byɔ́ɔ́. Sá tɨ̂ʼ ó Nzyɛ̌m á ka lɛ̂ʼle nkpaa nyé ɨ́ páʼ wɔ́ɔ́ yɨ́.

Lʉkas 17:16

Nó nyé á nze kúrwo sí, píʼe mpóm ɨ́ bibwǎh ɨ́ mpǒm mé Yésʉs, lɨ́ edwe nyé nzyǒo. Mʉr waá á be ó mʉr Samarî.

Mɨlʉmlʉ 10:45

Obûʼla bé e boo Pétrus bé á nze, baá bé á tíʼɔɔ mpʉ́n bá, bé á si bu kâm lɨ́ ebánǎ beě Sísǐm mé Nzyɛ̌m lɨ́ edweŋɔɔ ntémé bʉr o b'á be abyɛ̂l oYúden bá.

Lʉkas 9:2

Nye ntɔ̂ʼ lómo bé ó, bé tôʼ le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl.

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Yʉanes 20:21

Yésʉs ntɔ̂ʼ báʼǎ lɛ́ɛ e bé ó: «Mepyɛbla, mé díʼee e bɨ̌n. Mpʉ Sɔ́ŋ wǎm á lómo me yɨ́, jwɨʼ gwár e gwár yaá ntémé ó mɛ̂m dí elómo bɨ́n yɨ́.»

Yʉanes 7:35

OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?

Yʉanes 4:5

Nye ntɔ̂ʼ tó pyâl bǎʼ e yʉ́ʉ́ nkanǎ sí Samarî bé dí ejébě “Sukâr” yɨ́. Nye á be ó bǎʼ e pemé Yákɔb á dwe mwân wé, Yóseb yɨ́.

Lʉkas 10:33

Nó yé á ka sâ ó, nyʉ́ʉ́ mʉ̂r Samarî á be lɨ́ elaa ɨ́ nzɨ̌ mpwár nyaá nyá, á nze kumǒ gúmo yaá. Mbeá nyɨ́ɛ á bee mʉr waá yɨ́, nye kʉ́ nzě jɨ̂ʼ nyé nkoó,

Mataos 4:15

“Bʉr ó Zabulôn, bʉr ó Nɛftalî, bɨ̌n ó dí nko mâŋ dí yɨ́. Bɨ̌n ó dí ɨ́ mipɨ̌n mí díbé Yɔrdên. Bʉr ó Galilê, ɨ́ nko bʉ̂r o bíkûl e biloo dí edi yɨ́!

Mɨlʉmlʉ 8:1

Saʉ̂l nzě kam éswie mé Étiene. Ɨ́ móhó ngwár e ngwár waá, bê nzě nyɛl étíblě Mbɛ̌r-Nzyɛ̌m Yerʉ́zalɛm ɨ́ dwíííá. Obûʼla bɨ́bɛ̂h, pɛ̌ʼ njɨ bʉr o mílʉ́mlʉ́ mé Yésʉs, bê nzě gbɛha ɨ́ mekwár mé sí Yʉ́da ti e maá mé sí Samarî.

Yʉanes 8:48

OYúden, bé e né ó: «Nzê bɨ̌h bé abe lɨ́ egwá lɛ́ɛ ó, go ó mʉr Samarî, ndu e ntémé ó, gǒ le eleme ɛ̌?»

Yʉanes 4:20

Bimpám bíh, byé á dwidwe Nzyɛ̌m kûm ó wâʼ, lɨ́ ecwɨ́ʼ lɨ̂. Tó kœb ó, bɨ̌n bɨɛ oYúděn lɨ́lɛ́ɛ́ ó, gúmó mʉ̂r jálá le edwě Nzyɛ̌m kûm yɨ́, yé ó njɨ̌ Yerʉ́zalɛm.»

Lʉkas 10:1

Píe tɨ̂, Tî Yésʉs nzě twâr bʉ́ʉ́ bʉ̂r, tâŋ mekám nzaangbá le obá, ntɔ̂ʼ lómo bé dóló, bʉr obá óbá. Bé ntɔ̂ʼ tô bínkana e bínkana byɛ̂h, ɨ́ bisúm bíbyɛ̂h nyé á be ó, nye kúmaa bí.

Mataos 22:3

Nye nzě lómo ósyɛ̂l o mésá bé ó, bé tôʼ jébe bʉ̂r o nyé á boo báŋle ɨ́ nzɔɔ nyaá bá. Bɨ́ɛ ntɔ̂ʼ bene énze.

Markus 6:7

Nó nyé á nze jébe ompʉ́n bé kám le obá, nzě lómo bé, obá óbá, nyé osí dwe bé nkul ó, bé sôʼ mimbɨ́a mísísǐm ɨ bʉr.

Lʉkas 9:1

Nó ó Yésʉs á nze jébe ompʉ́n bé kám le obá, nzě dwe bé nkul le jwɨ́ɨ ó, bé sôʼ meleme ɨ bʉr, le etiʼ mímbêl.

Yʉanes 17:18

Mɨ́ lómo bé ɨ́ sí yɨ̂ʼ mpʉ gó ntémé á lómo me yɨ́.