Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mataos 1:21 - Kálar Nzyɛ̌m : Ejwán é Sáá

21 Nye óbyâ mâ mʉrʉ̂m. Go ójwɨr nyé “Yésʉs”, ebě, nye ó ngá tǐʼ kúl yé, lɨ́ etáǎ góo, le edwih yé ɨ́ mpila mísyóm, pɛʼ yé ɨ́ fá.»

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

21 Nye óbya ma mʉrʉm. Go ójwɨr nye die ó Yesʉs, ebe, nye ó ngo tiʼ kul bʉr ye, lé edwih ye é mpila mɨsyem myɔɔ é pololo.»

အခန်းကိုကြည့်ပါ။ ကော်ပီ




Mataos 1:21
36 ပူးပေါင်းရင်းမြစ်များ  

Nyʉ́ʉ́ ntâ mé David waá á be ó Yésʉs, Tiʼbʉr gá wɨ́ná. Nye ó Nzyɛ̌m á tyêl ɨ́ kúl bʉ̂r o b'Ɨ́zraɛ̂l, lɨ́ edû mpʉ nyé á boo kɛʼ bé yɨ́.


Bʉr o dí ebǐ twiʼ bá, bé jaá bi yé ó kwá nyé. Ebě, yé abe e lʉ́ʉ́ díe eswîh Nzyɛ̌m á lɛ̂ʼle mɨná gá ó, lé e nkul ebáʼǎ dwe bʉ̂r twiʼ lɨ́.»


Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!


Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.


Píe jɔ̌ʼ Yésʉs á byɛ̂l yɨ́, lɨ́ elú é mwôm, yé ntɔ̂ʼ pyâl ɨ́ jɔʼ bé á jala le etíʼe nyé mpʉ́n yɨ́. Bé ntɔ̂ʼ tíʼe nyé nyǎ, le ejwɨr nyé díe ó, “Yésʉs”, ebě, díe laá ó éngeles á lɛ́ɛ bê, Maria dína apǎ nʉa ébum yɨ́.


Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.


Go ónʉa ébum, gó obyâ mwân, gó ojwɨr nyé díe ó, Yésʉs.


Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.


Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!


Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.


Nó ɨ́ jɔ̌ʼ Nzyɛ̌m á ka lómo syɛ̂l mesâ wé yɨ́, nye á nyɛɛ tyen nye ó, kwá nyɨ́n, ó nye sʉ́ʼoo bɨ̌n métyɛʼ me mpóm, le edwih mʉ̂r sɔ́má yɨ́n nyɨnyɛ̂h ɨ́ bɨ́blǎ syɛ́ɛla yɨ́yɛ̂h nyé dí esâ yɨ́.»


Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.


Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.


Nó ó éngeles waá á nze lɛ́ɛ e né ó: «Sá ajóʼo bʉ́á, Zacharie. Nzyɛ̌m, nyɨ́ jóʼo mínjɨʼla myô! Elisabeth, mʉmá gǒ, óbyâ gó mwân, mâ mʉrʉ̂m. Go ójwɨr nyé díe ó, Yʉánɛs.


Nye á bé asyɛŋa e né, tó pyâl ɨ́ jɔʼ nyé á byâ mwân waá yɨ́. Nye ntɔ̂ʼ jwɨr nyé díe ó, Yésʉs.


Bʉr baá, bê nzě lɛ́ɛ mʉ́má nɨ̌ ó: «Ɨ́ báánâ, bɨ̌h bé akǎ dyɛ̂ʼwo e né njɨ ɨ́ lɔ̌b lɔ́ɔ́ gô lɛ́ɛ́ bɨ́h wɨ́, ebě, bɨ̌h bʉr o tɨ̂, bɨ̌h bɨ́ jóʼǒ lwǐb yé le ekʉ́ gʉ́a ntémé ó, ɨ́ sí yɨ̂ʼ yɨ́yɛ̂h, nye ó dí bánǎ be Tiʼbʉr.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