Lʉkas 7:14 - Kálar Nzyɛ̌m : Ejwán é Sáá

¹⁴ Nye ntɔ̂ʼ sîhle, mɛ̂r mpɔra múu, yé dína apǎ diblɔɔ. Onkɛ́a ntɔ̂ʼ tyɛ̂b. Nye e múu ó: «Mâ sohó, mě lɛ́ɛ́ gó ó: gbɔlwáa.»

Kálara Zyɛ̌m Edwán é mpʉ̌n

¹⁴ Nye ntɔʼ dihle, ze kuna e zimɨ é mbo. Tina, yé ó, yé a baapa diblɔ. Onkɛa ntɔʼ cyɛb. Nye e muu ó: «Ma soho, me lɛɛ e go ó: mʉŋa.»

Lʉkas 7:14 ပူးပေါင်းရင်းမြစ်များ

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Yʉanes 11:25

Yésʉs, nye e né ó: «Me ó waá dí epɛh bʉ̂r, dwe bé twiʼ nyá. Mʉr dí edyɛ̂ʼwo e me nyá, óbáʼǎ tiʼe, damá be ó, nyɨ́ dwe.

Rôm 4:17

«Me ótyêl gó ntémé sɔ́ŋ bikûl ɨ́ buo buo.» Nye ó sɔ́ŋ gá wɨ́ná, ebě, nye á bě sí dyêʼ koo e Nzyɛ̌m, waá dí epɛh ódwe nyá. Nzyɛ̌m waá ntémé ó dí esâ ó, sá yé á be abe yɨ́, yé díʼee.

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

Éfɛsɔs 5:12

Yé ɨ́ buú sâ mɨ́ná gá sôn lɨ́ etwóolo bísyɛ́ɛla bé dí esâ ɨ́ mesǒ bí, damá be ó, mɨná jaá túbo gá ó, njɨ míe!

Markus 5:41

Nye ntɔ̂ʼ mɛ̂r mwân waá ɨ́ mbô. Nye e né ó: «Talita, kum!» (Nó ó yé lɛ́ɛ́ ó: «Mâ mʉmá, mě lɛ́ɛ́ gó ó: mɔáa.»)

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

Lʉkas 7:15

Ndwe ntɔ̂ʼ gbɔlwa sí, dǐ ndîndǐl, nzě táare élwib. Yésʉs nzě tímle nyé nyɔ̌ŋ.

Lʉkas 7:17

Lɔ́ɔ́ syɛ́ɛla mé Yésʉs yaá, wê nzě myaŋla ɨ́ sí Yʉ́da yɨ́yɛ̂h, le ɨ́ mesí mé á bɔma Yʉ́da má.