Lʉkas 6:21 - Kálar Nzyɛ̌m : Ejwán é Sáá

²¹ Metyɛʼ me mpóm, mé díʼee e bɨ̌n, bʉr o dí ejóʼo ménza ɨ́ báánâʼ bá, ebě, bɨ̌n bé óde, díle. Metyɛʼ me mpóm, mé díʼee e bɨ̌n, bʉr o dí ejɨ ɨ́ báánâʼ bá, ebě, medwé mɨ́n, mé ókǎ sûʼla ó bisʉhʉʉ.

Kálara Zyɛ̌m Edwán é mpʉ̌n

²¹ Mocyɛʼ mo mpom, mé e bɨn, bʉr o ndɨ ejoʼo moza é bananaʼ ɛ, ebe, bɨn bé óde é de de, díle. Mocyɛʼ mo mpom, mé e bɨn, bʉr o ndɨ ejɨ é bananaʼ ɛ, ebe, modwe mɨn, mé óka fuʼla ó, bɨsʉhʉ.»

Lʉkas 6:21 ပူးပေါင်းရင်းမြစ်များ

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Mataos 5:6

Metyɛʼ me mpóm, mé díʼee e bʉr o dí ejóʼǒ dwéh le ebuú gwɨ̂m ésâ bísyɛ́ɛla bi dí tîtyěl bí bá, ebě, Nzyɛ̌m ólóŋlo bé yǎ.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Lʉkas 1:53

Nye á si kaale bʉr o ménza e bisá bí émbɨa, njɨ okúmá ó bʉ̂r ó nyé á bwóolo mebô e mebô.

Mataos 5:4

Metyɛʼ me mpóm, mé díʼee e bʉr o dí ejɨ médwê bá, ebě, Nzyɛ̌m ódila médwé mɔ́ɔ́ ó e bisʉhʉʉ.

Mɨngwiha 7:16

Bé ákǎ jóʼo nzâ. Bé ákǎ jóʼo ntémé dwéh médíbé. Dwéhé, yé ákǎ ŋmɛ́ha bé ɨ́ menyʉ̂l. Yé ákǎ kǎh gúmó bé ódi yɨ́.

Lʉkas 6:25

Nkoó, nye ó e bɨ̌n, bʉr o mû sí díle bá, ebě, bɨ̌n bé ódi ɨ́ nza. Nkoó, nye ó e bɨ̌n, bʉr o dí ejo ɨ́ báánâʼ bá, ebě, bɨ̌n bé ójɨ médwê mpʉ míkúho. Bɨ̌n bé ótíme.

1 Korɛnt 4:11

Kumǒ kumáa ɨ́ jɔʼ yɨ̂, bɨ̌h bé lɨ́ edwe nzâ, ti e dwéh médíbé. Yé lɨ́ esáa bɨ́h mimbôr. Bé lɨ́ ebî bɨ́h. Bé lɨ́ edwih bɨ́h ɨ́ yɨ̂ʼ gúmo, tyen ɨ́ yʉ́ʉ́.

Yʉanes 4:10

Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Mɨngwiha 21:3

Me nzě jóʼo twíí á duho ɨ́ mecwɨ́ɨ́ mé jwɨ́ɨ nyɨ́. Nye á lwib kʉ́kʉ́ ó: «Bɛɛngɛ́ɛ! Nzyɛ̌m, nyɨ́ komlo ódiá wé páʼ bʉ̂r e bʉr. Nye ódi ó ɨ́ bê. Bé óbe ó bʉr o Mpóʼo nyé. Nzyɛ̌m mʉr tɨ̂ʼ ódi páʼ nyɔ́ɔ́.

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.

2 Korɛnt 11:27

Me á si sia e túú bísyɛ́ɛ́, le mekɔbla. Me á si di doho nzɔʼ nzɔʼ. Me á si di ɨ́ nza ndu e dwéh médíbé. Me á si ti mede nzɔʼ nzɔʼ lɨ́ ejɨʼla e Nzyɛ̌m. Me á si jóʼo ejwóo, le edǐ suswáh.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

Yʉanes 11:35

Yésʉs ntɔ̂ʼ jɨ édwê.

Lʉkas 6:20

Nó nyé á nze dwɛ̂ʼ nko ómpʉ́n bé, bé á be yɨ́, nzě lɛ́ɛ e bé ó: «Metyɛʼ me mpóm, mé díʼee e bɨ̌n, baántéʼenteʼe o bʉ̂r. Mpóʼo mé Nzyɛ̌m á tyélɔɔ ó, lɨ́ esú é bʉ̂r o dí mpʉ bɨ́n bá.

Lʉkas 6:22

«Bɨ̌n bé e metyɛʼ me mpóm ɨ́ jɔʼ bʉ̂r nwím bɨ́n yɨ́, le ɨ́ jɔʼ bé pɨ́m bɨ́n, pya bɨ́n, le eláa bɨ́n ɨ́ sɔ́má ósyɛ̂l bé ébébe ebe bɨ́n dí ebúʼla Mwân mé Mʉr yɨ́.