Lʉkas 9:39 - Kálar Nzyɛ̌m : Ejwán é Sáá

³⁹ Nyě e l'eleme e dí emɨmɛ̂r nyé lɨ́. Ɨ́ bijɔʼ byaá, nye lɨ́ ebʉ̂bʉ bítím. Lé sá nyé ó, mpʉ̌ sá lɛ́ɛ́, nye lɨ́ esílě bʉ̂ʼ. Lé sá ó, lulwaare nyé nyʉ̂l ɨ́ lárádá. Megûl, mé lɨ́ epîpyal nyé ɨ́ num ɨ́ ntomo ntomo. Lé lɨ́ ekʉ́ bî nyê. Lé ɨ́ kɔbla lɨ́ edwih!

Kálara Zyɛ̌m Edwán é mpʉ̌n

³⁹ Nye e bɨbla sisim lé emɛr nye e bɨjɔʼ ɛ. É bɨjɔʼ byaa, nye ebʉ-bʉ bɨtim. Wé esa nye ó, mpʉ sa lɛɛ ó, nye esile bʉʼ. Wé esa ó, lwaare nye nyʉl é larada, mogul dɨ pyal nye é nʉm é ntomo-ntomo. Wé ekʉ bî nye! Wé é kɔbla lé edwih.

Lʉkas 9:39 ပူးပေါင်းရင်းမြစ်များ

Lʉkas 8:29

(Nye á lwib nó ó, ebě, Yésʉs á be ɨ́ lɛ́ɛ le mbɨ́ǎ sísǐm waa ó, wé dúhaa mʉr waá ɨ́ nyʉ̂l. Wé á be lɨ́ eboó mɛ̂r nyé bijɔʼ bijɔʼ. Bʉr o kwár nyaá, bé á bɨbe ó, lɨ́ ekɨkâʼ nyé mebô e mekʉ̌ e mikʉ̂kɔ̌b, le ebaʼle nyê. Damá jóʼo nó, nye á be lɨ́ ebánǎ búʼo míkʉ̂kɔ̌b myaá. Eleme laá nzě tʉ̂to le edâʼre nyé ɨ́ lʉá e lʉá wɛ̂h.)

Lʉkas 4:35

Yésʉs ntɔ̂ʼ nkáŋla le eleme. Nye e lé ó: «Diblaǎ num náǎ. Duhaa mʉ̂r nɨ̌ ɨ́ nyʉ̂l.» Eleme laá nzě nkɛŋ mʉ̂r nɨ̌ sí témé bʉr baá bɨ́bɛ̂h, ntɔ̂ʼ duho nyé ɨ́ nyʉ̂l, asâ nyé ebébe.

Markus 9:26

Mbɨ́ǎ sísǐm, wé ntɔ̂ʼ bʉ̂ bítím, ntyeŋ mwân waá ɨ́ buo buo, nzě duho, líʼe nyé náǎ sí ɨ́ séhé. Bʉr ɨ́ buo buo bé á lɛ́ɛ ó: «Nyɨ́ dwe!»

Markus 9:20

Bé ntɔ̂ʼ tô nyé e nyǎ. Le éleme laá, lé á bee nye, le lé á ntyeŋ mwân waá ɨ́ luʼ luʼ luʼ, nkɛŋ nyé sí. Nye ntɔ̂ʼ tô le ebyɛ́ɛla sí e sí, egûl pipyâl nyé ɨ́ num ɨ́ ntomo ntomo.

Mɨngwiha 9:11

Njwɨ́ɨ wɔ́ɔ́, nye ó éngeles dí e nkul jwɨ́ɨ ɨ́ bɨ́ dí sí ɨ́ kœ́ʼlɛ́ yɨ́. Bé lɨ́ ejébe nyé ɨ́ lwǐb ébrœ̂ ó «Abadɔ̂n». Yé bé ɨ́ lwǐb grɛ̂k yɨ́ɛ nó, lɛ́ɛ́, yé ó «Apoliôn»: «Ángbɛ̌h».

1 Pyɛr 5:8

Máráá gá miléme. Diʼee gá ɨ́ doho. Ntɨ̂m e mbɨn wɨ́n, sɔ́ŋ meleme, nye lɨ́ elie bɨ́n ɨ́ mipáʼ mímyɛ̂h mpʉ̌ ngbampɨɨ dí emwóolo wɨ́. Nyě sáá ó, ede mʉ̂r.

Yʉanes 8:44

Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Markus 9:18

Nó gúmó yɨ́yɛ̂h éleme laá dí emɛ̂r nyé yɨ́, lé lɨ́ enkɨnkɛŋ nyé sí. Egûl pipyâl nyé ɨ́ num ɨ́ ntomo ntomo, nye pupûʼlo médye, nye mû ɨ́ sʉ́nʉ́nʉ́. Nó me bé ɨ́ jɨʼla le ompʉ́n bô ó, bé sôʼ eleme laá, bɨ́ɛ l'akoʼo.»

Lʉkas 9:38

Ɨ́ bʉr baá, yé á be ó e nyʉ́ʉ́ mʉ́rʉ̂m. Nye nzě bʉ̂ tím. Nye e Yésʉs ó: «Lɛ̂ʼla, paá beě mpʉ mwân wǎm dí yɨ́. Nye ó etíʼé é mwân lâm.

Lʉkas 9:40

Me á be ɨ́ jɨʼla le ompʉ́n bô ó, bé pɛ́ʼɛɛ nye lǎ, bɨ́bɛ̂h kâr, akoʼo.»