Mataos 10:2 - Kálar Nzyɛ̌m : Ejwán é Sáá

² Bʉr o mílʉ́mlʉ́ mé Yésʉs kám le obá baá, bé ó bâ: waá esôʼ Simon á jɨjébɔɔ ó, “Pétrus” nyá, le André, mɨ́ɔɔ́ wé; Jacques le mɨ́ɔɔ́ wé, Yʉánɛs, bɨ́bɛ̂h bwán mé Zebedê;

Kálara Zyɛ̌m Edwán é mpʉ̌n

² Mɨlʉmlʉ mo Yesʉs ewʉm e mɨmba myaa ó mi: waa efoʼ, Simɔn ndɨ ejebɔ ó, Pyɛr ɨ, bé e ncyom we Andreas, Jacques, mwan mo Zebede, le ncyom we Yʉanes;

Mataos 10:2 ပူးပေါင်းရင်းမြစ်များ

Mɨlʉmlʉ 1:13

Jɔʼ bé á pyâl gʉ̂ʼ yɨ́, bê nzě bére ɨ́ ntɔ́ɔ tólóm mbɛ̌r bé á boo didi tɨ̂ʼ nyɨ́. Bé á be ó: Pétrus, Yʉánɛs, Jacques ti e André, Philippe ti e Thomas, Barthélemy ti e Matthieu, Jacques, mwân mé Alfê, Simon “Kɔmlʉ kwár” ti e Yʉ̂d, mwân mé Jacques.

Mataos 4:21

Nye nzě laa náǎ, ntɔ̂ʼ bee bwán mé Zebedê obá, Jacques, bé e mɨ́ɔɔ́ wé, Yʉánɛs. Bé á be ó ɨ́ byɛ̂l, bé e sɔ́ŋ wɔ́ɔ́ Zebedê, lɨ́ ekomlo méntâm. Nye ntɔ̂ʼ jébe bê.

Yʉanes 12:22

Philippe, nyɨ́ laa, tó lɛ́ɛ̌ André, bɨ́bɛ̂h obá nzě tó lɛ́ɔɔ̌ Yésʉs.

Yʉanes 6:8

Nyʉ́ʉ́ mpʉ́n wé, díe André, mɨ́ɔɔ́ mé Simon Pétrus, nye e né ó:

Lʉkas 5:10

Jacques, bé e Yʉánɛs, bwán mé Zebedê, bé ntémé á be lɨ́ ejóʼo ékɛ̂n laá. Bé e Pétrus ó b'á syɛŋa mebô lɨ́ ebwâm byɛ̂l waá. Yésʉs nzě lɛ́ɛ e Simon ó: «Sá akpɛ́ɛ. Táare ɨ́ báánâ, go óbe ó ndul bʉr.»

Mataos 4:18

Ɨ́ lʉ́ʉ́ dʉ́o, mpʉ̌ Yésʉs á be ɨ́ nkpâh máŋ mé Galilê yɨ́, nye nzě bee bʉ̂r obá. Bé á be ó Simon, bé dí ejébě Pétrus nyá, bé e mɨ́ɔɔ́ wé, André. Bé á be ó lɨ́ eguho méntám mɔ́ɔ́ ɨ́ mâŋ maá le edulo mê, ebě, bé á be ó ogwih o méntâm.

Lʉkas 11:49

Sɨ́ǎ yaá ó, Nzyɛ̌m dí elɛ́ɛ lɨ́ ocwóó wé ó: “Me ólómlo bé ogwíha o mílɔ̌b ndu e bʉr o mílʉ́mlʉ́ bâm. Bé ójʉ̂ bâʼ ó jʉ́ʼóo, tíble bʉ́ʉ́ tíbláa” yɨ́.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

2 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ ecɛmǎ dimé mʉ́má Nzyɛ̌m á twâr nyá, bé e bwán bé. Me lɨ́ ekpɛl bɨ́n lɨ́ otyeetye. Ntʉ mé omér dí ekpɛl bɨ́n. Yé ntémé, yé ó bɨ̌h e baá bɨ́bɛ̂h dí egʉ́a ótyeetye bá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

1 Korɛnt 15:7

Nye nzě báʼǎ pyâl kwá mé Jacques ti e bʉr o mílʉ́mlʉ́ bɨ́bɛ̂h.

