Lʉkas 6:22 - Kálar Nzyɛ̌m : Ejwán é Sáá

²² «Bɨ̌n bé e metyɛʼ me mpóm ɨ́ jɔʼ bʉ̂r nwím bɨ́n yɨ́, le ɨ́ jɔʼ bé pɨ́m bɨ́n, pya bɨ́n, le eláa bɨ́n ɨ́ sɔ́má ósyɛ̂l bé ébébe ebe bɨ́n dí ebúʼla Mwân mé Mʉr yɨ́.

Kálara Zyɛ̌m Edwán é mpʉ̌n

²² Yesʉs ze ko tɨʼ ó «Bɨn bé e mocyɛʼ mo mpom é jɔʼ bʉr lé enwim bɨn ɨ, le é jɔʼ bé lé epem bɨn, lwɨɨ bɨn, le enʉa bɨn mpʉ osyɛl be ebebe é lɔb taa buʼo bɨn lé ejyɛʼ boo Mwan mo Mʉr ɨ.

Lʉkas 6:22 ပူးပေါင်းရင်းမြစ်များ

Mataos 10:22

Bʉr bɨ́bɛ̂h, bé óbene bɨ́n ɨ́ lɔ̌b wâm. Nó waá ngá dûhwo, tó pyâl lɨ́ esíé nyá, nyɨ́haá ó ngá tiʼe.

1 Pyɛr 3:14

Bɨ́n ósia yɨ́ɛ e mitúú ebe bɨ́n dí edû bísyɛ́ɛla bí ótîtyěl nó, go ó, Nzyɛ̌m ósʉ bɨ́n metyɛʼ me mpóm tɨ̂. Ajóʼo gá bʉ́á páʼ bʉ̂r. Milémé mín sá akoro bɨ́n tɨ̂.

Yʉanes 16:2

Bé óso bɨ́n ɨ́ mempáh mínjɨʼla mɔ́ɔ́. Yé ópyâl ntémé jɔʼ bʉ̂r, bé ójʉ̂ bɨ́n, lɨ́ ejwɨʼ ó, bé séá ó Nzyɛ̌m syɛ́ɛ́ yɨ́.

Yʉanes 7:7

Bʉr ó sí yɨ̂, bé abe e nkul enwim bɨ́n. Bé nwím ó mɛm, ebe mé dí egwîh ó, bisyɛ́ɛla bé dí esâ bí, byé ɨ́ bébe.

Yʉanes 12:42

Damá jóʼo nó, myúú mílʉ́ mí óYúden ɨ́ buo buo, myé á be ó lɨ́ edyɛ̂ʼwo e Yésʉs. Sâ gwár, bé á bé alɛ́ɛ bʉ̂r nó. Bé á be lɨ́ ekpɛ́ɛ óFarizyɛ̂n, ebě, bé ámû soŋɔɔ ɨ́ mpáh minjɨʼla nyɔ́ɔ́.

Mɨlʉmlʉ 24:5

Bɨ̌h bé á si bee mʉr nyâʼ lɨ́ edulo óleŋéleŋé lɨ́ oYúden bɨ́bɛ̂h dí ɨ́ sí yɨ̂ʼ bá. Nye ntémé, nye ó dí lʉ́ nkɔ́m bʉr ó Nazarɛ̂t.

Mɨlʉmlʉ 9:16

Mɛm mʉr tɨ̂, me ólɛ̂ʼle nyé bím mítúú nyé jálá le esia e myé ɨ́ buo buo ɨ́ lɔ̌b wâm mí.»

Yʉanes 17:14

Me á si kala ompʉ́n bâm lwǐb yô. Bʉr ó sí nzě nwim bê, ebě, bɨ́ɛ, bé akǎ gúmo e sí yɨ̂ʼ mpʉ mɛ̂m mʉr tɨ̂ʼ dí, agúmo e yé yɨ́.

Lʉkas 21:17

Bʉr bɨ́bɛ̂h, bé óbene bɨ́n ɨ́ lɔ̌b wâm.

Mataos 10:39

Waá ngá kamle e twiʼ yé nyá, ódímle yê. Waá ngá dwě twiʼ yé ɨ́ lɔ̌b wâm nyá, óbáʼǎ bi yê.»

Mɨlʉmlʉ 22:22

Bʉr, bé á be lɨ́ ejôʼlǒ Pɔ̂l, tó pyâl ɨ́ jɔʼ nyé á lɛ́ɛ milɔ̌b myaá mímyɛ̂h yɨ́. Nó bé á taare ebɨ̂n mecwíí kʉ́. Bé ó: «Pɛʼɛɛ gá mbi mʉ̂r nɨ̌ ɨ́ sí yɨ̂. Nye ɨ́ jala le edwe. Nyé ajala le ekǎ tiʼe.»

Yʉanes 9:34

Bé e né ó: «Gbaa gó á byɛ̂l, go ó njɨ témé misyóm. Gǒ lɛ́ɛ́ ó, gǒ lɛ́ʼlé ó, bɨ̌h ɨ́?» Ntɔ̂ʼ soŋɔɔ nyé ɨ́ mpáh minjɨʼla nyɔ́ɔ́.

Lʉkas 20:15

Byê nzě pɛʼ nyé ɨ́ pemé tʉ́ŋlʉ̌, tó jʉ́ŋɔɔ nyé mpómo pemé. «Nó kúm pemé ókǎ sâ bé nyá?

Mataos 10:18

Bɨ̌n bé ósáŋɔɔ nó ó ɨ́ lɔ̌b wâm. Bé ótô e bɨ̌n kwá mingóvina le etyêl bɨ́n ɨ́ míh mé ójwɨ́ɨ. Bɨ̌n bé ósáŋɔɔ nó ó, bɨ̌n nkʉ̂ gwâ lɛ́ɛ ótyeetye bɨ́n dí egʉ́a wɨ́ ɨ́ míh mɔ́ɔ́ le míh mé bʉ̂r o dí abe óYúden bá.

Lʉkas 6:21

Metyɛʼ me mpóm, mé díʼee e bɨ̌n, bʉr o dí ejóʼo ménza ɨ́ báánâʼ bá, ebě, bɨ̌n bé óde, díle. Metyɛʼ me mpóm, mé díʼee e bɨ̌n, bʉr o dí ejɨ ɨ́ báánâʼ bá, ebě, medwé mɨ́n, mé ókǎ sûʼla ó bisʉhʉʉ.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.