Mataos 10:16 - Kálar Nzyɛ̌m : Ejwán é Sáá

¹⁶ «Paá bee gâ: mɨ́ lómo bɨ́n mpʉ bínteme páʼ onkœœ! Nó, gwá di gá le ocwóó. Cɨ́áá gá mpʉ ónyʉ́a. Bɨ̌n a tálá míléme mpʉ mépɨbaa.

Kálara Zyɛ̌m Edwán é mpʉ̌n

¹⁶ «Mbe ga: mɨ lomo bɨn mpʉ bɨntœme teme onkœœ! No ó, diʼe ga ncye! Cɨa ga mpʉ onyʉa. Bɨn bé à tala mɨleme mpʉ mopɨba.

Mataos 10:16 ပူးပေါင်းရင်းမြစ်များ

Lʉkas 10:3

Tóʼ gâ. Paá bee: mě lómó bɨ́n ó mpʉ bwá bínteme páʼ onkœœ!

Filipi 2:15

Sá tɨ̂ʼ ó bɨ́n óbe, abe e mebě yɨ́. Bɨ̌n bé óbe ó e miléme ɨ́ sɔ́ɔ́ɔ́, kwahaá bwán mé Nzyɛ̌m. Bɨ̌n bé ábe e sá ébébe bé ónwâhle bɨ́n e tɨ̂. Témé memɔ́ʼ mé ónzyɛ́h ó bʉ̂r o b'á dîm bá, bɨ̌n bé óbuú pǎn myɛ́n mpʉ ócwícwén ɨ́ jʉ́o kʉ́.

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

Kolosi 4:5

Tiʼaa gá le ocwóó ɨ́ míh mé bʉ̂r o dí abe ókrǐsten bá. Yé díʼee bɨ̌n jɔʼ bɨ́n jálá le esâ nó yɨ́.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Mɨlʉmlʉ 20:29

Me lɨ́ egʉ́a ó, jɔʼ mé ngá laa, tô e tyen yâm dóló yɨ́, bʉr o dí enwɨɨla le onkœœ, dí ɨ́ buú nyan bá, bé ópyâl gúmó bɨ́n dí yɨ́. Bé ákamle e sɔ́má óbûʼla.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

1 Tesalonika 5:22

Syɛ́hláá gá mimbi mébébé mɨ́mɛ̂h.

2 Korɛnt 11:14

Nó ó, sâ yaá, yé abě sá ékâm, ebě, Sátan mʉr tɨ̂, nye lɨ́ eboó liliŋa éngeles mentyɛnwa.

1 Tesalonika 2:10

Bɨ̌n bé e nkul eboʼlo, ti e Nzyɛ̌m mʉr tɨ̂ʼ ó: bɨ̌h bé á be ó miléme ɨ́ sɔ́ɔ́ɔ́ ɨ́ mîh mé Nzyɛ̌m. Bɨ̌h bé á be páʼ nyɨ́n, obûʼla ó, otîtyěl o bʉ̂r le bʉr o dí abe e mebě bá.

Kolosi 1:9

Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

2 Korɛnt 8:20

Mɔnɨ́ yaá, yé ɨ́ buo. Nó ó, bɨ̌h bi yé ó le ocwóó, ebě, nyʉ́ʉ́ mʉ̂r ámû jaá ntuhlo bɨ́h, lɨ́ elɛ́ɛ ó, bɨ̌h bé lɨ́ ejéʼe ébi bímɔnɨ́ byaá.

Mataos 24:25

Paá bee: me múo sí gwîh bɨ́n syɛ́ɛla yɔ́ɔ́ yaá!

Mataos 24:45

«Nzé dí twóó túʼǎ, waá dí mʉr ebúʼlɔɔ, waá sɔ́ŋ wé á tyêl ó, yé díʼee lʉ́ bítúʼǎ byé, le ekab byé mede ɨ́ mepʉ́la me dí ejala má nyá?

Mataos 25:2

Bîʼ bítɛ̂n, byé á be ó bigʉʼlʉgʉ́. Byúú bítɛ̂n, ocwóó.

Mataos 25:4

Byaá byé á be ocwóó bí, bíɛ byé á nʉa meláma mɔ́ɔ́ ó, ndu e múlo ɨ́ bintaʼ.

Mataos 25:9

Ocwóó ó bʉ́bá bɨ́ɛ, bê nzě lɛ́ɛ e bé ó: “Ajóʼo! Múló mâ, mé ákóʼó jala e bím méláma gá mɨ́ná dí yɨ́. Nó, tóʼ gá nko óbɛ́ma o múlo dí yɨ́, bɨ̌n nkʉ̂ bwâm maá mɨ́n kwɔ́ nyɔ́ɔ́!”