Lʉkas 9:31 - Kálar Nzyɛ̌m : Ejwán é Sáá

³¹ Bé á nyɨ̂n ntémé ó e mentyɛnwa. Bé á be lɨ́ elɛ́ɛla ɨ́ mpʉ̌ Yésʉs ngá dwe ɨ́ Yerʉ́zalɛm yɨ́.

Kálara Zyɛ̌m Edwán é mpʉ̌n

³¹ Bé a be nteme ó e moncɛnba. Bé a be ó lé elɛɛla é mpʉ Yesʉs muno ze to dwè ɨ Yerʉsalɛm ɨ.

Lʉkas 9:31 ပူးပေါင်းရင်းမြစ်များ

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

2 Pyɛr 1:15

Me ósâ sɨ́n lɨ́ elíʼe bɨ́n e micɛmá ngá jɨjɨm bɨ́n bitɔŋlá ɨ́ milɔ̌b mínɨ̌, píe l'eswie lâm ɨ́ jɔʼ yɨ́yɛ̂h mí.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

Kolosi 3:4

Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Lʉkas 9:22

Nye nzě lɛ́ɛ e bé ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Lʉkas 9:30

Kǎ saʼ nɛ́ɛ: bʉ́ʉ́ bʉ̂r obá nzě nyɨ̂n bǎʼ e né, bɨ́bɛ̂h lɨ́ elɛ́ɛla. Bɨ́ɛ, bé á be ó Moyɨ̂z, bé le Elie.

Ebrœ̂ 11:22

Ɨ́ búʼó, Yóseb á si lɛ́ɛ bʉr o b'Ɨ́zraɛ̂l, lɨ́ esíé é twiʼ yé ó, bé óduhǒ sí Egɨ̂ptɛn, swîʼ. Nye nzě lɛ́ɛ bé ntémé sá bé ósâ e bidwehé byé yɨ́.