Lʉkas 9:11 - Kálar Nzyɛ̌m : Ejwán é Sáá

¹¹ Sâ gwár, entumo e bʉ̂r, lé á be ɨ́ jʉ̂ʼra nó, lé ntɔ̂ʼ dû nyê. Nó nyé á nze soho bê, ntɔ̂ʼ túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl mímyɛ̂h.

Kálara Zyɛ̌m Edwán é mpʉ̌n

¹¹ Sa gwar, ntuntuma bʉr, yé a be ó si jʉʼra no, yé ntɔʼ du nye é koo pihe. No ó nye a ze soho be, ntɔʼ lɛɛ Mbɨambɨa Lɔɔ lé etiibe e jwɨ̀ʼa mo Zyɛm ɨ, le etiʼ mɨsyoblʉ mimyɛh.

Lʉkas 9:11 ပူးပေါင်းရင်းမြစ်များ

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

Rôm 15:3

Damá jóʼǒ Krîst mʉr tɨ̂, nye á bé asáǎ nyɔm wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Baányâ-melwɨ́ɨ dí elwɨlwɨ́ɨ gó bá, bé mû kǎ lwɨ́ɨ ó, me.»

Rôm 10:14

Sâ gwár, bé ókɛn mʉ̂r bé á be adyêʼ koo e né nyá e nyáa nzɨ́? Nó ó, bé ódyɛ̂ʼwo e waá bé á be ajóʼo díé lé nyá e nyáa nzɨ́? Bé ójóʼo díe laá, abe e mʉr túnó bé lǎ, e nyáa nzɨ́?

Mɨlʉmlʉ 28:31

Nye ntémé á be lɨ́ etúnǒ lɔ́ɔ Mpóʼo mé Nzyɛ̌m, le elɛ̂ʼlě sá dí edumo e Tî Yésʉs-Krîst yɨ́, ɨ́ hwɨ́m, abáawǒ sɔ̂ʼ, abe e mʉr kámlé nyê.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Lʉkas 9:2

Nye ntɔ̂ʼ lómo bé ó, bé tôʼ le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ mímbêl.

Lʉkas 8:10

Yésʉs ntɔ̂ʼ yala ó: «Bɨ̌n ó Nzyɛ̌m á gwîh bisâ bi dí misolá ɨ́ Mpóʼo nyé bí, ó bɨ̌n gʉ́ŋaa byé ɨ́ pébébé. Sâ gwár, ɨ́ páʼ bʉ̂r oswîh bɨ́ɛ, bé kʉ́ gwá jóʼo ó, njɨ ɨ́ nzɨ̌ bikɨkɛna, lɨ́ esú ó, mekǎn me ngwíha milɔ̌b mé Nzyɛ̌m, mé díraa. Nye á cɛma ó: “Bé lɨ́ edwɛ̂ʼ e mîh mimběʼ, abee. Bé lɨ́ ejôʼlo e megwǎl, ajóʼo, agʉ́a ntémé.”

Lʉkas 8:1

Píe tɨ̂, Yésʉs nzě tô bínkana e bínkana le mékwár e mékwár, gúmó nyé á to le etúno Mbɨambɨa Lɔ́ɔ dí edumo e Mpóʼo mé Nzyɛ̌m wɨ́ yɨ́.

Lʉkas 5:31

Yésʉs ntɔ̂ʼ yala e bé ó: «Minjɨ̂h, myé ajɨ ójomo o bʉ̂r. Mimbêl myé omér ó dí ejɨ bê.

Lʉkas 1:53

Nye á si kaale bʉr o ménza e bisá bí émbɨa, njɨ okúmá ó bʉ̂r ó nyé á bwóolo mebô e mebô.

Mataos 21:43

«Sá tɨ̂ʼ ó mé dí elɛ́ɛ bɨ́n ó, Nzyɛ̌m múo nzě dwih Mpóʼo nyé kwá nyɨ́n yɨ́. Nyé okǎ tyêl Mpóʼo nyaá kwá bʉr o ngá séa nyé syɛ́ɛ́ bá.

Mataos 21:31

Ɨ́ bwán óbá baá, waá wáa á sâ gwɨ́má mé sɔ́ŋ nyá?» Bê nzě yala e né ó: «Waá esôʼ.» Yésʉs nzě kǎ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, onwɨa ó mɔnɨ́ tœ́a le bisadága bi bʉ́bá, bé ó ngá nyɛɛ́ pyâl e bɨ̌n ɨ́ Mpóʼo mé Nzyɛ̌m.

Mataos 14:14

Jɔ̌ʼ Yésʉs á sulo ɨ́ byɛ̂l, bee éntumo e bʉ̂r laá yɨ́, lémé wé kʉ́ nzě jɨ̂ʼ bé nkoó. Nye nzě tiʼ mímbél mímyɛ̂h.

Rôm 10:17

Nó ó, gʉ́ŋáá gá ó, jɔʼ mʉ̂r dyɛ́ʼwá e Krîst yɨ́, yé duho ó, ɨ́ sá nyé á jóʼo yɨ́. Njóʼá wé waá, wé duho ó, lɨ́ ekǎn bé dí elɛ́ɛ nyé, dumo e Krîst lɨ́.

Mataos 12:15

Mpʉ̌ Yésʉs á gʉ́a jwɨʼ yaá yɨ́, nye ntɔ̂ʼ duho ɨ́ sûm yaá. Bʉr ɨ́ buo buo nzě dû nyê. Nye nzě tiʼ mímbêl mímyɛ̂h myé á be tɨ̂ʼ mí.

Lʉkas 9:10

Jɔʼ bʉ̂r o mílʉ́mlʉ́ mé Yésʉs, bé á búla yɨ́, bê nzě lɛ́ɛ nyé sá yɨ́yɛ̂h bé á sâ yɨ́. Nye nzě nʉa bê, tô e bé ɨ́ gúmó bé á to di bé omér yɨ́. Yé á be ó nko kwár bé jɨ́jébé ó, «Bétsɛ́da» yɨ́.

Lʉkas 9:12

Ɨ́ bíí kʉ̌ʼ, bʉr o mílʉ́mlʉ́ kám le obá nzě nze. Bé e Yésʉs ó: «Bwóóláá éntumo e bʉ̂r lɨ̂, lé swíʼɨɨ, tô ɨ́ mekwár ndu e bipɛr bi dí ɨ́ kúnwo e mɨná gá bí. Yʉ́ʉ́ jɔʼ, bé óbee bíjá ndu e mede. Bé abe e nkul ekǎ di wâ, ebě, mɨná gá bé wâʼ ó ɨ́ lʉá.»