Lʉkas 6:35 - Kálar Nzyɛ̌m : Ejwán é Sáá

³⁵ Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Kálara Zyɛ̌m Edwán é mpʉ̌n

³⁵ Sa gwar, é nko paʼ win, kpɛlɨ ga bʉr o dɔm bɨn. Saʼ ga be bɨsyɛɛla bɨ ncwɨncwɨa. Kʉlɨ ga bʉr mɔn. Daʼ pɛh baa bɨn lé ebuʼla ó, bé óbuulo bɨn ya ɛ. Bɨn bé ókʉ bi myɛna tɨ! No ó bɨn bé óbe bwan mo Zyɛm ndɨ Lʉ bɨsa bibyɛh ɛ, ebe, nye mʉr tɨ, nye elɛʼle bʉr o ndɨ elono nye e, ncwɨncwɨa, bé e bʉr o jeele e laŋ.

Lʉkas 6:35 ပူးပေါင်းရင်းမြစ်များ

Yʉanes 13:35

Bɨ́n sí kpɛla páʼ nyɨ́n nɛ́ɛ: bʉr bɨ́bɛ̂h, bé ogʉ́a tɨ̂ʼ ó, bɨ̌n bé ó ompʉ́n bâm.»

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

Mɨlʉmlʉ 14:17

Damá jóʼo nó, nye á bé alíʼe bé ɨ́ menzɨ̌ maá tʉ̂toʼó. Nye á si boʼlo ɨ́ lɔ̌b wé, nye mʉr tɨ̂. Nye á si bu cwɨ́a e bʉr bɨ́bɛ̂h. Ɨ́ yɨ̂ʼ jɔʼ, nyě sɨ́sá ó, sul bɨ́n ompíé, duho ɨ́ jʉ́o kʉ́. Ɨ́ yʉ́ʉ́, nyě ntɨntɨ̌h bɨ́n ó mede, ɨ́ swɨɨ ékpɛm. Nyě sá ntémé ó, dwidwe bɨ́n mede, ó bɨ̌n dêʼ, díle. Nye lɨ́ elóŋlo bísʉhʉʉ ɨ́ milémé mín.»

Lʉkas 1:32

Nye óbe ó mʉ̌r nɨ́nɨ́ɨ́. Bʉr, bé ójébe nyé ó: “Mwân mé Nzyɛ̌m dí Lʉ́ bísá bíbyɛ̂h nyá.” Dâ Nzyɛ̌m ódil nyé ɨ́ diá jwɨ́ɨ mé sɔ́ŋ mpám wé David.

Markus 5:7

ntɔ̂ʼ bʉ̂ bítím kʉ́ kʉ́. Nye e né ó: «Gǒ sáá yé e me, Yésʉs, Mwân mé Nzyɛ̌m dí Lʉ́ bísá bíbyɛ̂h nyá? Me lɨ́ ejɨʼla e go ɨ́ díé mé Nzyɛ̌m: ayɨ́ dwe mé ntɨ́ʼá!»

Mataos 5:9

Metyɛʼ me mpóm, mé díʼee e bʉr o dí egbâ mépyɛbla páʼ bʉ̂r e bʉr bá, ebě, bé ójwɨr bé ó “bwán mé Nzyɛ̌m”.

Lʉkas 6:36

Jɨ́ʼɨ́ɨ́ gá bʉr nkoó mpʉ Sɔ́ŋ wɨ́n dí ejɨ̂ʼ bɨ́n yɨ́!»

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.