Lʉkas 6:13 - Kálar Nzyɛ̌m : Ejwán é Sáá

¹³ Nó ɨ́ jɔ̌ʼ mɛ́n wé á lɔ́ma yɨ́, nye ntɔ̂ʼ jébe ómpʉ́n bé, ntɔ̂ʼ twâr bʉ́ʉ́. Bím nyé á twâr yɨ́, bʉr kám le obá. Nye ntɔ̂ʼ jɨ̂jebe bé ó, bʉr o mílʉ́mlʉ́ bé.

Kálara Zyɛ̌m Edwán é mpʉ̌n

¹³ No ó, é jɔʼ mɛn, wé a lama ɛ, nye ze jebe ompʉn be, ntɔʼ pɛh bʉʉ o tɨ. Bim nye a pɛh ɛ, bʉr ewʉm e l'oba. Nye ntɔʼ cyel be é dia mɨlʉmlʉ mye.

Lʉkas 6:13 ပူးပေါင်းရင်းမြစ်များ

Mɨngwiha 21:14

Bé á si gbâ mekóʼ kám e mebá tʉ́ŋlʉ̌ kôʼ waá. Bé á be ó sí cɛma míé mé bʉ̂r o mílʉ́mlʉ́ kám le obá Mâ Nteme á títye e bé bá, ɨ́ mekóʼ maá.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

Markus 6:30

Bʉr ó Yésʉs á lómo bá, ɨ́ jɔʼ bé á búla yɨ́, bé ntɔ̂ʼ lɛ́ɛ nyé sá yɨ́yɛ̂h bé á sâ le elɛ̂ʼle yɨ́.

Markus 6:7

Nó nyé á nze jébe ompʉ́n bé kám le obá, nzě lómo bé, obá óbá, nyé osí dwe bé nkul ó, bé sôʼ mimbɨ́a mísísǐm ɨ bʉr.

Mataos 9:36

Ebee nyé á bee mentumo me bʉ̂r yɨ́, nye nzě buú jɨ̂ʼ bé nkoó, ebě, nkul á si gwíi bê, menyʉ̂l sí tyɛʼ. Bé á be ó mpʉ bínteme bi dí abe le mbɔʼlʉ bí.

Mɨngwiha 18:20

Bʉr o kʉ́, doʼaa gá lɨ́ etɨʼla lé. Bʉr o dí egúmo e né bá, bʉr o mílʉ́mlʉ́ bé, ndu e l'ogwíha o mílɔ̌b bé, sohaa gâ, bɨ̌n óbɛ̂h, ebě, Nzyɛ̌m, nyɨ́ tíʼě lɔ̌b, dwe bɨ́n nkam, dwe bé mebě.

Mɨngwiha 12:1

Píe tɨ̂, sá ékâm, yé á si pyâl ɨ́ jʉ́o kʉ́. Me á si bee mʉmá. Nye á bwâr ó dʉ́o mpʉ̌ kán wé. Álomó á be ó sí mebo mé. Lɨ́ ebɔmǎ lʉ́ wé ɨ́ nká, nye á be ó, le ocwícwén kám le obá, bɨ́ɛ lɨ́ edi tâŋ káráá dúu.

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Éfɛsɔs 2:20

Bɨ̌n bé ó mpʉ̌ poro bé á lúmo ɨ́ mbɛ̌r yɨ́. Nkan mbɛ̌r nyɨɛ, nye ó bʉr o mílʉ́mlʉ́ mé Yésʉs, bé le ogwíha o mílɔ̌b mé Nzyɛ̌m. Yésʉs-Krîst mʉr tɨ̂ʼ ó dí medwii me sɔ́ŋ.

Mɨlʉmlʉ 1:13

Jɔʼ bé á pyâl gʉ̂ʼ yɨ́, bê nzě bére ɨ́ ntɔ́ɔ tólóm mbɛ̌r bé á boo didi tɨ̂ʼ nyɨ́. Bé á be ó: Pétrus, Yʉánɛs, Jacques ti e André, Philippe ti e Thomas, Barthélemy ti e Matthieu, Jacques, mwân mé Alfê, Simon “Kɔmlʉ kwár” ti e Yʉ̂d, mwân mé Jacques.

Lʉkas 22:30

lɨ́ esú ó, bɨ̌n dêʼ mede le menyoʼ ɨ́ téble wǎm, ɨ́ Mpóʼo mé ngá jwɨ́ɨ nyɨ́. Bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n tɨ̂, lɨ́ etíʼe ménzweh mé Ɨ́zraɛ̂l kám e mebá milɔ̌b.»

Lʉkas 11:49

Sɨ́ǎ yaá ó, Nzyɛ̌m dí elɛ́ɛ lɨ́ ocwóó wé ó: “Me ólómlo bé ogwíha o mílɔ̌b ndu e bʉr o mílʉ́mlʉ́ bâm. Bé ójʉ̂ bâʼ ó jʉ́ʼóo, tíble bʉ́ʉ́ tíbláa” yɨ́.

Mataos 19:28

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b.

Mataos 10:2

Bʉr o mílʉ́mlʉ́ mé Yésʉs kám le obá baá, bé ó bâ: waá esôʼ Simon á jɨjébɔɔ ó, “Pétrus” nyá, le André, mɨ́ɔɔ́ wé; Jacques le mɨ́ɔɔ́ wé, Yʉánɛs, bɨ́bɛ̂h bwán mé Zebedê;

Lʉkas 6:14

Nye á twâr ó, Simon, mʉr nyé á jwɨr “Pétrus” nyá, bé e mɨ́ɔɔ́ wé, André, ndu e Jacques, Yʉánɛs, Philippe, Barthélemy,

Yʉanes 4:33

Ompʉ́n, bé á be ó, bé mû lɨ́ etô le edíila ó: «Nzê nyʉ́ʉ́ mʉ̂r bê sí nze nyé e mede ɛ̌?»