Lʉkas 6:12 - Kálar Nzyɛ̌m : Ejwán é Sáá

¹² Jɔʼ yaá, Yésʉs ntɔ̂ʼ bére lɨ́ ecwɨ̂ʼ kʉ́, lɨ́ etó jɨʼla e Nzyɛ̌m. Nye á si lɛŋ pum ntinɨ̂ gʉ̂, njɨ lɨ́ ejɨʼla.

Kálara Zyɛ̌m Edwán é mpʉ̌n

¹² É jɔʼ yaa, Yesʉs ntɔʼ bere é l'ecwɨʼ kʉ, lé eto jwɨʼla e Zyɛm. Pum waa wiwɛh ntinɨ, wé a sie ó, njɨ nye lé ejwɨʼla e Zyɛm.

Lʉkas 6:12 ပူးပေါင်းရင်းမြစ်များ

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Markus 6:46

Jɔʼ nyé á sil ebwóolo entumo e bʉ̂r laá yɨ́, nye nzě bére lɨ́ ecwɨ̂ʼ kʉ́, tó jɨʼla e Nzyɛ̌m.

Markus 1:35

Ɨ́ mɛ́n tɨ̂ʼ kúnó, Yésʉs nzě pɔhwa, tô kʉ̌l, tô ɨ́ mâ lʉ̌n, súm nyé á be nye omér yɨ́. Tɨ̂ʼ ó nyé á jɨjɨʼla e Nzyɛ̌m yɨ́.

Kolosi 4:2

Jɨjɨʼlaa gá e Nzyɛ̌m ɨ́ jɔʼ yɨ́yɛ̂h. Tirwaa gá syɛ́ɛ́ mínjɨʼla. Dwéʼ gá nye nzyǒo ɨ́ bisá nyé dí esâ bɨ́n bí.

Mataos 6:6

Sâ gwár, gua, ɨ́ jɔʼ gó dí ekpɛl éjɨʼla e Nzyɛ̌m yɨ́, níʼéé ɨ́ ntɔ́ɔ nyǒ, dible ébê, jɨʼla e Sɔ́ŋ gǒ dí náǎ lɨ́ esǒ nyá. Nó ó, Sɔ́ŋ gǒ dí ebeě sá gó dí esâ náǎ mesǒ yɨ́ nyá, ódwe gó mpǎŋ myɛ́na.

Mataos 5:1

Mbeá Yésʉs á bee entumo e bʉ̂r yɨ́, nye ntɔ̂ʼ bére lɨ́ ecwɨ̂ʼ kʉ́, di sí. Ompʉ́n bé, bê nzě sîhlě gúmó nyé á be yɨ́.

Markus 3:13

Yésʉs nzě bére lɨ́ ecwɨ̂ʼ kʉ́, ntɔ̂ʼ jébe bʉ̂r o nyé mʉr tɨ̂ʼ á twâr bá, bé ntɔ̂ʼ tô nko nyé á be yɨ́.

Lʉkas 5:16

Tó kœb ó, Yésʉs nyɨɛ á si dulo nyʉ̂l nyé, nzě tô ɨ́ bilʉ̌n, lɨ́ etó jɨʼla.

Lʉkas 6:11

Bʉ́ʉ́ bʉ̂r o b'á bee nó bá, bê kʉ́ nzě jóʼo mébúʼ. Bé ntɔ̂ʼ lwibla lɨ́ esáǎ mbi ébébe bé dí e nkul esâ Yésʉs wɨ́.

Lʉkas 6:17

Jɔ̌ʼ Yésʉs, bé le ompʉ́n bé, bé á sulo lɨ́ ecwɨ̂ʼ, pyálɔɔ̌ gúmó dí ɨ́ bɛɛ́ɛ yɨ́, bê nzě bɔma le ompʉ́n ɨ́ buo buo. Yé á be ntémé ó le entumo e bʉ̂r. Bâʼ á duho ó ɨ́ Yerʉ́zalɛm ndu e mekwár mé sí Yʉ́da. Bʉ́ʉ́ duho bínkana bibá byé á be lɨ́ ebʉ́m é mâŋ bí, Tîr e Sidɔ̂n.

Lʉkas 9:18

Ɨ́ lʉ́ʉ́ dʉ́o, Yésʉs á be ó lɨ́ ejɨʼla e Nzyɛ̌m nye omér lɨ́ empah. Ompʉ́n bé, nzě pyâl. Nye ntɔ̂ʼ dî e bé ó: «Bʉr, bé lɛ́ɛ́ ó, me nzé?»

Lʉkas 9:28

Píě Yésʉs á bě sí lwib nó yɨ́, melû mwom nzě laa. Nye nzě nʉǎ Pétrus, bé e Yʉánɛs ndu e Jacques, ntɔ̂ʼ bére lɨ́ ecwɨ̂ʼ, lɨ́ etó jɨʼla e Nzyɛ̌m.

Lʉkas 9:29

Jɔ̌ʼ Yésʉs á be, nye mû lɨ́ ejɨʼla yɨ́, mpǒm nyé ndu e mikán myé, byé ntɔ̂ʼ dwira. Bíbyɛ̂h mû kwahaá ɨ́ pumo pumo.

Yʉanes 6:3

Yésʉs nzě tó bére lɨ́ ecwɨ̂ʼ, bé le ompʉ́n bé, bê nzě di sí.