Lʉkas 6:47 - Kálar Nzyɛ̌m : Ejwán é Sáá

⁴⁷ Me ólɛ̂ʼle bɨ́n dweʼle mʉ̂r dí enze kwá nyǎm, jóʼo mékǎn mâm, ntɔ̂ʼ dû mé nyá.

Kálara Zyɛ̌m Edwán é mpʉ̌n

⁴⁷ Mbi mʉr lé eze boo me, joʼo mokan mam, ntɔʼ du me e, wé wáa?

Lʉkas 6:47 ပူးပေါင်းရင်းမြစ်များ

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Yʉanes 14:15

«Bɨ́n ókpɛl mé nɛ́ɛ: bɨ̌n ntémé, bé óbaʼle métié mâm.

Jacques 4:17

Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

1 Pyɛr 2:4

Síhláá gá bé bǎʼ e Tî Yésʉs. Nye ó ekóʼ e dí kublakúbla, laá bʉ̂r, bé á bene lɨ́. Nzyɛ̌m nyɨɛ á si pɛ̂h lé, bee lé le odimé.

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Mɨngwiha 22:14

«Metyɛʼ me mpóm, mé díʼee e bʉr o dí ejwɨɨ míkán myɔ́ɔ́, myé mû ɨ́ púúm bá. Bɨ́haá ó dí e nkul enî ɨ́ nkana yaá. Bé ónî ó, cɨɔɔ ɨ́ mebé mé. Bé ntémé, bé ó jálá le ede mpúmó dí egúmo ɨ́ lɨ́ twiʼ nyɨ́.

Lʉkas 14:26

«Mʉr ónze kwá nyǎm le edi mpʉ́n wǎm ó, nyé osí pǎ kpɛl mê, laǎ mpʉ nyé dí ekpɛl sɔ́ŋ wé le nyɔ̌ŋ wé, mʉmá wé, le bwán bé, bɨ́ɔɔ́ bé le okɛ́l bé, le twiʼ yé nye mʉr tɨ̂ʼ yɨ́.

1 Yʉanes 3:7

Bwán bâm, ayɨ́ bîr gá ó, mʉr dímlaa bɨ̌n. Mʉr dí esâ bísyɛ́ɛla bí ótîtyěl nyá ó dí tîtyěl mpʉ̌ Yésʉs dí tîtyěl yɨ́.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

Yʉanes 10:27

Binteme byâm, byé lɨ́ ejóʼo twíí nyǎm. Me lɨ́ egʉ́a byê. Bíɛ ntémé, byé lɨ́ edû mê.

2 Pyɛr 1:10

Sɨ́ǎ yaá ó mé dí elɛ́ɛ bɨ́n, bɨ́ɔɔ́ bâm ó, gbáʼ gá nkul lɨ́ eséa ɨ́ piiia, lɨ́ esú ó, bɨ̌n gʉ́ŋaa tyeetye ó, Nzyɛ̌m á si jébe bɨ̌n, le etwâr bɨ́n yɨ́. Bɨ́n sá nó wá, bɨ̌n bé ákóʼó duma lɨ́ ebébe.

Yʉanes 6:37

Mʉr nyɨnyɛ̂h Nzyɛ̌m Sɔ́ŋ dí elómlo mé nyá, ónze kwá nyǎm. Mɛm ntémé áso waá nyɨnyɛ̂h dí enze kwá nyǎm nyá.

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Yʉanes 5:40

Sâ gwár, bɨ̌n bé akpɛl énze kwá nyǎm, lɨ́ enzě bǐ twiʼ.

Lʉkas 8:13

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

Lʉkas 8:8

Damá jóʼo nó, gúú pâʼ mémpeʼ wɨ́ɛ, wé á si kur ɨ́ sí métyɛʼ. Mempeʼ maá nzě gwɨ́e le ekoʼo. Bumó gwár gúmo mpúmó nter.» Jɔ̌ʼ Yésʉs á sil elɛ́ɛ bé nó yɨ́, nye e bé ó: «Mʉr dí e megwǎl mé éjóʼo nyá, nye jóʼaa náǎ.»

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Yʉanes 8:52

OYúden, bé e né ó: «Ɨ́ báánâ, bɨ̌h bɨ́ gʉ́a ó, go bánǎ kʉ́ be le eleme! Abraham á si dwe. Ogwíha o mílɔ̌b mé Nzyɛ̌m sí dwe ntémé. Tó kœb ó, guǎ lɛ́ɛ́ ó, “mʉr óbaʼlě lwǐb yâm nyá, nye ákǎ dwe”?

Lʉkas 6:48

Nyě nwɨɨlá ó e mʉr á sumo mbɛ̌r wé nyá. Nye á bɨ̂r bipǎb bi tɨ̂ʼ ó, nyé osí pǎ pû sí, dímle óbɨ́ʼ, kumo lɨ́ ekóʼ énɨ́nɨ́ɨ́. Nye ntɔ̂ʼ tyêl bípǎb lɨ́ ekóʼ laá. Jɔʼ mpɨ́ɨ á ka mamle yɨ́, mpɨɨ nyaá nzě mâʼla ɨ́ mbɛ̌r wé waá. Sâ gwár, wé á bé abîʼ ɨ́ mpɨɨ ɨ́ lɔ̌b mbɨambɨa nzumó nyé á sumo wé nyɨ́.