Mataos 1:1 - Kálar Nzyɛ̌m : Ejwán é Sáá

¹ Bimpám mé Yésʉs-Krîst, byé ó bî: Yésʉs-Krîst á be ó mwân mé David, bé le Abraham.

Kálara Zyɛ̌m Edwán é mpʉ̌n

¹ Bɨmpam mo Yesʉs, Lœma mulo mo Zyɛm, a be mwan mo Abraham, mwan mo David ɨ.

Mataos 1:1 ပူးပေါင်းရင်းမြစ်များ

Galásia 3:16

Jwɨʼ gwár e gwár yaá ó Nzyɛ̌m á dwe Abraham bé e nta wé nkɛ̌ʼ yɨ́. Mekaná mé Nzyɛ̌m, mé alɛ́ɛ ó: «onta». Mé kʉ́ jaá lɛ́ɛ ó, njɨ «nta ngwár.» Nta mé Abraham waá ó dí Yésʉs-Krîst.

Rôm 1:3

Mbɨambɨa Lɔ́ɔ waá dumo ó e Mwân wé. Ɨ́ nkǒ páʼ ébyɛ̂l e bípúno, nye á be ó mʉr mbɛ̌r bʉ̂r mé David.

Mɨngwiha 22:16

«Mɛm Yésʉs, me á si lómlo bɨ̌n éngeles wǎm ó, nye ntáa nzě boʼlo gó milɔ̌b mi dí edwɛ̂ʼ Mbɛ̌r-Nzyɛ̌m mí. Mɛm, me ó mâ nta mé David, waá á byɛ̂l mpʉ̌ ntoʼdu á pâh ɨ́ kǔm lɨ́ yé á twɛlɔɔ twɛlɨ́ɨ yɨ́ ny. Me ntémé ó dí twítwén dí ɨ́ buú pan ɨ́ melɔ́ma mé mɛ́n nyá.»

Yʉanes 7:42

Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, óbe ó nta mé David. Nye óduho ó, Bétɛlɛhɛm, kwár mé David.»

Mɨlʉmlʉ 2:30

Mpʉ̌ David á be ngwíha milɔ̌b yɨ́, nye á be ɨ́ boó gʉ́a ó, Nzyɛ̌m á si kɛʼ, ntaa mínkâl ó, nye ópɛ̂h nyʉ́ʉ́ mʉ̂r ɨ́ bʉr o mpóʼo nyé, dil nyé ɨ́ diá jwɨ́ɨ yé.

Mataos 1:18

Yésʉs-Krîst á byɛ̂l ó, mbi wɨ̂: Maria, nyɔ̌ŋ wé, bé e Yóseb, bé á be le etié ó, bé óbɛ́a. Bé dína apǎ syɛŋa nɛ́ɛ: Maria nzě nʉa ébum ɨ́ nkul Sísǐm mé Nzyɛ̌m.

Rôm 9:5

Bé ó dí mpóʼo mé Abraham, le Isaac ti e Yóseb. Krîst mʉr tɨ̂ʼ á byɛ̂l mʉr ó, ɨ́ kúl bʉ̂r yɔ́ɔ́. Kûm díʼee e Nzyɛ̌m, njwɨ́ɨ sá yɨ́yɛ̂h, njʉ̌m dǐ e njʉ̌m dǐ. Amɛn.

Rôm 4:13

Nzyɛ̌m á kɛʼ Abraham, bé le onta bé ó, nye ódwe bé sí yɨ́yɛ̂h, jala e nkɔb líʼe nyɔ́ɔ́. Nzyɛ̌m á bé alɛ́ɛ nó ɨ́ lɔ̌b mbaʼlá Abraham á baʼle metié wɨ́. Nye á kɛʼ bé sí yaá ó, duho lɨ́ otîtyěl nyé á pa dwe Abraham wɨ́. Otîtyěl waá wɨ́ɛ, wé á kʉ be ó, ɨ́ búʼó yé.

Mataos 15:22

Á dwií tɨ̂ʼ nɛ́ɛ: mʉmá Kanân nzě duho kwár nyaá, nzě bʉ̂ bítím, le elɛ́ɛ e né ó: «Dâ ɔ́, Mwâ mé David ɔ́, jɨ́ʼɨ́ɨ́ mé ekpaa nkóó ɔ̌! Sile wâm, wé ɨ́ bébebébe tyé. Eleme, lé lɨ́ ebuú nzamra wê!»

Mataos 9:27

Jɔ̌ʼ Yésʉs á be lɨ́ eduhǒ sûm yaá, nye mû lɨ́ esámle yɨ́, baántím óbá, bê nzě dû nyê, le ebʉ̂ bítím. Bé ó: «Mwâ mé David ɔ́, jɨ́ʼɨ́ɨ́ bɨ́h ekpaa nkóó ɔ̌!»

Mataos 3:16

Mpʉ̌ Yésʉs á sil eduŋɔɔ yɨ́, le nyé á pʉʼa ɨ́ medíbé, lě jʉ́o á bɔ́a. Nye ntɔ̂ʼ beě Sísǐm mé Nzyɛ̌m lɨ́ esulo ɨ́ báaa mpʉ épɨbaa, nzě berwo nyé ɨ́ nyʉ̂l.

Mataos 1:2

Abraham á byâ ó Isaac. Isaac byâ Yákɔb. Yákɔb byâ Yʉ́da, bé e bɨ́ɔɔ́ bé.

Lʉkas 1:33

Nye ójwɨ́ɨ bʉ̂r o mpóʼo mé Yákɔb njʉ̌m dǐ e njʉ̌m dǐ. Jwɨ́ɨ́ yé, yé óbe ó, abe le odumo.»

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,

2 Timotɛ 2:8

Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.