Lʉkas 8:15 - Kálar Nzyɛ̌m : Ejwán é Sáá

¹⁵ Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Kálara Zyɛ̌m Edwán é mpʉ̌n

¹⁵ No ó mʉʉ mompœʼ mɛɛ, mé a kur ó, é si mocyɛʼ, sa nɨ lé edweʼle bʉr o b'a be e mɨmpaŋ mɨleme. É jɔʼ bé a joʼo lɔɔ Zyɛm ɨ, bé a si baʼle we é mɨleme myɔɔ le egumo mpumo é bɨtiʼ byɔɔ, ndwe le esa bihbe.»

Lʉkas 8:15 ပူးပေါင်းရင်းမြစ်များ

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

Lʉkas 6:45

Lémé mʉ̂r, wé ó ekʉ̌m, gúmó mʉ̂r tɨ̂ʼ dí ekomo bísá byé yɨ́. Mbɨambɨa mʉr pípyél tɨ̂ʼ ó bisá bí émbɨa. Bɨ́bla mʉ̂r jaá pyél tɨ̂ʼ ó, njɨ byaá bí ébébe. Mbǐ lwǐb mʉ̂r dí elwib mílɔ̌b wɨ́, wé ó dí elɛ̂ʼlě sá dí nye ɨ́ buo buo ɨ́ lémé wé yɨ́.»

1 Yʉanes 2:3

Mɨ́ná báʼlé gá metié mé Nzyɛ̌m nó, syɛ́ɛla yaá, yé óbe ó dweʼle dí eboʼlo ó, mɨná bɨ́ gʉ́a gá nye yɨ́.

Kolosi 1:10

Nó ó, bɨ̌n bé óbɛ̌m tyě mpʉ Tî Yésʉs dí ekpɛl yɨ́, le esâ ɨ́ jɔʼ yɨ́yɛ̂h sá nyé dí ekpɛl yɨ́. Bɨ̌n bé ótô dóló le egúmo mímpaŋ mi mpúmó ɨ́ bisyɛ́ɛla bimpâ bín bíbyɛ̂h. Tóʼ gá dóló le egwɨ́e ɨ́ pɨʼ le ngwɨ́á mé Nzyɛ̌m.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Yʉanes 14:15

«Bɨ́n ókpɛl mé nɛ́ɛ: bɨ̌n ntémé, bé óbaʼle métié mâm.

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Rôm 7:4

Bɨ́ɔɔ́ bâm! Okɛ́l bâm! Bɨ̌n ntémé, bé ó nó. Bɨ̌n bé á si dwe, ntɔ̂ʼ duho ɨ́ mpila métié. Yé á syɛ́ɛ nó ó, ɨ́ jɔʼ bɨ́n á pûhla e Krîst, le ɨ́ jɔʼ nyé á dwe ɨ́ páʼ bípúno yɨ́. Bɨ̌n bé á dwe ó, bɨ̌n nkʉ̂ gúmo e Krîst, mʉ̌r Nzyɛ̌m á pɛh, dwih lɨ́ odwe ó, mɨná nkʉ̂ gúmo gá mpumó lɨ́ esú mé Nzyɛ̌m nyá.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Mataos 24:13

Sâ gwár, mʉr ngá dûhwo, tó pyâl ɨ́ mesíé nyá, ótiʼe.

Ebrœ̂ 2:1

Sɨ́ǎ yaá ó dí ó, milɛ́ʼlá bé á nyɛɛ dwe mɨná gá mí, mɨná díʼee gá ɨ́ puuu lɨ́ egwá jôʼlo myé, lɨ́ esú ó, mɨná sá akǎ tyenɔɔ gá díbé tíe, jɨ́bla.

Éfɛsɔs 2:8

Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

1 Korɛnt 7:19

Etíʼɔɔ mpʉ́n nkʉ̂ di, l'atíʼɔɔ mpʉ́n, yé alɛ́ɛ̌ sɔ̂ʼ. Sá dí e nyɔm yɨ́, yé ó, go bâʼlaa metié mé Nzyɛ̌m.

Rôm 7:18

Me lɨ́ egʉ́ǎ mbɨ̂mbɨá ó, sá mpâ, yé abe ɨ́ me. (Sá mê gwa lɛ́ɛ́ yɨ́, yé ó: «ɨ́ njwɨr myá wâm tʉ́ŋlʉ̌».) Ebě, sá mé dí ekam yɨ́, yé ó, me gwɨ́mɨɨ bisyɛ́ɛla bimpâ. Tó kœb ó, nkul dí ó, me sâʼ bisyɛ́ɛla byaá nyɨ́, nyé akúnwo e me.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Jacques 1:4

Kamaa gá bé edûhwǒ sá yɨ́yɛ̂h, ebě, bíhwó nyaá, nye óbe bɨ́n e nyɔm. Bɨ̌n bé otɔ́ma ɨ́ mipáʼ mímyɛ̂h. Bɨ̌n bé óbe ó e sá yɨ́yɛ̂h, abe e sá yé ósâ bɨ́n sɔ́ɔlʉ.

Lʉkas 8:14

Bâʼ bʉ̂r, bé ó mpʉ̌ mpeʼ dí ɨ́ mindwínɨ́nɨ́ yɨ́. Bé lɨ́ ejóʼo ntémé lɔ́ɔ waá. Píe tɨ̂, bé mû jaá yêʼwo ó, njɨ sí yɨ̂, le okúm, le ogbaa ndu e bigwɨ́má bí twiʼ yɨ̂. Bisâ byaá mû bé ɨ́ milémé myɔ́ɔ́ ó ɨ́ lárádá. Bé abe e nkul ekǎ sâ bísyɛ́ɛla bimpâ.

Lʉkas 8:16

«Mʉr túmó éláma nyá, nye ábúbló lé ɨ́ dɛa. Mʉr, nyé abe lɨ́ ebaʼlě twimá éláma sí joó. Nyě tyél lé ó ɨ́ tyélátyéla éláma kʉ́ lɨ́ esú ó, bʉr o ngá nî tɨ̂ʼ bá, bé díʼee ɨ́ myɛ́n.

Rôm 8:25

Sá mɨ́ná dína apǎ bee gá yɨ́, mílémé gá míná, myé ólóno ɨ́ mpûʼla ó, mɨná bé óbee gá yé nó, go ó, mɨná bé ɨ́ jala le edûhwo gá mpʉ̂n nyaá e bíhwó.