Mataos 10:40 - Kálar Nzyɛ̌m : Ejwán é Sáá

⁴⁰ «Mʉr nʉ́á bɨ́n mbɨ̂mbɨá nyá, nyě nʉá ó me. Waá nʉ́á mé nyá, nʉa ó, mʉr á ntɨh me nyá.

Kálara Zyɛ̌m Edwán é mpʉ̌n

⁴⁰ «Mʉr bɨlan e bɨn mbɨmbɨa ɛ, nye ebɨlan e me. Waa lé ebɨlan e me e, bɨlan ó e mʉr a ntɨh me e.

Mataos 10:40 ပူးပေါင်းရင်းမြစ်များ

Yʉanes 13:20

Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

Lʉkas 10:16

Nye nzě lɛ́ɛ le ompʉ́n bé ó: «Waá sá bɨ́n mejóʼo nyá, nyɨ́ jóʼo mê. Waá ntémé béné bɨ́n nyá, nyɨ́ bene ntémé me. Ntémé, waá béné mé nyá, nyɨ́ bene mʉ̂r á ntɨh me nyá.»

Mataos 18:5

Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

Yʉanes 20:21

Yésʉs ntɔ̂ʼ báʼǎ lɛ́ɛ e bé ó: «Mepyɛbla, mé díʼee e bɨ̌n. Mpʉ Sɔ́ŋ wǎm á lómo me yɨ́, jwɨʼ gwár e gwár yaá ntémé ó mɛ̂m dí elómo bɨ́n yɨ́.»

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

1 Tesalonika 4:8

Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.

Galásia 4:14

Damá jóʼǒ mpʉ bɨ́n á sia e mitúú ɨ́ lɔ̌b ésyɛ̂b lâm, bɨ̌n bé á bé apyêh mê, nkʉ̂ soŋɔɔ mê. Bɨ̌n bé á si nʉa me mbɨ̂mbɨá, go ó, me á be ó, nkʉ̂ éngeles mé Nzyɛ̌m, nkʉ̂ ntɔ̂ʼ Yésʉs-Krîst mʉr tɨ̂.

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Markus 9:37

«Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyě nʉá ó me mʉr tɨ̂. Mʉr nʉ́á mé nyá, nyé anʉa mé e me; nyě nʉá ntémé ó, mʉr á ntɨh me nyá.»

Mataos 25:45

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á be asâ mʉr ngwár ɨ́ sɔ́má bʉ̂r bâʼ embɨa yɨ́, damá jóʼo ó, nye á be ó waá dí agbáŋɔɔ ɨ́ nkɔb nyá, gúmo yaá ntémé ó bɨ́n á be asâ me embɨa yɨ́.”

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.