Lʉkas 8:28 - Kálar Nzyɛ̌m : Ejwán é Sáá

²⁸ Nó mpʉ nyé á bee Yésʉs yɨ́, nye ntɔ̂ʼ bʉ̂ tím, tó bɨʼ mébóó sí ɨ́ mpǒm nyé. Nye e né ó: «Mɨná e go, bé e wáǎ lɔ̌b ɛ̌? Yésʉs, Mwân mé Nzyɛ̌m dí Lʉ́ bísá bíbyɛ̂h nyá, me lɨ́ ejɨʼla e go: ayɨ́ dwe mé ntɨ́ʼá.»

Kálara Zyɛ̌m Edwán é mpʉ̌n

²⁸ No ó mbea nye a bee Yesʉs ɨ, nye ntɔʼ bahle nkœme, to bɨʼ mpom we si é mih me, ntɔʼ behe Yesʉs. Nye ó: «Yesʉs, Mwan mo Zyɛm ndɨ Lʉ bɨsa bibyɛh nya ɔɔ! Go esaa yé e me ɛɛ? Me ejwɨʼla e go: adwe me ntɨʼa ɔɔ!»

Lʉkas 8:28 ပူးပေါင်းရင်းမြစ်များ

Mataos 8:29

Bé ntɔ̂ʼ táare ébʉ̂ bítím. Bé e Yésʉs ó: «Gǒ sáá yé e bɨ̌h, Mwân mé Nzyɛ̌m? Gǒ nzě dwe bɨ́h bintɨ́ʼá ó, jɔʼ apǎ pyâl ɨ́?»

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Mɨngwiha 20:10

Nó ó, sɔ́ŋ meleme, mʉr á kʉ dímle bɨ́bɛ̂h nyá, á si mɛ́rɔɔ, guhɔɔ ɨ́ bɨ́ siʼe. Tɨ̂ʼ ó pir dí edúo jɔʼ yɨ́yɛ̂h, adímedime yɨ́. Bé á guho nye ó, ɨ́ gúmó bé á nyɛɛ guho tír, bé e ngwíha milɔ̌b bibɛr yɨ́. Bé ójaʼra e siʼe yaá tɨ̂ʼ ó, móhó ndu e pum, kɔ́m ti e kɔ́m.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

Jacques 2:19

Nzê gǒ bûʼlá ó, Nzyɛ̌m, nye ó njɨ ngwár ɛ̌? Yé ó mbɨ̂mbɨá! Damá jóʼo méleme, mé lɨ́ ebánǎ bûʼla ntémé nó. Meleme maá, mé lɨ́ ebúʼla ndu e l'esâʼ ɨ́ ngba ngba ngba.

Lʉkas 8:27

Yésʉs dína sulo ɨ́ byɛ̂l, tyɛ̂b ɨ́ pɨ̌n nɛ́ɛ: nyʉ́ʉ́ mʉ́rʉ̂m nkana yaá ntɔ̂ʼ tó bɔma e né. Mʉr waá á be ó e meleme. Nye á didi ó, abe e kán e ndwê, adi ntémé ɨ́ mimbɛ̌r mi bʉ̂r. Nye á jaa didi ó, njɨ ɨ́ pemé mésoo.

Lʉkas 8:29

(Nye á lwib nó ó, ebě, Yésʉs á be ɨ́ lɛ́ɛ le mbɨ́ǎ sísǐm waa ó, wé dúhaa mʉr waá ɨ́ nyʉ̂l. Wé á be lɨ́ eboó mɛ̂r nyé bijɔʼ bijɔʼ. Bʉr o kwár nyaá, bé á bɨbe ó, lɨ́ ekɨkâʼ nyé mebô e mekʉ̌ e mikʉ̂kɔ̌b, le ebaʼle nyê. Damá jóʼo nó, nye á be lɨ́ ebánǎ búʼo míkʉ̂kɔ̌b myaá. Eleme laá nzě tʉ̂to le edâʼre nyé ɨ́ lʉá e lʉá wɛ̂h.)