Mataos 10:4 - Kálar Nzyɛ̌m : Ejwán é Sáá

⁴ Simon, mʉr á jɨjébɔɔ ó, “Kɔmlʉ kwár” nyá, le Yʉ́das Iskariôt, mʉr á bɛ́ma Yésʉs nyá.

Kálara Zyɛ̌m Edwán é mpʉ̌n

⁴ Simɔn, mʉr Kanan, bé e Yʉdas Iskariot, mʉr a be ó, nye ókɛha nye e.

Mataos 10:4 ပူးပေါင်းရင်းမြစ်များ

Mataos 26:14

Nó ó, nyʉ́ʉ́ mpʉ́n ɨ́ sɔ́má bʉ̂r kám le obá á be e díe ó, Yʉ́das Iskariôt nyá, á nze tô kwá ojwɨ́ɨ o mpáh Nzyɛ̌m.

Yʉanes 13:2

Yésʉs, bé le ompʉ́n bé, bé á be ó lɨ́ ede. Jɔʼ yaá, sɔ́ŋ meleme á be ó sí tyɛ̂b Yʉ́das, mwân mé Simon Iskariôt, ɨ́ léme, dwe nyé pɨʼ ó, nye bɛ́maa Yésʉs.

Yʉanes 6:71

(Nye á lwib nó ó, dumo e Yʉ́das, mwân mé Simon Iskariôt, ebě, Yʉ́das, damá jóʼo ó mpʉ nyé á be mpʉ́n ɨ́ sɔ́má ómpʉ́n kám le obá yɨ́, nye á be e jwɨʼ ó, nye óbɛ́ma nyê.)

Markus 14:43

Yésʉs dína lɨ́ elwib nó nɛ́ɛ: Yʉ́das le entumo e bʉ̂r nzě pyálɔɔ ɨ́ sulûm. Yʉ́das á be ó mʉr ngwár ɨ́ sɔ́má ómpʉ́n kám le obá mé Yésʉs. Bʉr o b'á nze bá, bé á nze ó, bâʼ le opasoŋ; bʉ́ʉ́, e mimbɨ́ŋ. Ojwɨ́ɨ o mpáh Nzyɛ̌m, olɛ̂ʼla o métié, le otɔ́má bʉ̂r o b'Ɨ́zraɛ̂l ó b'á lómo bê.

Mataos 26:47

Yésʉs dína lɨ́ elwib nó nɛ́ɛ: Yʉ́das nzě pyâl le entumo e bʉ̂r. (Yʉ́das á be ó mʉr ngwár lɨ́ ompʉ́n kám le obá mé Yésʉs.) Bʉr o b'á nze bá, bé á nze ó, bâʼ, le opasoŋ; bʉ́ʉ́, e mimbɨ́ŋ. Ojwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l ó b'á lómo bê.

Lʉkas 22:47

Yésʉs dína lɨ́ elwib, kǎ saʼ nɛ́ɛ: sɔ́má bʉ̂r, yɨ́ pyâl ɨ́ sulûm. Yʉ́das, mʉr ngwár á be ɨ́ sɔ́má bʉ̂r kám le obá nyá ó b'á tyɛ̂b bé dóló. Nye ntɔ̂ʼ sîhlě nko Yésʉs á be yɨ́, ó nyě dú ó koo ékœ̂h.

Lʉkas 22:3

Yʉ́das á be ó nyʉ́ʉ́ mʉ̂r ɨ́ sɔ́má ómpʉ́n kám le obá mé Yésʉs. Nye ó b'á jɨjébɔɔ ntémé “Iskariôt” nyá. Nó ó Sátan á nze nî nye ɨ́ léme,

Markus 14:10

Nó ó Yʉ́das Iskariôt, nyʉ́ʉ́ mpʉ́n ɨ́ sɔ́má ómpʉ́n kám le obá, á to bee ojwɨ́ɨ o mpáh Nzyɛ̌m, ó nyě bɛ́má ó bé Yésʉs.

Mataos 27:3

Yʉ́das, mʉr á bɛ́ma Yésʉs nyá, ɨ́ jɔʼ nyé á bee ó, bɨ́ tíʼě lɔ̌b wé ó, nye dwêʼ yɨ́, nye á si jʉba. Nye ntɔ̂ʼ tô ó, nyě bwóóló ó minzaŋ mí nkóhó mɔnɨ́ myaá mekám mélɛ̂l, dwe ójwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l.

Mɨlʉmlʉ 1:25

Ebě, nye ɨ́ jala le enʉǎ dǐ Yʉ́das á dímle lɨ́ etó kœ̌b dǐ yé á jʉ́ʼa e nyɨɛ yɨ́. Nyɨ́haá ó ngá tô e syɛ́ɛ́ lʉ́mlʉ́ dóló.»

Mɨlʉmlʉ 1:13

Jɔʼ bé á pyâl gʉ̂ʼ yɨ́, bê nzě bére ɨ́ ntɔ́ɔ tólóm mbɛ̌r bé á boo didi tɨ̂ʼ nyɨ́. Bé á be ó: Pétrus, Yʉánɛs, Jacques ti e André, Philippe ti e Thomas, Barthélemy ti e Matthieu, Jacques, mwân mé Alfê, Simon “Kɔmlʉ kwár” ti e Yʉ̂d, mwân mé Jacques.

Mataos 26:2

«Bɨ̌n bé lɨ́ egʉ́a ó, nzɔɔ Páska, nyɨ́ kǎ lîʼ mélú mébá ó, nye bwálɔɔ. Nó ó Mwân mé Mʉr ónzě bɛ́mɔɔ, ó bé bómlaa nye ɨ́ kolôs kʉ́.»

Mataos 26:15

Nye ó: «Bɨ̌n bé ódwe mé yé, mé bɛ́má bɨ́n Yésʉs nó?» Bé ntɔ̂ʼ kɛʼ nyé minzaŋ mí mɔnɨ́ mekám mélɛ̂l.

Yʉanes 6:64

Sâ gwár, bʉ́ʉ́ bʉ̂r ó sɔ́má yɨ́n, bé adyɛ̂ʼwo e me.» (Yésʉs á si lɛ́ɛ nó, ebě, nye á be ó lɨ́ eboó gʉ́a, duho ɨ́ menyɛ̌l, baá bé á be adyɛ̂ʼwo e né bá, ndu e waá óbɛ́ma nyé nyá.)