Lʉkas 9:1 - Kálar Nzyɛ̌m : Ejwán é Sáá

¹ Nó ó Yésʉs á nze jébe ompʉ́n bé kám le obá, nzě dwe bé nkul le jwɨ́ɨ ó, bé sôʼ meleme ɨ bʉr, le etiʼ mímbêl.

Kálara Zyɛ̌m Edwán é mpʉ̌n

¹ No ó Yesʉs a ze jebe esama le ompʉn be ewʉm e l'oba, ze dwe be nkul ó, bé dwihɨ bʉr moleme, le ejomo bʉr mosyɛb.

Lʉkas 9:1 ပူးပေါင်းရင်းမြစ်များ

Yʉanes 14:12

Mě lɛ́ɛ́ bɨ́n lɨ́ otyeetye ó, mʉr dí edyêʼ koo e me nyá, ósâ ntémé bisyɛ́ɛla mé dí esâ bí. Nye ntémé ósâ byaá bi dí ɨ́ buú bwaʼ bí, ebe mé óbúla, tô gúmó Sɔ́ŋ wǎm dí yɨ́.

Lʉkas 10:19

Jóʼláá gâ: me á si dwe bɨ̌n nkul etíbe ónyʉ́a ndu e bibámlwál. Mɨ́ dwe bɨ́n nkul entaa ménkul mɨ́mɛ̂h me ntɨ̂m e mbɨn gá wɨ́ná. Sá ébébe, yé abe e nkul epyâl ɨ́ bɨ̌n.

Mɨlʉmlʉ 4:30

Syɛ́mɨ́ɨ́ mbó gô, go e lɛ́ʼlé nkûl nyǒ. Go e tíʼ mímbêl ɨ́ díé é syɛ̂l mesâ gǒ Yésʉs, mʉr dí ti nyá. Sɨ́sáʼ ntémé mesimá ti e bisá bí ékâm ɨ́ díé lé.»

Mataos 16:19

Me ódwe gó sab Mpóʼo mé Dâ Nzyɛ̌m. Nó sá gó ngá kamle ɨ́ sí yɨ̂ʼ yɨ́, yé díʼee sâ gwár yé á pa kamlɔɔ kʉ́ yɨ́. Yaá ntémé gó ngá kam ɨ́ sí yɨ̂ʼ yɨ́, yé díʼee ntémé yaá Nzyɛ̌m á boo kam yɨ́.»

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Mɨlʉmlʉ 9:34

Nó ó Pétrus á lɛ́ɛ e né ó: «Ayɨnéas, Yésʉs-Krîst, nyɨ́ tiʼ gô! Gbɔlwaa sí, go e kómló joó yô.» Tyé e tyé yaá, Ayɨnéas ntɔ̂ʼ gbɔlwa sí.

Mɨlʉmlʉ 3:16

Mʉr nyâ, waá bɨ́n dí ebee le eboó gʉ́a nyâ, nye bé ɨ́ dyɛ̂ʼwo e Yésʉs. Díé mé Yésʉs waá, bé e búʼó Yésʉs dí entɨh bʉ̂r yɨ́, byé ô sá ó, nye díʼee kwahaá mbɨ̂mbɨá mpʉ bɨ́n bɨ́bɛ̂h dí ebee nyé náǎ nɨ̌.

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.

Mataos 8:9

Mɛm, mé e bʉr o dí ejwɨ́ɨ mé bá. Mɛm ntémé, mé e bisója ɨ́ jwɨ́ɨ́ yâm. Mě jaá lɛ́ɛ e yɨ̂ʼ ó, njɨ: “Tóʼ!” yê tô. Me e yʉ́ʉ́ ó: “Ntáʼ!” yɨ́haá nze. Me kǎ lɛ́ɛ e syɛ̂l mesâ wǎm ó: “Sáʼ sɨ̂ʼ yɨ̂!” nye sâ.»

Lʉkas 10:1

Píe tɨ̂, Tî Yésʉs nzě twâr bʉ́ʉ́ bʉ̂r, tâŋ mekám nzaangbá le obá, ntɔ̂ʼ lómo bé dóló, bʉr obá óbá. Bé ntɔ̂ʼ tô bínkana e bínkana byɛ̂h, ɨ́ bisúm bíbyɛ̂h nyé á be ó, nye kúmaa bí.