Lʉkas 8:2 - Kálar Nzyɛ̌m : Ejwán é Sáá

² Ompʉ́n bé kám le obá ti e bʉ́ʉ́ bʉ́bá nyé á pa tiʼ lɨ́ eso méleme bá, le mimbêl nyé á tiʼ mí, bé e boo nɔ́ɔ́ ó b'á tʉ̂to. Bʉbá baá, bé á be ó Maria mʉmá Magdalâ, waá á dwihɔɔ meleme nzaangbá nyá,

Kálara Zyɛ̌m Edwán é mpʉ̌n

² Esama e bʉr ewʉm e l'oba, bé e bʉba nye a dwih moleme ba ó nye a be-be. Bʉʉ, bé a be-be ó mɨsyoblʉ, nye ntɔʼ tiʼ be. É sama bʉba baa, yé a be ó e Maaria, sile Magdala, waa a dwihɔ moleme tambɛl ɨ,

Lʉkas 8:2 ပူးပေါင်းရင်းမြစ်များ

Markus 16:9

[Ɨ́ mpʉ̌ Yésʉs á be, nye mû sí pah ɨ́ soo ɨ́ mɛ́n móhó sóno yɨ́, nye á nyɛɛ nyɨ̂n ó, kwá mé Maria, silě Magdalâ, mʉmá nyé á so meleme nzaangbá ɨ́ nyʉ̂l nyá.

Yʉanes 19:25

Bǎʼ e kolôs mé Yésʉs, nyɔ̌ŋ wé á be ó tɨ̂, bé e mɨ́ɔɔ́ ti e Maria, mʉmá mé Klopâs, bé e Maria, silě Magdalâ.

Mɨlʉmlʉ 1:14

Bɨ́bɛ̂h, bé á sisyɛŋa léme ngwár ó, bé tirwo ó e syɛ́ɛ́ mínjɨʼla. Tɨ̂ʼ ntémé, yé á be ó le obûʼla o bʉ́bá, le nyɔ̌ŋ mé Yésʉs, Maria, ti e bɨ́ɔɔ́ le okɛ́l mé Yésʉs.

Lʉkas 23:55

Ɨ́ jɔ̌ʼ Yóseb á to dɨl múú mé Yésʉs yɨ́, bʉ́ʉ́ bʉ́bá ntɔ̂ʼ bee, nzě dúŋɔɔ nyê, lɨ́ etó beɔɔ sóo, beɔɔ ntémé mpʉ̌ múu á dɨlɔɔ tɨ̂ʼ yɨ́. Bʉbá baá ó b'á be ɨ́ sɔ́má mé Yésʉs, táare ɨ́ sí Galilê.

Lʉkas 23:49

Bʉr bɨ́bɛ̂h bé á gʉ́a Yésʉs bá, bé á tyɛ̂b ó e bá e ncɛrá, lɨ́ ebeɔɔ bísá byaá bíbyɛ̂h. Bʉbá bé á be ɨ́ sɔ́má tyen yé, táare ɨ́ sí Galilê bá, bé ntémé á tyɛ̂b ó nó.

Lʉkas 23:27

Ánɨ̂nɨ̂n entumo e bʉ̂r, bé á be ó lɨ́ edû nyê. Yé á be ntémé ó e bʉbá, bɨ́ɛ lɨ́ ejɨ médwê ɨ́ lɔ̌b wé, mebô kʉ́ milʉ̂.

Lʉkas 8:30

Yésʉs ntɔ̂ʼ dî e né ó: «Díé lô, lê nzé?» Nye ntɔ̂ʼ yala e né ó: «Daa-e-Méleme.» (Nye á lwib nó ó, ebě, meleme ɨ́ buo buo, mé á si boo nî nye ɨ́ nyʉ̂l.)

Markus 16:1

Jɔ̌ʼ móhó sábat, wé á sil elaa yɨ́, Maria, silě Magdalâ, le Maria nyɔ̌ŋ mé Jacques ti e Salóme, bé ntɔ̂ʼ tó bwâm lɔbína ó, bé ótó lœ̌m múú mé Yésʉs.

Mataos 4:24

Nó ó kûm nyé á nze myaŋla ɨ́ sí Sirî yɨ́yɛ̂h yɨ́. Bê nzě nze le mimbêl kwá nyé: baá bé á be lɨ́ ejaʼra le meswie le mekpaa mimbi mimbi bá, bʉr o méleme, mé á nzɨnzamra bá, baá bé á sîsile bʉ̂ʼ bá, le mimbʉ́mbʉ́ʼ. Nye nzě tiʼ bê.