Lʉkas 9:56 - Kálar Nzyɛ̌m : Ejwán é Sáá

⁵⁶ Bê nzě tô ɨ́ nyʉ́ʉ́ kwár swîh.

Kálara Zyɛ̌m Edwán é mpʉ̌n

⁵⁶ Bé ze to é nuu kwar fih.

Lʉkas 9:56 ပူးပေါင်းရင်းမြစ်များ

Rôm 12:21

Mʉ̌r sá abîr ó, ebébe, lé ntáŋaa nye ɨ́ nkul. Nyɨɛ ntáŋaa lé ɨ́ nkul lɨ́ esâ bísyɛ́ɛla bi dí ɨ́ mbɨa bí.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Yʉanes 10:10

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Yʉanes 12:47

Mʉ̂r sí jóʼǒ lɛ́ʼlá wâm, abâʼle wé nɛ́ɛ: nye mû ó e lɔ̌b. Sâ gwár, ntʉ mé ótíʼe nyé wǎ, ebě, me á nze ó, me ntáa nzě tiʼ bʉ̂r, abe lɨ́ enzě tíʼe mílɔ̌b.

Lʉkas 23:34

[Yésʉs ntɔ̂ʼ lɛ́ɛ ó: «Dâ ɛ̌, pɛʼɛɛ̌ baa gô pa láá bé ɨ́ syɛ́ɛla yɨ̂ʼ yɨ́, ebě, bé agʉ́ǎ sá bé dí esâ yɨ́.»] Bisója ntɔ̂ʼ kabla míkán myé, doŋɔɔ myé ebya.

Lʉkas 22:51

Yésʉs ntɔ̂ʼ lɛ́ɛ ó: «Tyélɨ́ɨ́ gá duʼó. Yé díʼee bím nɨ̌.» Nye ntɔ̂ʼ mɛ̂r égwǎl e mʉ̂r waá, lé ntɔ̂ʼ sâ mbɨ̂mbɨá.

Mataos 5:39

Nó mɛ̌m lɛ́ɛ́ bɨ́n ó: alwímla gá e mʉr dí esâ bɨ́n ebébe nyá. Mʉ̂r ŋmɛ́h gó bɛ̂h lɨ́ emúʼ lé éjʉ̂m nó, bírɨ́ɨ́ ntémé ó, nye ŋmɛ́hɛɛ ɨ́ laá lé émyɛ̌l.

Lʉkas 9:55

Yésʉs ntɔ̂ʼ dwira, nkáŋla e bê.

Lʉkas 9:57

Mpʉ̌ Yésʉs, bé le ompʉ́n bé, bé á be, bé mû téme-nzɨ̌ yɨ́, nyʉ́ʉ́ mʉ̂r ntɔ̂ʼ lɛ́ɛ e Yésʉs ó: «Dâ ɛ̌, me ódû gó gúmó yɨ́yɛ̂h gó ótô yɨ́.»