Mataos 10:1 - Kálar Nzyɛ̌m : Ejwán é Sáá

¹ Nó ó Yésʉs á nze jébe ompʉ́n kám le obá bé, ntɔ̂ʼ dwe bé nkul jwɨ́ɨ eso méleme le etiʼ mímbél mímyɛ̂h myé á be e mekpaa nkʉ̂ bidyɛ̂m mí.

Kálara Zyɛ̌m Edwán é mpʉ̌n

¹ No ó Yesʉs a ze jebe Esama le ompʉn ewʉm e l'oba be, ntɔʼ dwe be nkul ó, bé dwihɨ bʉr bɨbɨbla mɨsisim le etiʼ mɨsyoblʉ mimyɛh myé a be e mosyɛb nkʉ bɨjyɛm ɨ.

Mataos 10:1 ပူးပေါင်းရင်းမြစ်များ

Lʉkas 10:19

Jóʼláá gâ: me á si dwe bɨ̌n nkul etíbe ónyʉ́a ndu e bibámlwál. Mɨ́ dwe bɨ́n nkul entaa ménkul mɨ́mɛ̂h me ntɨ̂m e mbɨn gá wɨ́ná. Sá ébébe, yé abe e nkul epyâl ɨ́ bɨ̌n.

Lʉkas 24:49

Nó ó, me ótáare éntɨh bɨ́n sá Sɔ́ŋ wǎm á kɛʼ bɨ̌n yɨ́. Diʼee gá wâʼ ɨ́ nkana yɨ̂, lɨ́ ebóno dʉ́ó nyé ngá sul bɨ́n nkul ngá duho ɨ́ jʉ́o kʉ́ nyɨ́ yɨ́.»

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Yʉanes 3:27

Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

Lʉkas 6:13

Nó ɨ́ jɔ̌ʼ mɛ́n wé á lɔ́ma yɨ́, nye ntɔ̂ʼ jébe ómpʉ́n bé, ntɔ̂ʼ twâr bʉ́ʉ́. Bím nyé á twâr yɨ́, bʉr kám le obá. Nye ntɔ̂ʼ jɨ̂jebe bé ó, bʉr o mílʉ́mlʉ́ bé.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

Mɨlʉmlʉ 19:15

mbɨ́ǎ sísǐm, wé ntɔ̂ʼ yala e bé ó: «Me lɨ́ egʉ́ǎ Yésʉs. Me ntémé, mɨ́ gʉ́ǎ sɔ̂ʼ ɨ́ nkǒ páʼ mé Pɔ̂l. Á bɨ̌n bɨɛ, bé ó onzé?»

Yʉanes 17:2

Ebe go á si dwe nye nkul jwɨ́ɨ ɨ́ bʉr bɨ́bɛ̂h. Nyě e nkul edwe bʉ̂r o gó á dwe nye bá, twǐʼ njʉ̌m dǐ.

Yʉanes 6:70

Yésʉs, nye e bé ó: «Ntʉ mɛ̂m mʉr tɨ̂ʼ á twâr bɨ̌n kám le obá ɛ́? Damá jóʼo nó, nyʉ́ʉ́ mʉ̂r ɨ́ sɔ́má yɨ́n, nyě le eleme.»

Yʉanes 3:35

Nzyɛ̌m Sɔ́ŋ, nye lɨ́ ekpɛl Mwân wé. Nyɨ́ boó gbâ sá yɨ́yɛ̂h sí jwɨ́ɨ́ yé.

Mɨngwiha 12:1

Píe tɨ̂, sá ékâm, yé á si pyâl ɨ́ jʉ́o kʉ́. Me á si bee mʉmá. Nye á bwâr ó dʉ́o mpʉ̌ kán wé. Álomó á be ó sí mebo mé. Lɨ́ ebɔmǎ lʉ́ wé ɨ́ nká, nye á be ó, le ocwícwén kám le obá, bɨ́ɛ lɨ́ edi tâŋ káráá dúu.

Mataos 26:47

Yésʉs dína lɨ́ elwib nó nɛ́ɛ: Yʉ́das nzě pyâl le entumo e bʉ̂r. (Yʉ́das á be ó mʉr ngwár lɨ́ ompʉ́n kám le obá mé Yésʉs.) Bʉr o b'á nze bá, bé á nze ó, bâʼ, le opasoŋ; bʉ́ʉ́, e mimbɨ́ŋ. Ojwɨ́ɨ o mpáh Nzyɛ̌m le otɔ́má bʉ̂r o b'Ɨ́zraɛ̂l ó b'á lómo bê.

Mataos 26:20

Ɨ́ bíí kʉ̌ʼ nɛ́ɛ: Yésʉs, bé le ompʉ́n kám le obá bê nzě diŋɔɔ sí.

Mataos 19:28

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Mataos 9:35

Yésʉs nzě tô le etô bínkana e bínkana byɛ̂h le mékwár e mékwár mɛ̂h, lɨ́ etô le elɛ̂ʼle bʉ̂r ɨ́ mempáh mínjɨʼla mɔ́ɔ́, le etúnǒ Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, le etiʼ bʉ̂r o b'á be e mekpaa mɨ́mɛ̂h le bidyɛ̂m bíbyɛ̂h bá.

Mataos 9:38

Nó, jɨʼlaa gá e Kúm pemé, ó nye lómaa bilóbila ɨ́ buo buo, ó bé tôʼ kpɛm méde ɨ́ pemé.»