Lʉkas 9:28 - Kálar Nzyɛ̌m : Ejwán é Sáá

²⁸ Píě Yésʉs á bě sí lwib nó yɨ́, melû mwom nzě laa. Nye nzě nʉǎ Pétrus, bé e Yʉánɛs ndu e Jacques, ntɔ̂ʼ bére lɨ́ ecwɨ̂ʼ, lɨ́ etó jɨʼla e Nzyɛ̌m.

Kálara Zyɛ̌m Edwán é mpʉ̌n

²⁸ Yesʉs ze nʉa Pyɛr bé e Yʉanes ndwe e Jacques, ntɔʼ bere é l'ecwɨʼ kʉ, lé eto jwɨʼla e Zyɛm, é jɔʼ yaa, nye osi lwib mokan monɨ e molu mwom.

Lʉkas 9:28 ပူးပေါင်းရင်းမြစ်များ

Lʉkas 6:12

Jɔʼ yaá, Yésʉs ntɔ̂ʼ bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Nye á si lɛŋ pum ntinɨ̂ gʉ̂, njɨ lɨ́ ejɨʼla.

Lʉkas 9:18

Ɨ́ lʉ́ʉ́ dʉ́o, Yésʉs á be ó lɨ́ ejɨʼla e Nzyɛ̌m nye omér lɨ́ empah. Ompʉ́n bé, nzě pyâl. Nye ntɔ̂ʼ dî e bé ó: «Bʉr, bé lɛ́ɛ́ ó, me nzé?»

Lʉkas 8:51

Jɔʼ bé á pyâl ɨ́ mbɛ̌r yɨ́, Yésʉs ntɔ̂ʼ kamle bʉ̂r lɨ́ enî mbɛ̌r. Nye á jaa níŋle ó, njɨ Pétrus, Yʉánɛs, Jacques, le sɔ́ŋ e nyɔ̌ŋ me mwân waá.

Markus 6:46

Jɔʼ nyé á sil ebwóolo entumo e bʉ̂r laá yɨ́, nye nzě bére lɨ́ ecwɨ̂ʼ kʉ́, tó jɨʼla e Nzyɛ̌m.

Markus 1:35

Ɨ́ mɛ́n tɨ̂ʼ kúnó, Yésʉs nzě pɔhwa, tô kʉ̌l, tô ɨ́ mâ lʉ̌n, súm nyé á be nye omér yɨ́. Tɨ̂ʼ ó nyé á jɨjɨʼla e Nzyɛ̌m yɨ́.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

2 Korɛnt 13:1

Yé mû ó jɔʼ lɛ̂l mé múo nze gʉ̂ʼ kwá nyɨ́n yɨ́. Yê cɛmá ɨ́ Mekaná mé Nzyɛ̌m ó: Lɔ̌b wɨ́wɛ̂h, wé ójaá tíʼɔɔ ó, njɨ ɨ́ jɔʼ óboʼlo obá, nkʉ̂ olɛ̂l, bé óbe sí lwib ɨ́ mbi ngwár yɨ́.

Lʉkas 3:21

Mpʉ éntumo e bʉ̂r, lé á be lɨ́ etó duŋɔɔ yɨ́, Yésʉs ntémé á si tô. Jɔʼ nyé á sil eduŋɔɔ yɨ́, le nyé á jɨʼla e Nzyɛ̌m, lě jʉ́o á bɔ́a.

Mataos 5:1

Mbeá Yésʉs á bee entumo e bʉ̂r yɨ́, nye ntɔ̂ʼ bére lɨ́ ecwɨ̂ʼ kʉ́, di sí. Ompʉ́n bé, bê nzě sîhlě gúmó nyé á be yɨ́.

Mataos 14:23

Jɔʼ nyé á sil ebwóolo bé yɨ́, nye nzě bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Mpʉ dʉ́o, lé á be, lé mû sí léŋa yɨ́, nye á ka be gʉ̂ʼ ó, njɨ nye omér.

Lʉkas 5:16

Tó kœb ó, Yésʉs nyɨɛ á si dulo nyʉ̂l nyé, nzě tô ɨ́ bilʉ̌n, lɨ́ etó jɨʼla.

Yʉanes 6:3

Yésʉs nzě tó bére lɨ́ ecwɨ̂ʼ, bé le ompʉ́n bé, bê nzě di sí.

2 Pyɛr 1:16

Ebě, ɨ́ jɔʼ bɨ́h á dwe bɨ̌n lɛ́ʼlá dí edumo e nzéá dí lwɨ́ŋlá e nkul mé Tî gá wɨ́ná Yésʉs-Krîst wɨ́ yɨ́, bɨ̌h bé á bé akala bɨ́n bikɨkɛna bʉ̂r bé á kûhlo e pɨʼ nyɔ́ɔ́ bí. Lɛ́ʼlá wɨ́h waá, wé á bɔma ó e mboʼlá wɨ́h, bɨ̌h bʉr o b'á bee mpwaʼ nyé bá.