Lʉkas 7:42 - Kálar Nzyɛ̌m : Ejwán é Sáá

⁴² Mpʉ bɨ́bɛ̂h obá, bé á be abe e nkul ebwóolo mémpʉ́lá maá yɨ́, mʉr waá ntɔ̂ʼ bîr bé e mǎ. Ɨ́ bʉr obá baá, waá wáa ngá buú kpɛl mʉ̂r waá nyá?»

Kálara Zyɛ̌m Edwán é mpʉ̌n

⁴² Mpʉ bɨbɛh oba, bé a baabe e nkul ebuulo mompɔla maa ɛ, mʉr waa ntɔʼ fuo bir be e ma. É bʉr oba baa, waa wáa ókpɛl mʉr waa, laa nuu ɛ?»

Lʉkas 7:42 ပူးပေါင်းရင်းမြစ်များ

Kolosi 3:13

Júhwáá gá ebébe páʼ nyɨ́n, alwib. Mʉ̂r bé e nyʉ́ʉ́ mbûʼla, bé e lɔ̌b nó, bʉr baá, bé ɨ́ jala le epɛʼla bíbaa bí ébébe bé á niʼla páʼ nyɔ́ɔ́ bí. Pɨpɛʼ gá bibaa bí ébébe páʼ nyɨ́n mpʉ Tî gá wɨ́ná á pɛʼ byaá nyé á niʼe mɨná gá bí.

Éfɛsɔs 4:32

Lɨlɛ́ʼláá gá mpam páʼ nyɨ́n, bɨ̌n óbɛ̂h. Jɨ́ʼɨ́ɨ́ gá bʉr bɨ́bɛ̂h ekpaa nkóó. Pɛʼɛɛ gá bibaa bí ébébe bɨ́n á pa niʼla bʉ́ʉ́ bʉ̂r bí, mpʉ̌ Nzyɛ̌m á pɛʼ byaá nyé á niʼe bɨ̌n ɨ́ nzɨ̌ mé Krîst bí yɨ́.

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Rôm 5:6

Sá mé dí elɛ́ɛ yɨ̂ʼ, yé ó: mélú mé épíhe, mɨná bé á be gá ó, onzwoó. Jɔʼ yaá ó Krîst á nze ka búra e mɨná gâ, minjéʼe-Nzyɛ̌m yɨ́. Nye á dwe ó, ɨ́ mpǎŋ jɔ̌ʼ Nzyɛ̌m á boo pɛ̂h yɨ́.

Rôm 3:24

Nzyɛ̌m dwé bé nkam ɨ́ míh mé ó, ɨ́ mpam nyé, mʉr ajánǎ sɔ̂ʼ. Nyě dwé bé nkam nyaá ó, ebě, Yésʉs-Krîst á si táa góo, le edwih bé ɨ́ mpila ébébe, pɛʼ bé ɨ́ fá.

Mataos 18:34

Lémé wé, wé ntɔ̂ʼ lóno ɨ́ nkpaa, nye nzě gbâ nyé ɨ́ nkul bʉr o cére ó mbɛ̌r mímbʉʼ, tó bónǒ jɔʼ nyé ngá sîl éjána mpʉ́lá nyé nyɨnyɛ̂h yɨ́.»

Mataos 6:12

Pɛʼɛɛ bíbaa bí ébébe gó dí eniʼe lɨ́ misyóm míh bí, ɨ́ mpʉ bɨ́h ntémé mû sí pɛʼ bíbaa bí ébébe bɨ́h á niʼe bʉr o b'á sâ bɨ̌h ebébe bá yɨ́.

Mataos 18:27

Mpʉ nyé á jɨ̂ʼ nye nkoó yɨ́, nye ntɔ̂ʼ pɛʼ nyé mpʉ́lá nyaá nyɨnyɛ̂h. Nye nzě bîr ó, nye tôʼ.

Lʉkas 7:43

Simon ntɔ̂ʼ yala e né ó: «Mě jwɨʼ ó, yé ó waá á bírɔɔ e mpʉ́lá ɨ́ buo buo nyá.» Yésʉs, nye e né ó: «Gǒ e nkam.»