Mɨlʉmlʉ 12:2

Nye á si jʉ̂ Jacques, mɨ́ɔɔ́ mé Yʉánɛs, e pasoŋ.

Mɨlʉmlʉ 3:1

Ɨ́ yʉ́ʉ́ bíí kʉ̌ʼ ɨ́ mewala melɛ̂l, Pétrus, bé e Yʉánɛs nzě tô mpáh Nzyɛ̌m, lɨ́ etó sâ mínjɨʼla.

Mɨlʉmlʉ 1:26

Nó bé á nze do ebya, lɨ́ epɛ̂h nyʉ́ʉ́ mʉ̂r ɨ́ sɔ́má bʉ̂r obá baá. Ebya nzě twâr Mathias. Nó ó bé á ka nze láa nye mʉr jálá le ebâʼra e sɔ́má bʉ̂r o mílʉ́mlʉ́ kám e ngwár nyá yɨ́.

Yʉanes 21:24

Mʉr dí eboʼlo le ecɛma bísá bîʼ nyá, nye ó mpʉ́n mé Yésʉs waá. Bɨ̌h bé lɨ́ ekʉ́ gʉ́a ó, bisá nyé dí eboʼlo bí, byé ó tyeetye.

Yʉanes 21:20

Jɔ̌ʼ Pétrus á dwira píhe yɨ́, nye nzě bee mpʉ́n Yésʉs á be ɨ́ buú kpɛl nyá, lɨ́ enze píhe. (Nye ó b'á dyêʼ lʉ̂ wé ɨ́ bɨr mé Yésʉs ɨ́ jɔʼ bé á be lɨ́ ede ɨ́ nzɔɔ yɨ́. Nye ntémé ó b'á dî ó: “Dâ ɛ̌, nzé óbɛ́ma gô?”)

Yʉanes 21:2

Simon Pétrus, Thomas (waá bé jɨ́jébé “Égbâh” nyá), Natanaɛ̂l (mʉr Kanâ, sí Galilê), bwán mé Zebedê ndu e bʉ́ʉ́ ómpʉ́n mé Yésʉs obá.

Yʉanes 20:2

Nye ntɔ̂ʼ búla e kám, tó beě Simon Pétrus, bé e nyʉ́ʉ́ mpʉ́n, waá Yésʉs á bu kpɛl nyá. Nye ó: «Bɨ́ pɛʼ Tî Yésʉs ɨ́ soo! Bɨ̌h bé agʉ́ǎ nko bê tó e né yɨ́!»

Yʉanes 13:23

Nyʉ́ʉ́ mpʉ́n Yésʉs á bu kpɛl nyá, á be ó bǎʼ e Yésʉs, lʉ́ wé lɨ́ edyɛ̂ʼwo ɨ́ bɨr mé Yésʉs.

Lʉkas 22:14

Jɔʼ éwala bé á jala le ede méde maá, lé á pyâl yɨ́, Yésʉs, bé e bʉr o mílʉ́mlʉ́ bé, bê nzě diŋɔɔ sí.

Lʉkas 22:8

Yésʉs nzě lómǒ Pétrus, bé e Yʉánɛs. Nye ó: «Tó jâm gá mɨná mede mé Páska mɨ́ná ngá de gá má.»

Lʉkas 9:10

Jɔʼ bʉ̂r o mílʉ́mlʉ́ mé Yésʉs, bé á búla yɨ́, bê nzě lɛ́ɛ nyé sá yɨ́yɛ̂h bé á sâ yɨ́. Nye nzě nʉa bê, tô e bé ɨ́ gúmó bé á to di bé omér yɨ́. Yé á be ó nko kwár bé jɨ́jébé ó, «Bétsɛ́da» yɨ́.

