Lʉkas 9:42 - Kálar Nzyɛ̌m : Ejwán é Sáá

⁴² Mpʉ mwân waá á ka pyâl bǎʼ e Yésʉs yɨ́, eleme ntɔ̂ʼ ntyeŋ mwân ɨ́ guʼ guʼ, nkɛŋ nyé sí. Yésʉs nzě nkáŋla e mbɨ́ǎ sísǐm waá, wé ntɔ̂ʼ duho. Yésʉs nzě tiʼ mwân, ntɔ̂ʼ tímle sɔ́ŋ nyǎ.

Kálara Zyɛ̌m Edwán é mpʉ̌n

⁴² É jɔʼ mwan a kʉ pyal kunokuno e Yesʉs ɨ, eleme laa ntɔʼ ncyeŋ nye é guʼ-guʼ-guʼ, nkɛŋ nye si. Yesʉs ze bâm e bɨbla sisim yaa, yé ntɔʼ duho. Yesʉs ze tiʼ mwan, ntɔʼ timle sɔŋ nya.

Lʉkas 9:42 ပူးပေါင်းရင်းမြစ်များ

Lʉkas 7:15

Ndwe ntɔ̂ʼ gbɔlwa sí, dǐ ndîndǐl, nzě táare élwib. Yésʉs nzě tímle nyé nyɔ̌ŋ.

Mɨngwiha 12:12

Ebe nó, bɨ̌n, bʉr o dí ɨ́ jʉ́o bá, sohaa gâ. Nkoó, nye ó e sí ndu e mâŋ! Bé óbuú tíble bɨ́n, ebě, sɔ́ŋ meleme, nyɨ́ tô gʉ̂, nko bɨ́n dí yɨ́. Wé lɨ́ ebuú kpaa ébúʼ, ebě, nyɨ́ kǎ gʉ́a ó, jɔʼ yé, yɨ́ lîʼ njɨ bá tîtííǎ.»

Lʉkas 9:39

Nyě e l'eleme e dí emɨmɛ̂r nyé lɨ́. Ɨ́ bijɔʼ byaá, nye lɨ́ ebʉ̂bʉ bítím. Lé sá nyé ó, mpʉ̌ sá lɛ́ɛ́, nye lɨ́ esílě bʉ̂ʼ. Lé sá ó, lulwaare nyé nyʉ̂l ɨ́ lárádá. Megûl, mé lɨ́ epîpyal nyé ɨ́ num ɨ́ ntomo ntomo. Lé lɨ́ ekʉ́ bî nyê. Lé ɨ́ kɔbla lɨ́ edwih!

Markus 9:20

Bé ntɔ̂ʼ tô nyé e nyǎ. Le éleme laá, lé á bee nye, le lé á ntyeŋ mwân waá ɨ́ luʼ luʼ luʼ, nkɛŋ nyé sí. Nye ntɔ̂ʼ tô le ebyɛ́ɛla sí e sí, egûl pipyâl nyé ɨ́ num ɨ́ ntomo ntomo.

Mɨlʉmlʉ 9:41

Pétrus ntɔ̂ʼ mɛ̂r nyé ɨ́ mbô, gbɛl nyé sí. Nye nzě jébe bʉ̂r o mé Nzyɛ̌m ti e mikúhó mí bʉ́bá, lɛ̂ʼle bé nyǎ, nye mû sí pah.

Lʉkas 9:41

Yésʉs ntɔ̂ʼ lɛ́ɛ ó: «Bɨ̌n onzyɛ́h ó bʉ̂r o dí abûʼla bâ! Me ókǎ báʼǎ di ɨ́ sɔ́má yɨ́n, tó pyâl ɨ́ yáǎ jɔʼ ɛ̌? Me ódûhwo bɨ́n, tó swîʼ yáǎ sûm ɛ̌? Ntáʼ e mwân gǒ wâ!»

Lʉkas 9:43

Ekɛ̂n, lé á si swɨɨ bɨ́bɛ̂h ɨ́ nyʉ̂l ɨ́ lɔ̌b mbeá bé á bee baánɨ̂nɨ̂n o bísyɛ́ɛla mé Nzyɛ̌m wɨ́. Bʉr bɨ́bɛ̂h, bé á be náǎ ó lɨ́ ekâm bísyɛ́ɛla bíbyɛ̂h Yésʉs á sâ bí. Yésʉs ntɔ̂ʼ lɛ́ɛ le ompʉ́n bé ó:

Yʉanes 6:19

Bé á be ó, bé osí dúʼo, bɛ̌m be ókíloméra otɛ̂n, nkʉ̂ ósaman. Bé ká bee nɛ́ɛ: Yésʉs mû lɨ́ ekúnwo e byɛ̂l, nyɨɛ lɨ́ etye ɨ́ medíbé kʉ́. Bê kʉ́ nzě jóʼo bʉ́á.