Lʉkas 7:22 - Kálar Nzyɛ̌m : Ejwán é Sáá

²² Nye nzě yala e bé ó: «Tó lɛ́ɛ gá Yʉánɛs sá bɨ̂n beě le ejóʼo yɨ̂: ó baántím, bé mû ó lɨ́ ebáʼǎ bee. Bʉr o b'á nyɛɛ tɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo. Odwe, bé lɨ́ epah ɨ́ mesoo. Mbɨambɨa Lɔ́ɔ mû ó lɨ́ elɛ́ɔɔ míndyêbndyéb, bé e bʉr o dí ɨ́ kpaa nkóó bá.

Kálara Zyɛ̌m Edwán é mpʉ̌n

²² Nye ze bɨha e be ó: «Bula to lɛɛ ga Yʉanes sa bɨn a bee le ejoʼo e. Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé etiʼɔ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.

Lʉkas 7:22 ပူးပေါင်းရင်းမြစ်များ

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Mataos 21:14

Baántím le bʉr o b'á tɨtɨ́a bá, bê nzě sîhlě súm nyé á be ɨ́ mpáh Nzyɛ̌m yɨ́, nye ntɔ̂ʼ tiʼ bê.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Lʉkas 7:21

Lɨ́ ewala egwár le egwár laá, bé á kœb ó, Yésʉs lɨ́ etiʼ mímbêl ɨ́ buo buo, baá bé á be e mekpaa, le baá bé á be e bidyɛ̂m, le baá mímbɨ́a mísísǐm, byé á nzɨnzamra bá. Nye á si tiʼ ntémé baántím ɨ́ buo buo, le esâ ó, bé báʼa bee.

Mɨlʉmlʉ 8:7

Ebě, mimbɨ́a mísísǐm, myé á si bu duho ɨ́ menyʉ́l mé bʉ̂r o b'á bibíle bá, bɨ́haá lɨ́ ebʉ̂ bítím kʉ́kʉ́. Mimbʉ́mbʉ́ʼ mí bʉ̂r ɨ́ buo buo ti e bʉr o b'á tɨtɨ́a bá, bé ntémé, bé á si tiʼe.

Yʉanes 1:46

Natanaɛ̂l, nye e Philippe ó: «Nzê mpǎŋ sá dí ɨ́ mbɨa yɨ́, yé e nkul eduhǒ Nazarɛ̂t ɛ̌?» Philippe, nye e né ó: «Ntaá nzě bee!»

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Lʉkas 7:23

Metyɛʼ me mpóm, mé díʼee e mʉr bísyɛ́ɛla byâm ngá be, abe ébɔ̌ʼ lé óbɨma nyé ɨ́ léme lɨ́ nyá.»