Mataos 10:41 - Kálar Nzyɛ̌m : Ejwán é Sáá

⁴¹ Mʉr nʉ́á ngwíha milɔ̌b mé Nzyɛ̌m mbɨ̂mbɨá ɨ́ lɔ̌b dǐ ngwíha milɔ̌b mé Nzyɛ̌m wé nyá, óbǐ mbi myɛ́na dí edweŋɔɔ ógwíha o mílɔ̌b má. Mʉr nʉ́á mʉ̂r dí tîtyěl ɨ́ míh mé Nzyɛ̌m ɨ́ lɔ̌b ótîtyěl wé nyá, óbǐ mbi myɛ́na dí edweŋɔɔ ótîtyěl o bʉ̂r má.

Kálara Zyɛ̌m Edwán é mpʉ̌n

⁴¹ ǃƗ mʉr si bɨlan e ngwiha mɨlɔb mbɨmbɨa é dia ngwiha mɨlɔb nɛʼɛ, mʉr waa óbi mbi myɛna lé edweŋɔ ogwiha o mɨlɔb ɨ. ǃƗ mʉr si bɨlan e cɨcyel mʉr é mih mo Zyɛm ebe ocɨcyel we waa nɛʼɛ, mʉr waa óbi mbi myɛna lé edweŋɔ ocɨcyel o bʉr ɨ.

Mataos 10:41 ပူးပေါင်းရင်းမြစ်များ

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

2 Yʉanes 1:8

Bɨ̌n e báʼ gá bɨ̌n bʉr o tɨ̂. Abîr gá ó, bɨ̌n dímlaa sá mɨ́ná bé á boo séa gá lɨ́ esú lé yɨ́. Sáŋáá gá ó, bɨ̌n bíʼee myɛ́na maá ɨ́ ntʉʉʉ́.

1 Korɛnt 9:17

Yé bé mɛm mʉr tɨ̂ʼ ó b'á gbáa ó, mě séá ó mbǐ syɛ́ɛ́ wɨ̂ʼ nó, lɛ́ɛ́, yé ó syɛ́ɛ́ mé á gwa bóno myɛ́na, duho tɨ̂ʼ yɨ́. Mpʉ yé ká be ó, me á lómɔɔ ó lómáa, agbân gbánáa syɛ́ɛ́ yaá yɨ́, mě kʉ́ séa yé ó, lɨ́ esú lé élóŋlǒ lʉ́mlʉ́ waá.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mataos 6:18

Go nkʉ̂ di, alɛ̂ʼle bʉ̂r ó, go lɨ́ eti méde lɨ́ edwě Nzyɛ̌m kûm. Sɔ́ŋ gǒ nye omér dí náǎ lɨ́ esǒ nyá ó gó lɛ̂ʼle. Sɔ́ŋ gǒ dí ebeě sá gó dí esâ náǎ mesǒ yɨ́ nyá, ójána e go mpǎŋ myɛ́na.

Rôm 16:23

Gáywis, nye lɨ́ esoho bɨ́n ntémé. Nye ó waá á tira me ntɔ́ɔ ɨ́ mbɛ̌r wé nyá, jwɨʼ gwár mpʉ nyé dí ebɨbaʼle bʉ̂r ó Mbɛ̌r-Nzyɛ̌m bɨ́bɛ̂h yɨ́. Erâst, mʉr dí ebaʼle ékúró é bímɔnɨ́ bí nkana yɨ̂ʼ nyá, bé e mɨ́ɔɔ́ gá wɨ́ná Kwártos, bé lɨ́ esoho bɨ́n ntémé.

Mataos 6:6

Sâ gwár, gua, ɨ́ jɔʼ gó dí ekpɛl éjɨʼla e Nzyɛ̌m yɨ́, níʼéé ɨ́ ntɔ́ɔ nyǒ, dible ébê, jɨʼla e Sɔ́ŋ gǒ dí náǎ lɨ́ esǒ nyá. Nó ó, Sɔ́ŋ gǒ dí ebeě sá gó dí esâ náǎ mesǒ yɨ́ nyá, ódwe gó mpǎŋ myɛ́na.

Mɨlʉmlʉ 16:15

Nye nzě duŋɔɔ, bé e mbɛ̌r bʉ̂r wé ntémé. Nó nyé á jébe bɨ̌h. Nye e bɨ̌h ó: «Yé bé bɨ̌n bɨ́ gwá kʉ́ bee ó, me mû ó lɨ́ ekʉ́ dyɛ̂ʼwo e Tî Yésʉs nó, ntaá di gá ɨ́ mbɛ̌r wâm.» Nó nyé á tíne bɨ̌h ó, bɨ̌h kámaa.

Mataos 6:4

ebě, edwɛ́na lô, lé ɨ́ jala le esyɛ́ɛ ó ɨ́ mesǒ. Sɔ́ŋ gǒ dí ebeě sá yɨ́yɛ̂h dí solá yɨ́ nyá, ódwe gó mpǎŋ myɛ́na tɨ̂.»

Mataos 6:1

«Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Mataos 7:8

Ebě, mʉr nyɨnyɛ̂h dí egwâm nyá, óbi. Mʉr dí esáa nyá, óbee. Ebê, lé ódibɔɔ lɨ́ esú é mʉ̂r dí ekwâʼle nyá.

Mataos 25:44

Jɔʼ yaá ó bé ngá yala e né ó: “Dâ ɛ̌, ɨ́ yáǎ jɔʼ bɨ́h á bee go lɨ́ ejóʼo nzâ nkʉ̂ dwéh médíbé, nkʉ̂ bee gó, gua njwóo, nkʉ̂ suswáh, nkʉ̂ lɨ́ ebíle, nkʉ̂ ɨ́ mbʉʼ, bɨ̌h l'asúʼo gó yɨ́?”

Mataos 25:45

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á be asâ mʉr ngwár ɨ́ sɔ́má bʉ̂r bâʼ embɨa yɨ́, damá jóʼo ó, nye á be ó waá dí agbáŋɔɔ ɨ́ nkɔb nyá, gúmo yaá ntémé ó bɨ́n á be asâ me embɨa yɨ́.”