Lʉkas 6:20 - Kálar Nzyɛ̌m : Ejwán é Sáá

²⁰ Nó nyé á nze dwɛ̂ʼ nko ómpʉ́n bé, bé á be yɨ́, nzě lɛ́ɛ e bé ó: «Metyɛʼ me mpóm, mé díʼee e bɨ̌n, baántéʼenteʼe o bʉ̂r. Mpóʼo mé Nzyɛ̌m á tyélɔɔ ó, lɨ́ esú é bʉ̂r o dí mpʉ bɨ́n bá.

Kálara Zyɛ̌m Edwán é mpʉ̌n

²⁰ No ó nye a ze dwɛʼ nko ompʉn be, bé a be e, ze lɛɛ e be ó: «Mocyɛʼ mo mpom, mé e bɨn, baanteʼenteʼe. Jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bɨn ɨ.

Lʉkas 6:20 ပူးပေါင်းရင်းမြစ်များ

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Mɨngwiha 2:9

me lɨ́ egʉ́a mítúú mín, le edyêb lɨ́n. Lɨ́ otyeetye, bɨ̌n bé ó, misʉ́sʉ́ mí bʉ̂r. Me lɨ́ egʉ́a ntémé melwɨ́ɨ bʉ̂r dí elwɨ́ɨ bɨ́n má. Baányâ-melwɨ́ɨ baá, bé lɛ́ɛ́ ó, bé ó bʉr ó kúl óYúden. Sâ gwár, bé abe óYúden ompâ. Bé ó bʉr o mpáh minjɨʼla mé Sátan.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

2 Tesalonika 1:5

Yé ó jwɨʼ dí elɛ̂ʼle mɨ́ná gá ó, Nzyɛ̌m, nyě e nkam ɨ́ mbi nyé dí etíʼe bʉ̂r milɔ̌b myɔ́ɔ́ wɨ́ yɨ́. Ɨ́ mpʉ bɨ́n dí esâ bíhwó nó yɨ́, yé lɨ́ esâ ó, bɨ̌n jálaa e bidiá ɨ́ Mpóʼo mé Nzyɛ̌m. Sá tɨ̂ʼ ó bɨ́n dí esia e mitúú e mindɛ̌l myaá yɨ́.

1 Tesalonika 1:6

Bɨ̌n ntɔ̂ʼ dû kʉ̌ tyen wɨ́h e boo Tî Yésʉs. Bɨ̌h bé á si bee bɨ̌n lɨ́ ebúʼlǎ Mbɨambɨa Lɔ́ɔ, damá jóʼo ɨ́ mitúú bɨ́n á sia e myé mí. Ɨ́ mitúú tʉ́ŋlʉ̌, bɨ̌n bé á si lóno ɨ́ bisʉhʉʉ̌ Sísǐm mé Nzyɛ̌m wé á ntɨh bɨ̌n bí.

2 Korɛnt 8:2

Bé á si kʉ bóblɔɔ e nzɨ̌ mitúú bé á sia e myé mí. Damá be ɨ́ nyɨna le entéʼe lɔ́ɔ́, bisʉhʉʉ byɔ́ɔ́, byé á si kʉ nyɨ̂n ɨ́ ponó e nzɨ̌ mingúlá myɔ́ɔ́.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Lʉkas 14:15

Mpʉ nyʉ́ʉ́ mʉ̂r á jóʼo Yésʉs lɨ́ elwib nó yɨ́, nye e né ó: «Metyɛʼ me mpóm, mé díʼee e mʉr óde méde ɨ́ Mpóʼo mé Nzyɛ̌m nyá.»

Lʉkas 13:28

Gúmo yaá ó bɨ́n ngá jóno le epûʼlo médye yɨ́, ɨ́ jɔʼ bɨ́n óbeě Abraham, Isaac, Yákɔb, le ogwíha o mílɔ̌b mé Nzyɛ̌m mû e bidiá ɨ́ Mpóʼo mé Nzyɛ̌m, bɨ̌n bɨɛ guhɔɔ̌ kʉ̌l yɨ́.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Lʉkas 16:25

Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Mataos 5:1

Mbeá Yésʉs á bee entumo e bʉ̂r yɨ́, nye ntɔ̂ʼ bére lɨ́ ecwɨ̂ʼ kʉ́, di sí. Ompʉ́n bé, bê nzě sîhlě gúmó nyé á be yɨ́.