Lʉkas 6:45 - Kálar Nzyɛ̌m : Ejwán é Sáá

⁴⁵ Lémé mʉ̂r, wé ó ekʉ̌m, gúmó mʉ̂r tɨ̂ʼ dí ekomo bísá byé yɨ́. Mbɨambɨa mʉr pípyél tɨ̂ʼ ó bisá bí émbɨa. Bɨ́bla mʉ̂r jaá pyél tɨ̂ʼ ó, njɨ byaá bí ébébe. Mbǐ lwǐb mʉ̂r dí elwib mílɔ̌b wɨ́, wé ó dí elɛ̂ʼlě sá dí nye ɨ́ buo buo ɨ́ lémé wé yɨ́.»

Kálara Zyɛ̌m Edwán é mpʉ̌n

⁴⁵ Leme mʉr, wé ó mpʉ ekʉm. Mʉr ndɨ é mbɨa ɛ, nye enʉa bɨsa bɨ embɨa bye ó, tɨ, é l'ekʉm le tʉŋlʉ, ntɔʼ pyɛl-pyɛl bye kʉl. Mʉr ndɨ é bebe e, nye enʉa bɨsa bɨ ebebe bye ó, é leme we, ndɨ mpʉ bebebebe ekʉm le e, pyɛl bye kʉl. Sa mʉr ndɨ e ye lwɨŋla é leme we e, yé ó nʉm we lé epyɛl kʉl ɨ.»

Lʉkas 6:45 ပူးပေါင်းရင်းမြစ်များ

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

Yʉanes 7:38

Mʉr nyɨnyɛ̂h dí edyɛ̂ʼwo e mé nyá, “Misʉm médíbé mé twiʼ, myé ósɨ̂sah, duho nyé ɨ́ léme,” mpʉ Mékaná mé Nzyɛ̌m dí elɛ́ɛ yɨ́.»

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Kolosi 4:6

Mekǎn mɨ́n, mé ɨ́ jala le ebe ɨ́ jɔʼ yɨ́yɛ̂h ó, ɨ́ mbɨa mbɨa, lwɨ́ŋlá e nyɔm. Gwá yɨyala gá e mʉr nyɨnyɛ̂h mbɨ̂mbɨá.

Ebrœ̂ 8:10

Ebě, Dâ Nzyɛ̌m lɛ́ɛ́ ó: «Píe melû maá, saá mé ngá tyêl páʼ nyɨ́h e kúl bʉ̂r o b'Ɨ́zraɛ̂l nyɨ́, nye óbe ó, mbi wɨ̂: Me ólíʼe métié mâm ɨ́ lʉ́ wɔ́ɔ́. Me ócɛma bé mǎ ɨ́ miléme. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

Éfɛsɔs 5:19

Jyɛyɨɨ gá meswɨ̂ʼlʉ lɨ́ esú é Nzyɛ̌m, le mejéme, ndu e mejémé Sísǐm wé dí elɛ̂ʼle bɨ́n ó, bɨ̌n dyɛ́yɨɨ má. Jyɛyɨɨ gá mé lɨ́ esêʼle Tî Yésʉs, e milémé mín mímyɛ̂h.

Mɨlʉmlʉ 5:3

Pétrus nzě lɛ́ɛ e né ó: «Ananías, ebe yé Sátan bana nze ní gó ɨ́ léme, bánǎ sâ ó, go kʉ́ŋaa Sísǐm mé Nzyɛ̌m mbǐ nɨ̌ yɨ́ ɛ́? Ebě, gʉ́ bɛ̂ʼ gúú páʼ mɔnɨ́ yô gó á nʉa lɨ́ ebóm é pemé yô yɨ́, komo yé lɨ́ empah.

Yʉ̂d 1:15

lɨ́ enzě tíʼe bʉ̂r bɨ́bɛ̂h milɔ̌b. Nye ólɛ̂ʼle mínjéʼe-Nzyɛ̌m mímyɛ̂h misyóm myɔ́ɔ́. Misyóm myaá, myé nyɨ́nyɨ́n ó, ɨ́ mpʉ bé dí esâ bísyɛ́ɛlǎ Nzyɛ̌m nyɨɛ dí ebene bí yɨ́. Nye ólɛ̂ʼle bé ntémé mpʉ mínjéʼe-Nzyɛ̌m dí esâ Nzyɛ̌m nkěh ɨ́ mbi mékǎn bé dí ecɨ nyé má.»

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.