Lʉkas 9:45 - Kálar Nzyɛ̌m : Ejwán é Sáá

⁴⁵ Damá jóʼo nó, ompʉ́n bé, bé á bé agwá jóʼǒ sá nyé á lɛ́ɛ bé yɨ́. Ekǎn laá, lé á be bé ó, solá, ó bé ayɨ́ kpâhwǎ jóʼo lê. Bé á be lɨ́ ekpɛ́ɛ édî nyé tíá ɨ́ lɔ̌b waá.

Kálara Zyɛ̌m Edwán é mpʉ̌n

⁴⁵ Dam be no, ompʉn be, bé a baagʉa joʼo sa nye a lɛɛ be e. Ekan laa, lé a be be ó fela, ó bé l'ayi kpahbe joʼo le. Bé a be nteme ó, lé ekpɛɛ lé edî nye tia é lɔb waa.

Lʉkas 9:45 ပူးပေါင်းရင်းမြစ်များ

Lʉkas 18:34

Nó ompʉ́n bé, bé á bé ajóʼǒ sâ gwár ɨ́ milɔ̌b myaá. Ekǎn laá, lé á be bé ó, mpʉ̌ lwǐb ódîm. Bé á bé ajóʼǒ sɔ̂ʼ ɨ́ lɔ́ɔ waá wɨ́wɛ̂h.

Yʉanes 12:16

(Ompʉ́n bé, bé á bé anyɛɛ́ jóʼǒ péh Mékaná mé Nzyɛ̌m yaá. Bé á ka nze gʉ́a yé ó, píe jɔ̌ʼ Yésʉs á nʉa kûm nyé yɨ́. Jɔʼ yaá ó bé á ka gʉ́a ó, nkúná ogwíha o mílɔ̌b, bé á cɨcɛma bisá bínɨ̌ bíbyɛ̂h ó, dumo e né. Bê nzě gʉ́a ntémé ó, bʉr ónɨ̌, bé á sâ nye bisyɛ́ɛla byaá ó, mpʉ byé á boo be micɛmá yɨ́.)

Lʉkas 2:50

Bɨ́ɛ l'agwá jóʼǒ sá nyé á pʉgʉ kpɛl elɛ́ɛ bé yɨ́.

Markus 9:32

Damá jóʼo nó, ompʉ́n bé, bé á bé agwá jóʼǒ sá nyé á lɛ́ɛ bé yɨ́. Bé ntémé á be lɨ́ ekpɛ́ɛ édî nyé tíá ɨ́ lɔ̌b waá.

Yʉanes 14:5

Thomas, nye e né ó: «Dâ ɛ̌, bɨ̌h bé agʉ́ǎ nko gó múo tô yɨ́. Á bɨ̌h bɨɛ̌ bé ódweʼe nzɨ́ nyaá nyá?»

Yʉanes 12:34

Entumo e bʉ̂r, lé e né ó: «Bɨ̌h bé á be ɨ́ jóʼo ɨ́ mekaná métié gá wɨ́ná ó, Mʉ̌r Nzyɛ̌m á lœm múló mé jwɨ́ɨ nyá, ódǐ njʉ̌m dǐ e njʉ̌m dǐ. Gǒ kǎ lɛ́ɛ ó, Mwân mé Mʉr, nye ɨ́ jala le ebɨ́nɔɔ kʉ́ ɨ́ yé ɛ́? Nzé pʉ́gʉ́ be “Mwân mé Mʉr” ɨ́ sɨ̂?»

Markus 9:10

Nó ó bé á nze baʼle sá nyé á lɛ́ɛ bé yɨ́, ntɔ̂ʼ tô le edíila páʼ nyɔ́ɔ́ ó: «Nyě kpɛ̌l élɛ́ɛ yé, dumo le “epah ɨ́ soo” wɨ̂ʼ ɛ̌?»

Mataos 16:22

Nó Pétrus á nze tô e né ɨ́ bʉm, nzě dwe nyé mebě. Nye e né ó: «Nzyɛ̌m kámlaa sâ yaá yɨ́yɛ̂h lɨ́ edira ɨ́ go!»

Lʉkas 9:46

Ompʉ́n bé, nzě táare édíila páʼ nyɔ́ɔ́ ó: “Wáa mʉ̂r dí ɨ́ buú bwaʼ ósʉ́sʉ́ ɨ́ sɔ́má gá yɨ́ná ɛ́?”

Mataos 17:22

Jɔʼ bé á be, bé dína lɨ́ etye ɨ́ sí Galilê yɨ́, Yésʉs, nye e bé ó: «Mwân mé Mʉr mû ó kúno ebɛ́mɔɔ kwá bʉr o ngá jʉ̂ nyé bá.

Yʉanes 4:33

Ompʉ́n, bé á be ó, bé mû lɨ́ etô le edíila ó: «Nzê nyʉ́ʉ́ mʉ̂r bê sí nze nyé e mede ɛ̌?»