Lʉkas 8:18 - Kálar Nzyɛ̌m : Ejwán é Sáá

¹⁸ «Gwá jôʼlo gá mekǎn mâm: mʉr dí e bisâ nyá, óbáʼǎ dweŋɔɔ byúú. Tó kœb ó, waá dí tʉ̂toʼó nyá, ópɛʼɔɔ mâ bím nyé dí e né nyá.»

Kálara Zyɛ̌m Edwán é mpʉ̌n

¹⁸ Ebe no, gʉa dwɛʼ ga mbi bɨn ndɨ ejoʼlo e. Mʉr ndɨ e tɨʼ ɨ, nye óbâʼle bul dweŋɔ. To kœb ó, waa ndɨ tɨtoʼo e, nye ópɛʼɔ ma bim nye ndɨ egʉa ó, nye e tɨʼ ɨ.»

Lʉkas 8:18 ပူးပေါင်းရင်းမြစ်များ

Mataos 13:12

Ebě, mʉr dí e sâ gwár nyá, óbáʼǎ dweŋɔɔ byúú. Nyé odi e byé ɨ́ buo buo. Nó waá dí tʉ̂toʼó, abe e sɔ̂ʼ nyá, ódɛ́ʼɔɔ̌ damá jóʼo mâ sâ gwár nyé dí e yé yɨ́.

Lʉkas 19:26

Nye ó: “Mě lɛ́ɛ́ bɨ́n ó: mʉr nyɨnyɛ̂h dí e sɔ̂ʼ nyá, ódweŋɔɔ yʉ́ʉ́. Waá nyɨnyɛ̂h dí tʉ̂toʼó nyá, bé ópɛʼ nyé damá jóʼo ó, mâ bím nyé dí e tɨ̂ʼ nyá.

Mataos 25:29

Ebě, mʉr nyɨnyɛ̂h dí e sɔ̂ʼ nyá, ódweŋɔɔ yʉ́ʉ́, nye nkʉ̂ di le okúm le ogbaa le ombeʼ o nyʉ̂l. Waá nyɨnyɛ̂h dí tʉ̂toʼó nyá, bé ópɛʼ nyé damá jóʼo mâ bím nyé dí e tɨ̂ʼ nyá.

Yʉanes 15:2

Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Ebrœ̂ 2:1

Sɨ́ǎ yaá ó dí ó, milɛ́ʼlá bé á nyɛɛ dwe mɨná gá mí, mɨná díʼee gá ɨ́ puuu lɨ́ egwá jôʼlo myé, lɨ́ esú ó, mɨná sá akǎ tyenɔɔ gá díbé tíe, jɨ́bla.

1 Korɛnt 14:37

Mʉ̂r sí bee ó, nye ó ngwíha milɔ̌b mé Nzyɛ̌m nó, nkʉ̂ ntɔ̂ʼ ó, nyé óbe, nye mû lɨ́ ebee ó, nyě e ndwéá dí eduho e Sísǐm mé Nzyɛ̌m wɨ́ nó, nye e gʉ́á ntémé ɨ́ pébébé ó, sá mê cɛmá bɨ́n wâʼ kʉ́ yɨ́, yé ó etié Tî gá wɨ́ná Yésʉs mʉr tɨ̂ʼ á tyêl mɨná gá lɨ́.

1 Korɛnt 8:2

Mʉr dí ejwɨʼ ó, nyɨ́ gʉ́ǎ sɔ̂ʼ nyá, nyé apǎ gʉ́ǎ bím dí ejala yɨ́.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

Rôm 12:3

Nzyɛ̌m á si lɛ̂ʼle me mpam nyé. Ɨ́ mpam nyaá ó mé dí elɛ́ɛ e mʉr nyɨnyɛ̂h dí ɨ́ sɔ́má yɨ́n nyá ó: mʉ̌r sá abuú láa nyé mʉr tɨ̂. Nye sêʼlaa nye mʉr tɨ̂ʼ, antaa sʉ́ŋa. Mʉr nyɨnyɛ̂h, nye pâhlaa nye mʉr tɨ̂, nye nkʉ̂ gʉ́ǎ mbi mʉ̂r nyé dí wɨ́, lɨ́ edû mbǐ búʼó Nzyɛ̌m á gbâ nye ɨ́ léme wɨ́.

Mɨlʉmlʉ 17:11

Bʉr ó Bére bé á kœb gʉ̂ʼ bá, bé á be ó, ɨ́ mbɨa míléme, laa óYúden bé á bě Tesaloníka bá, ebě, bé á si nʉa lɛ́ʼlá dí edumo e Nzyɛ̌m wɨ́ e mpǎŋ gwɨ́má. Dʉ́ó lɨ́lɛ̂h, bé á be ó lɨ́ etimle Mékaná mé Nzyɛ̌m, lɨ́ edǐ bee nkʉ̂ sá Pɔ̂l á lɨlɛ́ɛ bé yɨ́, yé á kʉ be ó tyeetye.

Mɨlʉmlʉ 10:33

Nó ó mé á kpahwa lómo bʉr ɨ́ sɔ́ɔlʉ gô yɨ́. Go bé ɨ́ kʉ́ gwá sâ, lɨ́ esí bánǎ nze. Bɨ̌h bɨ́bɛ̂h mû ó sí swâl wâʼ báánâʼ ɨ́ míh mé Nzyɛ̌m lɨ́ enzě jóʼǒ sá yɨ́yɛ̂h Dâ Nzyɛ̌m lɛ́ɛ́, go ntáa nzě kala bɨ́h yɨ́.»

Lʉkas 9:44

«Bɨ̌n bɨɛ, bɨ̌n e kʉ́ gwá mɛ̂r gá ekǎn mé mû lɨ́ elɛ́ɛ bɨ́n ɨ́ báánâʼ lɨ̂: yɨ́ lîʼ njɨ mâ jɔʼ tîtííǎ, ó Mwân mé Mʉr bɛ́mɔɔ kwá bʉr o ngá jʉ̂ nyé bá.»

Filipi 3:4

Me óbɛ̌m bûʼla mɛ̂m mʉr tɨ̂. Yé bé yé e nyʉ́ʉ́ mʉ̂r dí e nkul egúmlo nyé mʉr tɨ̂ʼ ɨ́ lɔ̌b bípúnó byé nó, lɛ́ɛ́, me ó dí elaa nyê.

Markus 13:14

Nó ó Yésʉs á nze lɛ́ɛ e bé ó: «Bɨ̌n bé óbee mʉ̂r bé jɨ́jébé ó, “Mentuhlobʉr” nyá. Nye ódilɔɔ̌ gúmó nyé dí ajala le edi yɨ́. (Mʉr dí eláǎ lɔ̌b wɨ̂ʼ nyá, nye gwâ kʉ́ jóʼo wê.) Nó ɨ́ jɔʼ yaá, bʉr o ngá bě sí Yʉ́da bá, bé kpɛ́yɨɨ, tô nko mécwɨ̂ʼ!