Mataos 10:20 - Kálar Nzyɛ̌m : Ejwán é Sáá

²⁰ Ebě, ntʉ bɨ́n ngá lwib. Sísǐm mé Nzyɛ̌m Sɔ́ŋ wɨ́n ó ngá lwib ɨ́ bɨ̌n.

Kálara Zyɛ̌m Edwán é mpʉ̌n

²⁰ Ebe, ntʉʼ bɨn bé ólwib. Sisim Sɔŋ win óntɨh bɨn ɨ, nye ó ngo lwib é bɨn.

Mataos 10:20 ပူးပေါင်းရင်းမြစ်များ

Mɨlʉmlʉ 6:10

bê nzě bee ó, bé á bé abe e nkul ekoʼo nyê, ebě, nye á lwib ó, le ocwóó ti e nkul Sísǐm mé Nzyɛ̌m.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Lʉkas 12:12

Ebě, Sísǐm mé Nzyɛ̌m ólɛ̂ʼle bɨ́n sá bɨ́n ngá jala le elɛ́ɛ bé ɨ́ jɔʼ yaá yɨ́.»

Mɨlʉmlʉ 4:8

Nó, Pétrus, lwɨ́ŋlá e Sísǐm mé Nzyɛ̌m, á lɛ́ɛ e bé ó: «Minjwɨ́ɨbʉr le otɔ́má bʉ̂r!

Mɨlʉmlʉ 2:4

Bɨ́bɛ̂h, bé á be ó, bé mû lwɨ́ŋlá e Sísǐm mé Nzyɛ̌m. Bé ntɔ̂ʼ táare élwib bílwǐb biswîh, byaá Sísǐm mé Nzyɛ̌m wé á dwe bé nkul ó, bé lwíbɨɨ bí.

2 Korɛnt 13:3

Ebě, bɨ̌n bé lɨ́ esáa ébee bíjwɨʼ bi dí elɛ̂ʼle ó, Krîst ó dí elwib e nzɨ̌ nyǎm bí. Krîst waá, nyé atyɛʼ ɨ́ páʼ wɨ́n. Nye lɨ́ ekʉ́ buú lɛ̂ʼle bʉ̂r ó sɔ́má yɨ́n nkul nyé.

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

Mɨlʉmlʉ 28:25

Bê nzě bɔ́ʼa métwíí, ntɔ̂ʼ pyálɔɔ̌ kʉ̌l, ebě, Pɔ̂l á be ɨ́ lɛ́ɛ e bé ó: «Sísǐm mé Nzyɛ̌m, wé á kʉ be ó e nkam ɨ́ jɔʼ nyé á lwib e bimpám bín, cɨɨ e nzɨ̌ ngwíha milɔ̌b Ésayie yɨ́.

Mɨlʉmlʉ 13:9

Saʉ̂l, mʉr á be e lʉ́ʉ́ díe ntémé ó, “Pɔ̂l” nyá, nzě bɨʼ nyé mejwôʼlʉ, nye mû lwɨ́ŋlá e Sísǐm mé Nzyɛ̌m. Nye e né ó:

Lʉkas 11:13

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

Markus 12:36

Ebě, David mʉr tɨ̂, e nzɨ̌ Sísǐm mé Nzyɛ̌m, á si kʉ lɛ́ɛ ó: ‘Dâ Nzyɛ̌m á lɛ́ɛ e Tî wǎm ó: Diʼee sí wâ, ɨ́ páʼ mbó éjʉ́m wâm. Go e bónó ɨ́ puuu náǎ, tó pyâl ɨ́ jɔʼ mé ósâ óntɨ̂m le obɨn bô ó, bé díʼee sí mebo mô yɨ́.’”

Mataos 6:32

Bisá bínɨ̌, minjéʼe-Nzyɛ̌m ó dí esáa byê. Tó kœb ó, Sɔ́ŋ wɨ́n dí ɨ́ jʉ́o kʉ́ nyá, nye lɨ́ eboó gʉ́a ó, bɨ̌n bé lɨ́ egwɨ̂m byê.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.