Lʉkas 6:49 - Kálar Nzyɛ̌m : Ejwán é Sáá

⁴⁹ Mʉr dí ejóʼo mékǎn mâm, adû mé nyá, nyě nwɨɨlá ó e mʉr waá á sumo mbɛ̌r njɨ ɨ́ bibwǎh kʉ́ nyá. Nye á bé apû óbɨ́ʼ, nkʉ̂ tyêl bípǎb lɨ́ ekóʼ. Jɔʼ mpɨ́ɨ á mâʼla ɨ́ bíhaá bípǎb yɨ́, mbɛ̌r wé nɨ̌ ntɔ̂ʼ bîʼ wɨ́wɛ̂h.»

Kálara Zyɛ̌m Edwán é mpʉ̌n

⁴⁹ To kœb ó, mʉr lé ejoʼo mokan mam, adu mpʉ mé lé elɛɛ ɛ, nye enwɨɨla ó e mʉr a fumo mbɛr, cyel we njɨ é bɨbwah kʉ ɨ. Nye a baapu bɨ, nkʉ cyel pab é bah ekoʼ. Nia mpɨɨ a ni ɨ, mbila oboʼo, bé a bila é biha bɨpab ɨ, mbɛr we nɨ, wé ntɔʼ ze swɨɨ si wiwɛh.»

Lʉkas 6:49 ပူးပေါင်းရင်းမြစ်များ

Mataos 23:3

Sáʼ gá mpʉ bé dí elɛ́ɛ bɨ́n yɨ́. Baʼlaa gá milɛ́ʼlá myaá. Sâ gwár, adû gá bisyɛ́ɛla byɔ́ɔ́, ebě, bé lɨ́ elɛ́ɛ ó, lɛ́yɨ́ɨ, asâ.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Yʉanes 15:2

Lɔ́ɔ́ tɨ̂ʼ wɨ́wɛ̂h dí agúmo mpúmó wɨ́, nye lɨ́ esyɛ̂h wê. Nó ó, milɔ́ɔ́ mímyɛ̂h mi dí e mpumó mí, nyě komló myé ó, myé gúmaa mpumó ɨ́ buo buo.

Lʉkas 12:47

«Syɛ̂l mesâ mû sí boó gʉ́a bígwɨ́má bí sɔ́ŋ wé, nyɨɛ yɨ́ɛ akomlo nyé mʉr tɨ̂, nkʉ̂ lóŋlo bígwɨ́má byaá nyá, óŋmɛ́hɔɔ míngáhá ɨ́ buo buo.

Lʉkas 6:46

«Bɨ̌n bé lɨ́ ejébe mé “Dâ, Dâ”, bɨ̌n yɨ́ɛ akpɛl esâ mpʉ mé dí elɛ́ɛ bɨ́n ɨ́ yé?

Markus 4:17

Sâ gwár, Mbɨambɨa Lɔ́ɔ waá l'anî bé ɨ́ miléme tʉ́ŋlʉ̌. Bé jaá baʼle wé ó, njɨ ɨ́ mâ péh jɔʼ. Jɔ̌ʼ túú le tíblá mû sí pyâl ɨ́ lɔ̌b lɔ́ɔ waá yɨ́, wé ntɔ̂ʼ bɨma bé ebɔ̌ʼ ɨ́ léme, bé ntɔ̂ʼ gwâʼ.

2 Pyɛr 2:20

Mʉ̂r gʉ́á Tî gá wɨ́ná le Tiʼbʉr gá wɨ́ná Yésʉs-Krîst, le epʉʼa ɨ́ bibol bísyɛ́ɛla bí sí yɨ̂ʼ nó, nyé sí báʼǎ kǎ bîr ó, ebébe laá, lé nʉ́aa nkul ɨ́ twiʼ yé nó, twiʼ yé, yé ókǎ bébe, ntaa sʉ́ŋa, laǎ mpʉ yé á nyɛɛ bébe ɨ́ metááré yɨ́.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

Mɨlʉmlʉ 26:11

Jɔʼ yɨ́yɛ̂h, me á si tíble bé ɨ́ mempáh mínjɨʼla mɨ́mɛ̂h. Me á tíne bé ó, bé sâʼ búʼó yɔ́ɔ́ nkěh. Ebúʼ mé á kpaa ɨ́ lɔ̌b wɔ́ɔ́ lɨ́, lé á sâ ó, me tíblaa bê, tó pyâl ɨ́ binkana mésí méswîh.»

Mɨlʉmlʉ 20:29

Me lɨ́ egʉ́a ó, jɔʼ mé ngá laa, tô e tyen yâm dóló yɨ́, bʉr o dí enwɨɨla le onkœœ, dí ɨ́ buú nyan bá, bé ópyâl gúmó bɨ́n dí yɨ́. Bé ákamle e sɔ́má óbûʼla.

Lʉkas 19:27

Nó ontɨ̂m le obɨn bâm bé á bene ó, me díʼee njwɨ́ɨ wɔ́ɔ́ bá, ntáʼ gá me e bǎ kâ. Bɨ̌n e jʉ́ bé wâʼ ɨ́ míh mâm.”»

Lʉkas 19:14

«Náǎ yé ó, bʉr ó sí yé lɨ́ enwim nyê. Nó ó bé á lómo bʉr ó, bé tôʼ dû nyê, lɨ́ etô le elwáŋlě lɔ́ɔ gʉ̂ʼ ó: “Bɨ̌h bé akpɛl ó, mʉr nyâʼ díʼee njwɨ́ɨ wɨ́h!”

Mataos 24:10

Nó ó bʉ̂r ɨ́ buo buo, bé óbɨm ébɔ̌ʼ, sâ ébébe yɨ́. Bʉr, bé óbɛ́ma bʉ̂r ó sɔ́má yɔ́ɔ́ e bʉr oswîh. Bé ónwimla páʼ nyɔ́ɔ́.

Lʉkas 6:48

Nyě nwɨɨlá ó e mʉr á sumo mbɛ̌r wé nyá. Nye á bɨ̂r bipǎb bi tɨ̂ʼ ó, nyé osí pǎ pû sí, dímle óbɨ́ʼ, kumo lɨ́ ekóʼ énɨ́nɨ́ɨ́. Nye ntɔ̂ʼ tyêl bípǎb lɨ́ ekóʼ laá. Jɔʼ mpɨ́ɨ á ka mamle yɨ́, mpɨɨ nyaá nzě mâʼla ɨ́ mbɛ̌r wé waá. Sâ gwár, wé á bé abîʼ ɨ́ mpɨɨ ɨ́ lɔ̌b mbɨambɨa nzumó nyé á sumo wé nyɨ́.

Lʉkas 7:1

Jɔ̌ʼ Yésʉs á sil elɛ́ɛ bʉr mekǎn maá mɨ́mɛ̂h yɨ́, nye nzě mɔa, ntɔ̂ʼ tô Kapernáʉm.