Markus 13:3

Nó ó Yésʉs á nze di sí lɨ́ Ecwɨ́ʼ lé ólivier siesíe e mpáh Nzyɛ̌m. Pétrus, Jacques, Yʉánɛs, le André, bé ntɔ̂ʼ jébe nyé ɨ́ bʉm. Bé e né ó:

Markus 1:29

Bê nzě duho mpáh minjɨʼla nyaá, ntɔ̂ʼ tóŋɔɔ̌ mbɛ̌r mé Simon bé e André. Jacques, bé e Yʉánɛs ntémé, bé á be ó ɨ́ sɔ́má yaá.

Mataos 26:37

Nó nyé á nze jébe Pétrus ndu e bwán mé Zebedê obá, bé e boo nɔ́ɔ́ ntɔ̂ʼ tô. Nyʉ̂l mé Yésʉs ntɔ̂ʼ tyɛʼ. Nye nzě syɛ̌l bá.

Mataos 20:20

Nó ó nyɔ́ŋ bwán mé Zebedê á nze tô nkǒ Yésʉs á be yɨ́, e bwán bé, nzě tó bɨʼ mébóó sí le etó dî nyé sɔ̂ʼ.

Mataos 17:1

Melú mésaman, mé osí laa nɛ́ɛ: Yésʉs nzě nʉǎ Pétrus, nʉǎ Jacques bé e mɨ́ɔɔ́ wé, Yʉánɛs. Bê nzě bére écwɨ̂ʼ ɨ́ jaa jaa kʉ́. Bé á be gʉ̂ʼ ó, bé omér.

Mɨngwiha 22:8

Mɛm Yʉánɛs, me ó b'á jóʼo bisâ bîʼ e megwǎl, bee ntémé e míh mâm. Jɔʼ mé á jóʼo le ebee byé bíbyɛ̂h yɨ́, me ntɔ̂ʼ kúrwo sí, píʼe mpóm sí ɨ́ mpǒm éngeles á lɛ̂ʼle me byǎ nyá, lɨ́ esâ ó, mě dwé ó nye kûm.

Mɨngwiha 1:1

Yésʉs-Krîst á si gwîh bisá Nzyɛ̌m á tɨ́e nye ó, nye lɛ̂ʼlaa osyɛ̂l o mésá bé, ó bé gʉ́ŋaa sá mû kúno epyâl bé yɨ́. Nye á gwîh byé ó, lɨ́ elómo éngeles wé kwá me, Yʉánɛs, syɛ̂l mesâ wé.

3 Yʉanes 1:1

Yé ó mɛm, tyɛ̂b esôʼ ɨ́ Mbɛ̌r-Nzyɛ̌m. Me lɨ́ esoho gó, Gáywis, mʉr dí ɨ́ buú kpɛlɔɔ nyá. Me lɨ́ ekpɛl gó lɨ́ otyeetye.

Mɨngwiha 18:20

Bʉr o kʉ́, doʼaa gá lɨ́ etɨʼla lé. Bʉr o dí egúmo e né bá, bʉr o mílʉ́mlʉ́ bé, ndu e l'ogwíha o mílɔ̌b bé, sohaa gâ, bɨ̌n óbɛ̂h, ebě, Nzyɛ̌m, nyɨ́ tíʼě lɔ̌b, dwe bɨ́n nkam, dwe bé mebě.

Markus 6:30

Bʉr ó Yésʉs á lómo bá, ɨ́ jɔʼ bé á búla yɨ́, bé ntɔ̂ʼ lɛ́ɛ nyé sá yɨ́yɛ̂h bé á sâ le elɛ̂ʼle yɨ́.

Yʉanes 6:67

Yésʉs, nye le ompʉ́n kám le obá bé ó: «Nzê bɨ̌n bɨɛ ntémé múo nzě búla píhe ɛ̌?»

Yʉanes 6:70

Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»

Yʉanes 6:71

(Nye á lwib nó ó, dumo e Yʉ́das, mwân mé Simon Iskariôt, ebě, Yʉ́das, damá jóʼo ó mpʉ nyé á be mpʉ́n ɨ́ sɔ́má ómpʉ́n kám le obá yɨ́, nye á be e jwɨʼ ó, nye óbɛ́ma nyê.)